ବିଜୟୱାଡା : ଆନ୍ଧ୍ର ପ୍ରଦେଶର ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀଙ୍କୁ ପଥର ମାଡ଼। ନିର୍ବାଚନ ପ୍ରଚାର କରିବାକୁ ଯାଉଥିବା ବେଳେ ତାଙ୍କ ଉପରକୁ ପଥର ଫିଙ୍ଗା ଯାଇଛି। ଏଥିରେ ସେ ଆହତ ହୋଇଥିବା ଖବର ଆସିଛି। ସୂଚନା ମୁତାବିକ , ସେ ବିଜୟୱାଡାରେ ନିର୍ବାଚନ ପ୍ରଚାର କରୁଥିଲେ। ଏହି ସମୟରେ କେହି ଜଣେ ଅଜ୍ଞାତ ବ୍ୟକ୍ତି ତାଙ୍କ ଉପରକୁ ପଥର ଫିଙ୍ଗି ଥିଲା। ପଥର ତାଙ୍କ ଠାରେ ବାଜି ତାଙ୍କର ଆଖି ପାଖରେ କ୍ଷତ ସୃଷ୍ଟି ହୋଇଛି।
ୱାଇଏସଆର କଂଗ୍ରେସ ପାର୍ଟି ପ୍ରମୁଖ ଜଗନ ମୋହନ ରେଡ୍ଡୀ ଏକ ବସ୍ରେ ପ୍ରଚାର କରୁଥିଲେ। ପଥର ଆସି ମୁଖ୍ୟମନ୍ତ୍ରୀଙ୍କର ମୁହଁର ବାମ କଡ଼ରେ ଟିକିଏ ଉପରକୁ ବାଜିଥିଲା, ଯେଉଁଥିରେ ତାଙ୍କର ଆଖି ଅଳ୍ପକେ ରକ୍ଷା ପାଇ ଯାଇଛି। ରିପୋର୍ଟରେ କୁହାଯାଇଛି କି ତାଙ୍କର ଦୁଇଟି ଷ୍ଟିଚ୍ ହୋଇପାରେ।
