ଯଶିପୁର, ୧୬।୨: ମୟୂରଭଞ୍ଜବାସୀଙ୍କ ପାଇଁ ଖୁସି ଖବର । ୪୯ ନଂ ଜାତୀୟ ରାଜପଥର ବିଭିନ୍ନ ସ୍ଥାନରେ ନୂତନ ଗଳାପୋଲ ପାଇଁ ଦୀର୍ଘ ଦିନରୁ ଦାବି ହୋଇ ଆସୁଥିବା ବେଳେ କେନ୍ଦ୍ର ସରକାର ଏହି ଦାବି ପୂରଣ କରିଛନ୍ତି । କେନ୍ଦ୍ର ସରକାରଙ୍କ ସଡ଼କ ଓ ପରିବହନ ମନ୍ତ୍ରୀ ନୀତିନ ଗଡ଼କରୀ ଭର୍ଚ୍ଚୁଆଲ ମୋଡ୍‌ରେ ୨୫୦ କୋଟି ଟଙ୍କାର ପ୍ରକଳ୍ପକୁ ଶୁଭ ଉଦଘାଟନ କରିଛନ୍ତି । 

ମୟୁରଭଞ୍ଜ ଜିଲ୍ଲାର ଯଶିପୁର ଦେଇ ଯାଇଥିବା ୪୯ ନମ୍ବର ଜାତୀୟ ରାଜପଥର ବାଇପାସ୍ ରାସ୍ତା, ସିଙ୍ଗଡ଼ା, କୁଇତା, ଛେଳିଗୋଧୂଳି, ନୂଆଗାଁ, ମଣଦା ଏବଂ ପଦ୍ମପୁରଠାରେ ଗଳାପୋଲ ନିର୍ମାଣ ପାଇଁ କେନ୍ଦ୍ର ସରକାରଙ୍କ ପକ୍ଷରୁ ସ୍ପଷ୍ଟୀକରଣ ମିଳିସାରିଛି । ଏହି ଅବସରରେ ଯଶୀପୁର ବାଇପାସ୍‌ଠାରେ ମୟୁରଭଞ୍ଜ ସାଂସଦ ତଥା କେନ୍ଦ୍ରମନ୍ତ୍ରୀ  ବିଶେଶ୍ୱର ଟୁଡୁ, ଯଶୀପୁର ବିଧାୟକ ଗଣେଶରାମ ସିଂ ଖୁଣ୍ଟିଆ ପ୍ରଭୁତି ଉପସ୍ଥିତ ରହି ପ୍ରକଳ୍ପର ଶିଳାନ୍ୟାସ କରିବା ସହିତ ଭୂମି ପୂଜନ କରି ଯଶିପୁରବାସୀଙ୍କୁ ସମ୍ବର୍ଦ୍ଧନା ଦେଇଥିଲେ ।