ନୂଆଦିଲ୍ଲୀ, ୧୮/୦୯: ଆଜିଠୁ ସଂସଦର ସ୍ୱତନ୍ତ୍ର ଅଧିବେଶନ ଆରମ୍ଭ ହୋଇଛି । ଆସନ୍ତାକାଲି ଗଣେଶ ଚତୁର୍ଥୀରୁ ନୂଆ ସଂସଦ ଭବନରେ ଅଧିବେଶନ ବସିବ । ସ୍ୱତନ୍ତ୍ର ଅଧିବେଶନରେ କେନ୍ଦ୍ର ସରକାର ମହିଳା ସଂରକ୍ଷଣ ବିଲ୍ ଆଣି ପାରନ୍ତି । ବୁଧବାର ଏ ସମ୍ପର୍କିତ ବିଲ୍ ଆଗତ ହୋଇପାରେ ବୋଲି ଜଣାପଡ଼ିଛି ।
ତେବେ ମହିଳା ସଂରକ୍ଷଣ ବିଲ୍ ପାସ୍ ପାଇଁ ବିଜେପିକୁ ବେଶୀ ସଂଘର୍ଷ କରିବାକୁ ପଡ଼ିବ ନାହିଁ । କାରଣ ବିଲକୁ ନେଇ ବିରୋଧୀ ନେତାଙ୍କ ସହମତି ରହିଛି । ସ୍ୱତନ୍ତ୍ର ଅଧିବେଶନ ଆରମ୍ଭର ଦିନକ ପୂର୍ବରୁ ବସିଥିବା ସର୍ବଦଳୀୟ ବୈଠକରେ ମହିଳା ସଂରକ୍ଷଣ ବିଲକୁ ନେଇ ଚର୍ଚ୍ଚା ହୋଇଥିଲା । ଶାସକ ସହ ବିରୋଧୀ ମେଣ୍ଟ ଏଥିରେ ଆଗ୍ରହ ପ୍ରକାଶ କରିଥିଲେ ।
ସର୍ବଦଳୀୟ ବୈଠକରେ ସରକାର କହିଥିଲେ, ଉପଯୁକ୍ତ ସମୟର ଅପେକ୍ଷା କରାଯାଇଛି । ସୂତ୍ର ଅନୁସାରେ, ବୁଧବାର ସରକାର ଲୋକସଭାରେ ଏହି ବିଲ୍ ଆଗତ କରି ପାରନ୍ତି । ଲୋକସଭାରେ ବିଲ୍ ପାରିତ ହେବା ପରେ ରାଜ୍ୟସଭାକୁ ପଠାଯିବ ।
କଂଗ୍ରେସ ଓ ସହଯୋଗୀ ଦଳ ମହିଳା ସଂରକ୍ଷଣ ବିଲ୍ ଆଣିବାକୁ ଦାବି କରୁଛନ୍ତି । ବିଜେପି, ଏନସିପି ବିଲକୁ ସମର୍ଥନ କରୁଛନ୍ତି । ବିଆରଏସ୍, ଟିଡିପି, ବିଜେଡି ଆଦି ଦଳର ଦାବି ନୂଆ ସଂସଦ ଭବନରେ ଅଧିବେଶନ ଆରମ୍ଭ ସହ ମହିଳା ସଂରକ୍ଷଣ ବିଲ୍ ପାରିତ କରାଯାଉ ।
ମାଛ ଖାଇବା ପରେ କାଟିବାକୁ ପଡ଼ିଲା ମହିଳାଙ୍କ ହାତ ଓ ଗୋଡ଼, କାହିଁକି ଏଭଳି ନିଷ୍ପତ୍ତି ନେଲେ ଡାକ୍ତର ?