ନୂଆଦିଲ୍ଲୀ,୨୧/୧୧: ରେମଣ୍ଡ୍ର ଅଧ୍ୟକ୍ଷ ଗୌତମ ସିଂଘାଣିଆଙ୍କଠାରୁ ଅଲଗା ହେବା ପାଇଁ ପତ୍ନୀ ନୱାଜ ମୋଦି ସର୍ତ୍ତ ରଖିଛନ୍ତି । ସେ ୧୪୦ କୋଟି ଡଲାର ବା ପ୍ରାୟ ୧୧ ହଜାର କୋଟି ଟଙ୍କା ଦାବି କରିଥିବା ଗଣମାଧ୍ୟମରେ ପ୍ରକାଶିତ ଏକ ରିପୋର୍ଟରୁ ଜଣାପଡ଼ିଛି । ଗୌତମଙ୍କ ମୋଟ ସମ୍ପତ୍ତିର ଏହା ୭୫% ।
ସିଂଘାଣିଆ ପତ୍ନୀଙ୍କଠାରୁ ଅଲଗା ହେବା ପାଇଁ ତାଙ୍କ ସର୍ତ୍ତ ଉପରେ ଅନେକ ମାତ୍ରାରେ ସହମତି ପ୍ରକାଶ କରିଛନ୍ତି କିନ୍ତୁ ସେ ଏକ ପାରିବାରିକ ଟ୍ରଷ୍ଟ ବନାଇବା ପାଇଁ ପରାମର୍ଶ ଦେଇଛନ୍ତି । ସିଂଘାଣିଆ ଉକ୍ତ ଟ୍ରଷ୍ଟରେ ପରିବାରର ସମ୍ପତ୍ତିକୁ ଟ୍ରାନ୍ସଫର କରିବା ପାଇଁ କହିଛନ୍ତି, ଯେଉଁଥିରେ ଜଣେ ମାତ୍ର ମ୍ୟାନେଜିଂ ଟ୍ରଷ୍ଟି ରହିବେ ।
ଗୌତମ ସିଂଘାଣିଆଙ୍କ ମୃତ୍ୟୁ ପରେ ତାଙ୍କ ସମ୍ପତ୍ତିର କାଗଜପତ୍ର ପରିବାର ସଦସ୍ୟମାନଙ୍କୁ ମିଳିଯିବ । କିନ୍ତୁ ନୱାଜ ମୋଦି ଫ୍ୟାମିଲି ଟ୍ରଷ୍ଟ ବନାଇବାର ପରାମର୍ଶରେ ସହମତ ନାହାନ୍ତି ।
ଗଣମାଧ୍ୟମ ପକ୍ଷରୁ ନୱାଜଙ୍କୁ ଏ ନେଇ ଏକ ଇ-ମେଲ ପଠାଯାଇଥିଲା, ଯାହାର ଉତ୍ତରରେ ସେ କହିଛନ୍ତି ଯେ, ଏବେ ଏହାକୁ ନେଇ ଆଲୋଚନା ଚାଲିଛି । ବର୍ତ୍ତମାନ ଏହା ପ୍ରାରମ୍ଭିକ ସ୍ତରରେ ଅଛି । ଏଯାବତ୍ କୌଣସି ନିଷ୍ପତ୍ତି ନିଆଯାଇନାହିଁ ।
ସୂଚନାଯୋଗ୍ୟ, ୬ ଦିନ ତଳେ ଗୌତମ ସିଂଘାଣିଆ ପତ୍ନୀ ନୱାଜ ସିଂଘାଣିଆଙ୍କଠାରୁ ଅଲଗା ହେଉଥିବା ସୂଚନା ଦେଇଥିଲେ ।