ପ୍ରମୂଖ ଖବର
  • ପୁରୀ: ନବଦିନାତ୍ମକ ଯାତ୍ରା ସାରି ବାହୁଡିବେ ନୀଳାଦ୍ରିନାଥ, ବାହୁଡ଼ାଦିଅଁଙ୍କ ପହଣ୍ଡି ବିଜେ
  • ||
  • ସୁନ୍ଦରଗଡ଼: ପ୍ରେମ କଳିକୁ ନେଇ ଡବଲ ମର୍ଡର, ପ୍ରେମିକା ଓ ତାର ସହପାଠୀକୁ ଛୁରୀ ଭୁସି ହତ୍ୟା କଲା ଡ୍ରାଇଭର୍ ପ୍ରେମିକ
  • ||
  • ଭୁବନେଶ୍ୱର: କଳାଭୂମି ନିକଟରେ ବୃଦ୍ଧଙ୍କ ଉପରେ ମାଡିଗଲା ବାଲି ବୋଝେଇ ଟ୍ରକ୍‌, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ୱିମ୍ବଲଡନ ଟାଇଟଲ ଲଢ଼େଇ: ଭେଟେରାନ ଜୋକୋଭିକଙ୍କୁ ହରାଇ କାର୍ଲୋସ ଅଲକାରାଜ ଚାମ୍ପିଅନ୍
  • ||
  • ସୋମବାରଠୁ ସିବିଏସ୍‌ଇ ସପ୍ଲିମେଣ୍ଟାରୀ ପରୀକ୍ଷା, ଉଭୟ ଦଶମ ଓ ଦ୍ୱାଦଶ ଛାତ୍ରଛାତ୍ରୀ ଦେବେ ଏକ୍ସଜାମ୍
  • ||
  • ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ: ଆଜି ଦକ୍ଷିଣ- ଉତ୍ତର ଓଡ଼ିଶାରେ ପ୍ରବଳ ବର୍ଷା ସମ୍ଭାବନା
  • ||
  • ଜନ୍ମବେଦିରୁ ଶ୍ରୀମନ୍ଦିରକୁ ବାହୁଡିବେ ଚତୁର୍ଦ୍ଧାମୂର୍ତ୍ତି: ୧୨ଟାରେ ପହଣ୍ଡି, ୪ଟାରେ ରଥ ଟଣା
  • ||

ବ୍ରାଉନ୍‌ସୁଗର ସନ୍ଦେହରେ ଚଢ଼ଉ, ଠାବ ହେଲା ସେକ୍ସ ର‌୍ୟାକେଟ୍‌ ! ୩ ମହିଳାଙ୍କ ସମେତ ୫ ଜଣଙ୍କୁ ଉଠାଇନେଲା ପୁଲିସ୍‌

ଅନୁଗୁଳ,୩୦/୦୬: ବ୍ରାଉନ୍‌ସୁଗର କାରବାର  ନେଇ ସୁରାକ୍‌ ପାଇଥିଲା ପୁଲିସ୍‌ । ଦୁଇ ଦିନ ହେଲା  ତୀକ୍ଷ୍ଣ ନଜର ରଖିଥିଲା । ଶନିବାର ପୂର୍ବାହ୍ଣରେ ଚଢ଼ଉ  କଲା ବେଳକୁ ପୁଲିସ୍‌ର ଅକଲଗୁଡୁମ୍‌ । ବ୍ରାଉନ୍‌ସୁଗର  ତ ମିଳିଲା, ତା’ସହିତ ସେକ୍ସ ର‌୍ୟାକେଟ ଠାବ କଲା  ପୁଲିସ୍‌ । ଅନୁଗୁଳ ସହରର ମଦନମୋହନପଡାରେ  ଘଟିଥିବା ଏହି ଘଟଣା ଚର୍ଚ୍ଚାର ବିଷୟ ହୋଇଛି ।  

ପୁଲିସ୍‌ ଚଢ଼ଉ ବେଳେ ମାଷ୍ଟରମାଇଣ୍ଡ୍‌ ସହିତ ୨  ଜଣ ପୁରୁଷ ଓ ୨ ଜଣ ଯୁବତୀଙ୍କୁ କାବୁ କରିଥିଲା ।  ସେମାନଙ୍କୁ ପୁଲିସ୍‌ ଉଠାଇ ଆଣିଥିବା ବେଳେ ଉକ୍ତ  ଘରୁ କିଛି ଆପତ୍ତିଜନକ ସାମଗ୍ରୀ ଜବତ ହୋଇଥିବା  ବିଶ୍ୱସ୍ତ ସୂତ୍ରରୁ ସୂଚନା ମିଳିଛି । ତଦନ୍ତରେ ବାଧା  ଉପୁଯିବା ଆଶଙ୍କା କରି ପୁଲିସ୍‌ କୌଣସି ସୂଚନା  ଦେବାକୁ ମନା କରି ଦେଇଛି ।ସୂଚନା ମୁତାବକ,  ମଦନମୋହନପଡାର ଜଣେ ମହିଳା ଦୀର୍ଘଦିନ ହେଲା  ବ୍ରାଉନ୍‌ସୁଗର କାରବାର କରୁଥିବା ନେଇ ପୁଲିସ୍‌କୁ  ସୂଚନା ମିଳିଥିଲା । ସେ ନିକଟରେ ବ୍ରାଉନ୍‌ସୁଗର  ଆଣି ବିକ୍ରି ପାଇଁ ରଖିଥିବା ସ୍ପେଶାଲ୍‌ ସ୍କ୍ୱାଡ୍‌କୁ ବିଶ୍ୱସ୍ତ  ସୂତ୍ରରୁ ଖବର ମିଳିଥିଲା । 

ଗତକାଲିଠାରୁ ପୁଲିସ୍‌ ଏଇ  ନିର୍ଦ୍ଦିଷ୍ଟ ଘର ଉପରେ ନଜର ରଖିଥିବା ବେଳେ ଆଜି  ପୂର୍ବାହ୍ଣରେ ସ୍ପେଶାଲ୍‌ ସ୍କ୍ୱାଡ୍‌ ଓ ଟାଉନ୍‌ ଥାନା ପୁଲିସ୍‌ ମିଳିତ  ଭାବେ ଚଢ଼ଉ କରିଥିଲେ । ଚଢ଼ଉ ବେଳେ ପୁଲିସ୍‌  ବ୍ରାଉନ୍‌ସୁଗର ଜବତ କରିବା ସହିତ ଘର ଭିତରେ  ସେକ୍ସ ର‌୍ୟାକେଟ୍‌ ଚାଲିଥିବା ଜାଣିବାକୁ ପାଇଥିଲା । ଏମିତିକି ୨ ଜଣ ଯୁବତୀ ଓ ୨ ଜଣ ପୁରୁଷ ପୁଲିସ୍‌  ପ୍ରଶ୍ନରେ ଥତମତ ହୋଇଥିଲେ । ସନ୍ତୋଷଜନକ  ଉତ୍ତର ନପାଇବା ପରେ ପୁଲିସ ସେମାନଙ୍କୁ ଥାନାକୁ  ଉଠାଇ ଆଣି ତଦନ୍ତ ଆରମ୍ଭ କରିଛି । ଅଟକ ଯୁବତୀ  ସ୍ଥାନୀୟ ଅଞ୍ଚଳର ବୋଲି ଜଣାପଡିଛି । ତେବେ  କେତେ ପରିମାଣର ବ୍ରାଉନ୍‌ସୁଗର ଜବତ ହୋଇଛି,  ସେନେଇ କୌଣସି ସୂଚନା ମିଳିନାହିଁ । 

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.