ନୂଆଦିଲ୍ଲୀ, ୦୬/୧୧: ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ବାଂଲାଦେଶ-ଶ୍ରୀଲଙ୍କା ମ୍ୟାଚରେ ଐତିହାସିକ ବିବାଦ ଉପୁଜିଛି । ଶ୍ରୀଲଙ୍କାର ଖେଳାଳି ଏଞ୍ଜେଲୋ ମ୍ୟାଥୁଜ୍ କୌଣସି ବି ଗୋଟିଏ ବଲ୍ ନ ଖେଳି ‘ଟାଇମ୍ ଆଉଟ୍’ ହୋଇ ପ୍ୟାଭିଲିୟନ୍ ଫେରିଛନ୍ତି । ତେବେ ଅନ୍ତର୍ଜାତୀୟ କ୍ରିକେଟ୍ ଇତିହାସରେ ଏହା ପ୍ରଥମ ଘଟଣା, ଯେଉଁଠି ଜଣେ ଖେଳାଳି ଏଭଳି ଭାବେ ‘ଟାଇମ୍ ଆଉଟ୍’ ହୋଇଛନ୍ତି ।
ବାଂଲାଦେଶ ବିପକ୍ଷରେ ଶ୍ରୀଲଙ୍କା ବ୍ୟାଟିଂ କରୁଥିବା ବେଳେ ୨୫ ଓଭରରେ ଏହି ଘଟଣା ଘଟିଥିଲା । ଉକ୍ତ ଓଭରରେ ବାଂଲାଦେଶ ଟିମର ଅଧିନାୟକ ଓ ସ୍ପିନର୍ ଶାକିବ ଅଲ୍ ହସନ୍ ଅପିଲ୍ କରିଥିଲେ । ଶାକିବଙ୍କ ଦ୍ୱିତୀୟ ବଲରେ ସଦିରା ସମରବିକ୍ରମା କ୍ୟାଚ୍ ଆଉଟ୍ ହୋଇଥିଲେ । ଏହା ପରେ ବ୍ୟାଟିଂ ପାଇଁ କ୍ରିଜକୁ ଆସିଥିଲେ ଏଞ୍ଜେଲୋ ମ୍ୟାଥୁଜ୍ । ତେବେ ଏହି ସମୟରେ ଏକ ବଡ଼ ବ୍ୟତିକ୍ରମ ଦେଖିବାକୁ ମିଳିଥିଲା ।
Angelo Mathews became the first batter in international cricket to be dismissed in this manner 👀
— ICC Cricket World Cup (@cricketworldcup) November 6, 2023
Why was he given out? 🧐#CWC23 #BANvSLhttps://t.co/2P7dXYcZ08
ମ୍ୟାଥୁଜ୍ କ୍ରିଜକୁ ଆସିଲା ବେଳେ ଉଚିତ୍ ହେଲମେଟ୍ ଆଣି ନଥିଲେ । ଫଳରେ ସେ କ୍ରିଜକୁ ଆସି ଆଉ ଏକ ହେଲମେଟ୍ ଆଣିବା ଲାଗି ପ୍ୟାଭିଲିୟନ ଓ ସାଥୀ ଖେଳାଳିଙ୍କୁ ଇସାରା କରିଥିଲେ । ଆଉ ସେହି ସମୟରେ ଶାକିବ କ୍ରିଜରେ ଥିବା ଅମ୍ପାୟରଙ୍କୁ ‘ଟାଇମ୍ ଆଉଟ୍’ ଅପିଲ୍ କରିଥିଲେ । ତେବେ ଶାକିବଙ୍କ ଅପିଲକୁ ପ୍ରଥମେ ଅମ୍ପାୟର ଗୁରୁତ୍ୱ ଦେଇ ନଥିଲେ । ଶାକିବ ପୁଣି ଅମ୍ପାୟରଙ୍କୁ କହିବା ପରେ ଦୁଇ ଅମ୍ପାୟର ଆଲୋଚନା କରି ମ୍ୟାଥୁଜଙ୍କୁ ଅମ୍ପାୟରଙ୍କୁ ‘ଟାଇମ୍ ଆଉଟ୍’ କରିଥିଲେ ।
ଏଭଳି ଭାବେ ଶ୍ରୀଲଙ୍କା ଟିମ୍ ଗୋଟିଏ ବଲରେ ୨ଟି ୱିକେଟ୍ ହରାଇଥିଲା । କୌଣସି ଗୋଟିଏ ବଲ୍ ନ ଖେଳି ଆଉଟ୍ ହୋଇ ନିରାଶ ହୋଇ କ୍ରିଜରୁ ଫେରିଥିଲେ ମ୍ୟାଥୁଜ୍ । ଏଭଳି ଘଟଣା ଅନ୍ତର୍ଜାତୀୟ କ୍ରିକେଟରେ ପ୍ରଥମଥର ପାଇଁ ତାହା ପୁଣି ବିଶ୍ୱକପ୍ ମ୍ୟାଚରେ ଦେଖିବାକୁ ମିଳିଛି । ‘ଟାଇମ୍ ଆଉଟ୍’କୁ ନେଇ ରାଗି ଯାଇଥିବା ମ୍ୟାଥୁଜ୍ ଫେରିବା ସମୟରେ ବାଉଣ୍ଡରିକୁ ହେଲମେଟ୍ ଫିଙ୍ଗି ଦେଉଥିବା ଭିଡିଓରେ ଦେଖା ଯାଉଛି ।
ଟସ୍ ଜିତି ବୋଲିଂ ନିଷ୍ପତ୍ତି ନେଲା ବାଂଲାଦେଶ; ଉଭୟ ଟିମ୍ରେ ଏକାଦଶରେ ପରିବର୍ତ୍ତନ
‘ଟାଇମ୍ ଆଉଟ୍’ ନିୟମ କଣ ?
୪୦.୧.୧ ଅନୁସାରେ, କୌଣସି ୱିକେଟ୍ ଖସିବା ପରେ କ୍ରିଜକୁ ଆସୁଥିବା ବ୍ୟାଟ୍ସମ୍ୟାନ ୩ ମିନିଟ୍ ମଧ୍ୟରେ ଆଗାମୀ ବଲ୍ ଖେଳିବାକୁ ପ୍ରସ୍ତୁତ ହେବା ଦରକାର । ଯଦି ନୂତନ ବ୍ୟାଟ୍ସମ୍ୟାନ୍ ଏଭଳି କରିବାକୁ ସକ୍ଷମ ହେବେ ନାହିଁ ତ, ତାଙ୍କୁ ଆଉଟ୍ ବୋଲି କୁହାଯିବ । ଯାହାକୁ ‘ଟାଇମ୍ ଆଉଟ୍’ କୁହାଯାଏ ।
୪୦.୧.୨ ଅନୁସାରେ, ଯଦି ନିର୍ଦ୍ଧାରିତ (୩ ମିନିଟ୍) ସମୟରେ ବ୍ୟାଟ୍ସମ୍ୟାନ୍ କ୍ରିଜକୁ ନ ଆସନ୍ତି । ସେଠି ଅମ୍ପାୟର୍ ୧୬.୩ ନିୟମ ଆପଣାଇବେ । ଫଳରେ ବ୍ୟାଟ୍ସମ୍ୟାନଙ୍କୁ ‘ଟାଇମ୍ ଆଉଟ୍’ କରାଯାଇ ପାରିବ ।
