ପ୍ରମୂଖ ଖବର
  • ଭୁବନେଶ୍ୱର: ୧୯ରେ ବିଜେଡି ବିଧାୟକ ଦଳ ବୈଠକ, ଅଧକ୍ଷତା କରିବେ ସୁପ୍ରିମୋ ନବୀନ ପଟ୍ଟନାୟକ
  • ||
  • ଦାର୍ଜିଲିଂରେ ଭୟଙ୍କର ଟ୍ରେନ୍ ଦୁର୍ଘଟଣା, ଏକ୍ସପ୍ରେସ୍ ଟ୍ରେନ୍‌କୁ ପଛ ପଟୁ ଧକ୍କା ଦେଲ ମାଲବାହୀ ଟ୍ରେନ୍, ୮ ଯାତ୍ରୀ ମୃତ, ୨୦ରୁ ଅଧିକ ଆହତ
  • ||
  • ନୀଳଗିରି: ରଜ ଉତ୍ସବରେ ଅଘଟଣ।ଝାଡ଼ାବାନ୍ତି ରେ ୯ ଗୁରୁତର ,୨ ଅସୁସ୍ଥ
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କ ରାଜେନ୍ଦ୍ରାଭିଷେକ ନୀତି, ମଙ୍ଗଳବାର ଋକ୍ମିଣୀ ବିବାହ ଉତ୍ସବ
  • ||
  • ସରିଲା ଗ୍ରୀଷ୍ମ ଛୁଟି, କାଲିଠୁ ଖୋଲିବ ସ୍କୁଲ: ଶିକ୍ଷକ ଆସି କରିବେ ସମସ୍ତ ବ୍ୟବସ୍ଥା
  • ||
  • ନୂଆପଡା ଲଛିପୁର ଛକରେ ଟ୍ରାକ୍ଟର୍କୁ ପିଟିଲା କାର, ମର୍ମନ୍ତୁଦ ଦୁର୍ଘଟଣାରେ ଚାଲିଗଲା ୪ ଜୀବନ
  • ||
  • ନାକେଦମ୍‌ କଲାଣି ଭୀଷଣ ତାତି ସାଙ୍ଗକୁ ଗୁଳୁଗୁଳି: ଆଗଉନି ମୌସୁମୀ, ବର୍ଷା ଗାଏବ
  • ||

ରାହୁଲ ଦ୍ରାବିଡଙ୍କ ପରେ କିଏ ? ଗୌତମ ଗମ୍ଭୀରଙ୍କୁ ଯୋଗାଯୋଗ କଲା ବିସିସିଆଇ !

ନୂଆଦିଲ୍ଲୀ: ଭାରତୀୟ ଦଳର ମୁଖ୍ୟ କୋଚ୍‌ ଲାଗି ଷ୍ଟିଫେନ୍‌ ଫ୍ଲେମିଂ, ରିକି ପଣ୍ଟିଂ ଏବଂ ଭିଭିଏସ୍‌ ଲକ୍ଷ୍ମଣ ବାଦ ଦେଲେ ବିସିସିଆଇ ନଜରରେ ଅଛନ୍ତି ଗୌତମ ଗମ୍ଭୀର । ରାହୁଲ ଦ୍ରାବିଡ୍‌ଙ୍କ ସ୍ଥାନରେ ଗୌତମ ଗମ୍ଭୀରଙ୍କୁ ଭାରତୀୟ ଦଳର ମୁଖ୍ୟ କୋଚ୍‌ ନିଯୁକ୍ତ କରିବାକୁ ବିସିସିଆଇ ବିଚାର କରୁଥାଇପାରେ । ଏବେ ଏବେ ମିଳିଥିବା ସୂଚନା ଅନୁସାରେ, ବିସିସିଆଇ ଗୌତମ ଗମ୍ଭୀରଙ୍କୁ ଏନେଇ ସଂପର୍କ କରିଛି । ଇଏସପିଏନ୍‌ କ୍ରିକ୍‌ ଇନଫୋରେ ପ୍ରକାଶ ପାଇଥିବା ଏକ ରିପୋର୍ଟରୁ ଜଣାପଡ଼ିଛି ଯେ, ବିସିସିଆଇ ପକ୍ଷରୁ ପୂର୍ବତନ ଓପନର ଗୌତମ ଗମ୍ଭୀରଙ୍କ ସହ ଯୋଗାଯୋଗ କରିଛି । 

 ଏହା ପୂର୍ବରୁ ବିସିସିଆଇ ନ୍ୟୁଜିଲାଣ୍ଡର ପୂର୍ବତନ ଅଧିନାୟକ ଷ୍ଟିଫେନ୍‌ ଫ୍ଲେମିଂଙ୍କୁ ମୁଖ୍ୟ କୋଚ୍‌ ପାଇଁ ପ୍ରସ୍ତାବ ଦେଇଥିଲା । ହେଲେ ଭାରତୀୟ ଦଳର ଆଗାମୀ ମୁଖ୍ୟ କୋଚ୍‌ଙ୍କ କାର୍ଯ୍ୟକାଳ ୨୦୨୭ ବିଶ୍ବକପ୍‌ ପର୍ଯ୍ୟନ୍ତ ବୃଦ୍ଧି ପାଇବ ବୋଲି ବିସିସିଆଇର ନିର୍ଣ୍ଣୟ ଫ୍ଲେମିଂଙ୍କୁ ଅଡ଼ୁଆରେ ପକାଇଥିବା କୁହାଯାଉଛି । ସେପଟେ ଚଳିତ ଆଇପିଏଲରେ ଗୌତମ ଗମ୍ଭୀର କୋଲକାତା ନାଇଟ ରାଇଡର୍ସର ମେଣ୍ଟର ଅଛନ୍ତି । ତାଙ୍କର ଔପଚାରିକ ଭାବରେ ପ୍ରଶିକ୍ଷଣ ଦେବାର ଅଭିଜ୍ଞତା ନାହିଁ । ତଥାପି କେକେଆର ଏବଂ ଲକ୍ଷ୍ନୌ ଟିମ୍‌ରେ ତାଙ୍କର ଭୂମିକା ବେଶ ଗୁରୁତ୍ବପୂର୍ଣ୍ଣ ରହିଛି ଏବଂ ଏହା ବିସିସିଆଇର ନଜରକୁ ଆସିଛି ।

 ଲକ୍ଷ୍ନୌ ସୁପର ଜ୍ୟାଣ୍ଟସ୍‌ (ଏଲଏସଜି) ଲଗାତାର ୨୦୨୨ ଏବଂ ୨୦୨୩ରେ ପ୍ଲେଅଫରେ ପହଞ୍ଚିଥିଲା ।ଏଥର ସେ କେକେଆରକୁ ଫେରିଥିବା ବେଳେ ଦଳ କେବଳ ଯେ ପ୍ଲେଅଫରେ ପହଞ୍ଚିଛି ତାହା ନୁହେଁ ପଏଣ୍ଟ ଟେବୁଲର ଶୀର୍ଷରେ ରହିଛି । ତେବେ ବିସିସିଆଇ ଏବଂ ଗମ୍ଭୀରଙ୍କ ମଧ୍ୟରେ ଏହି ଆଲୋଚନା ପ୍ରାଥମିକ ପର୍ଯ୍ୟାୟରେ ଥିବା ବେଳେ କୌଣସି ନିଷ୍କର୍ସ ଲାଗି ମେ’ ୨୭କୁ ସମୟ ଧାର୍ଯ୍ୟ ହୋଇଥିବା କୁହାଯାଉଛି । କୋଲକାତା ନାଇଟ ରାଇଡର୍ସର ମ୍ୟାଚ୍‌ ଶେଷ ହେବା ପରେ ପରବର୍ତ୍ତୀ ଆଲୋଚନା ହୋଇପାରେ । ଅନ୍ୟପଟେ କାର୍ଯ୍ୟକାଳ ନବଢ଼ାଇବା ପାଇଁ ବିସିସିଆଇକୁ ଜଣାଇଛନ୍ତି ରାହୁଲ ଦ୍ରାବିଡ୍‌ । ତେଣୁ ଏଭଳି ସ୍ଥିତିରେ ଭାରତୀୟ ଟିମ୍‌ ପ୍ରତି ଯେମିତି କୌଣସି ଅବହେଳା ନୁହୁଏ ସେଥିପ୍ରତି ବେଶ ଯତ୍ନବାନ ବିସିସିଆଇ । 

 

  • BCCI
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.