ନୂଆଦିଲ୍ଲୀ, ୧୫/୦୯: ଆମେରିକା ପରେ ପାଶ୍ଚାତ୍ୟ ରାଷ୍ଟ୍ର ଋଷ ଉପରେ ଲଗାଇଥିବା ଆର୍ଥିକ ପ୍ରତିବନ୍ଧକ ଯୋଗୁଁ ବିଶ୍ୱରେ ବାଣିଜ୍ୟ ସନ୍ତୁଳନ ଉପରେ ପ୍ରଭାବ ପଡ଼ିଛି । ଆଉ ଋଷ ଉପରେ ଏହାର ଅଧିକ ପ୍ରଭାବ ପଡ଼ିଛି । ପ୍ରତବିନ୍ଧକ ପରେ ଋଷ ତାର ଉତ୍ପାଦିତ ସାମଗ୍ରୀ ପାଇଁ ବିକଳ୍ପ ବଜାର ଏବଂ ଆବଶ୍ୟକ ସାମଗ୍ରୀ ଲାଗି ସପ୍ଲାୟର ଖୋଜୁଛି । 

ପରିବର୍ତ୍ତିତ ସ୍ଥିତିରେ ଭାରତ ଓ ଚୀନ ଠାରୁ ବେଶ୍ ଫାଇଦା ପାଉଛି ଋଷ । କିନ୍ତୁ ରଏଟର୍ସର ରିପୋର୍ଟ ମୁତାବକ ଚୀନ ଉପରେ ଋଷର ଆଉ ଭରସା ନାହିଁ । ଯାହା ଫଳରେ ଭାରତ ଉପରେ ଋଷର ନିର୍ଭରତା ବଢ଼ିପାରେ ।

ଆମେରିକାର ଦୁଇ କୁଟନୀତିଜ୍ଞଙ୍କ ଉପରେ ଗୁପ୍ତଚର ଅଭିଯୋଗ ଆଣିଲା ଋଷ, ୭ ଦିନ ଭିତରେ ଦେଶ ଛାଡିବାକୁ ଦେଲା ନିର୍ଦ୍ଦେଶ...

ଋଷରେ ଶିଳ୍ପ ପାଇଁ ଆଲୁମିନିୟମ୍ ଆବଶ୍ୟକ । ଆର୍ଥିକ ପ୍ରତିବନ୍ଧକ ପୂର୍ବରୁ ଋଷ ଆଲୁମିନିୟମ୍ ଏବଂ ଅନ୍ୟ କଞ୍ଚାମାଲ୍ ଆମଦାନୀ ୟୁକ୍ରେନ୍ ଓ ଅଷ୍ଟ୍ରେଲିଆରୁ ଆମଦାନୀ କରୁଥିଲା । ଗତବର୍ଷ ଫେବ୍ରୁଆରୀରୁ ଋଷ-ୟୁକ୍ରେନ୍ ଯୁଦ୍ଧ ପରେ ଋଷ ଉପରେ ଆର୍ଥିକ ପ୍ରତିବନ୍ଧକ ଲାଗିଛି । ଫଳରେ ଋଷ ଆଲୁମିନିୟମ୍ ଆଦମାନୀ କରି ନପାରି ଚୀନରୁ ମଗାଉଥିଲା । ଏବେ ଅନ୍ୟ ବିକଳ୍ପ ଖୋଜୁଛି ।

ଋଷର ଋଷାଲ ହେଉଛି ଦୁନିଆର ସବୁଠୁ ବଡ଼ ଆଲୁମିନିୟମ୍ ଉତ୍ପାଦକ । ଋଷାଲକୁ ଚୀନ୍ ପରେ ସବୁଠୁ ବଡ଼ ଆଲୁମିନିୟମ୍ ଉତ୍ପାଦକ କୁହାଯାଏ । କମ୍ପାନୀ ଋଷ, ଆୟର୍ଲାଣ୍ଡ, ଜମୈକା ଓ ଗିନି ଆଦି ଦେଶରୁ ଆବଶ୍ୟକତାର ୭୦ ପ୍ରତିଶତ ଅର୍ଥାତ୍ ୫.୫ ମିଲିୟନ୍ ଟନ୍ ଆଲୁମିନିୟମ୍ ଆଣିଥାଏ । ବଳକା ୩୦ ପ୍ରତିଶତ ଆଲୁମିନିୟମ୍ ୟୁକ୍ରେନ୍ ଓ ଅଷ୍ଟ୍ରେଲିଆରୁ କିଣିଥାଏ ଋଷାଲ । 

ଓକିଲଙ୍କ ଉପରେ ଜରିମାନା ଲଗାଇଲେ ସୁପ୍ରିମକୋର୍ଟ, ଜୁନିଅରଙ୍କୁ ଏପରି ତାଲିମ ଦେଉଛ ?

ପାଶ୍ଚାତ୍ୟ ଦେଶର ପ୍ରତିବନ୍ଧକ ପରେ ଚୀନ୍ ଉପରେ ନିର୍ଭର କରିଥିଲା ଋଷାଲ । ଗତବର୍ଷ ଚୀନ ଠାରୁ ରେକର୍ଡ ପରିମାଣର ଆଲୁମିନିୟମ୍ ମଧ୍ୟ କିଣିଥିଲା । କିନ୍ତୁ ଏଥିରେ ଋଷ କ୍ଷତି ସହିବା ସହ ପୂର୍ବାପେକ୍ଷା ଅଧିକ ଖର୍ଚ୍ଚ କରିବାକୁ ପଡ଼ିଥିଲା । ପୂର୍ବରୁ ଋଷ ଆଲୁମିନିୟମ୍ ପାଇଁ ୧.୧ ବିଲିୟନ୍ ଡଲାର ଖର୍ଚ୍ଚ କରୁଥିବା ବେଳେ ୨୦୨୨ରେ ଚୀନରୁ କଣିବା ଲାଗି ୧.୮ ବିଲିୟନ୍ ଡଲାର ଖର୍ଚ୍ଚ କରିଛି ।

ଅଧିକ ଆମଦାନୀ ଖର୍ଚ୍ଚ ଲାଗି ଋଷାଲ ବିକଳ୍ପ ସନ୍ଧାନ କରୁଛି । ବିକଳ୍ପ ଭାବେ କଜାଖସ୍ଥାନ ଓ ଭାରତ ଅଛନ୍ତି । ବିଗତ ୬ ମାରେ ଭାରତ ଠାରୁ ୧, ୮୯, ୩୭୯ ଟନ୍ ଆଲୁମିନା ଋଷ କିଣିଛି । ସରକାରୀ କମ୍ପାନୀ ନାଲକୋ, ଋଷକୁ ଆଲୁମିନିୟମ୍ ସପ୍ଲାଏ କରୁଛି । ଚଳିତବର୍ଷ ଭାରତ ଠାରୁ ୩୫ ଲକ୍ଷ ଟନରୁ ଅଧିକ ଆଲୁମିନିୟମ୍ ଋଷ କିଣିପାରେ ।