ପ୍ରମୂଖ ଖବର
  • ଭୁବନେଶ୍ଵର : ୨୨ରୁ ବଜେଟ ଅଧିବେଶନ, ସରକାର ବନାମ ନବୀନଙ୍କ ଛାୟା ମନ୍ତ୍ରିମଣ୍ଡଳ ଲଢ଼େଇ
  • ||
  • ଆଜି ରସଗୋଲା ଦିବସ, ଜିଆଇର ୫ ବର୍ଷ ପରେ ବ୍ରାଣ୍ଡିଂ ନାହିଁ, ସରକାର ନିରବ
  • ||

ବିହାର ଶିକ୍ଷକଙ୍କୁ ସୁପ୍ରିମକୋର୍ଟଙ୍କ ଛାଟ: ଦକ୍ଷତା ବଢ଼ାଅ, ନଚେତ ଚାକିରି ଛାଡ଼

ନୂଆଦିଲ୍ଲୀ,୨୯/୦୬: ରାଜ୍ୟର ଗ୍ରାମାଞ୍ଚଳରେ ଶିକ୍ଷାର ମାନରେ ଉନ୍ନତି ଆଣିବା ସହ ଶିକ୍ଷକଙ୍କ ଦକ୍ଷତା ବଢ଼ାଇବା ଲାଗି ବିହାର ସରକାର  ଶିକ୍ଷକମାନଙ୍କ ଲାଗି ଏକ ଯୋଗ୍ୟତା ପରୀକ୍ଷାର ବ୍ୟବସ୍ଥା କରିଛନ୍ତି । ହେଲେ ଏହାକୁ ବିରୋଧ କରି କିଛି ଶିକ୍ଷକ ସଂଘ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ । କିନ୍ତୁ ସୁପ୍ରିମକୋର୍ଟ ସେମାନଙ୍କ ଏହି ପିଟିସନ  ଗ୍ରହଣ କରିବାକୁ ମନା କରିଦେଇଛନ୍ତି । 

ଶିକ୍ଷକମାନଙ୍କ ଉଦ୍ଦେଶ୍ୟରେ କହିଛନ୍ତି ଯଦି ନିଜର ଦକ୍ଷତା ବଢ଼ାଇବାକୁ ଚାହୁଁନାହଁ ତେବେ ଚାକରି  ଛାଡିଦିଅ । ବିଚାରପତି ବି.ଭି ନାରରତ୍ନା ଓ ଉଜ୍ଜ୍ୱଳ ଭୂୟାଙ୍କୁ ନେଇ ଗଠିତ  ଅବକାଶକାଳୀନ ଖଣ୍ଡପୀଠ କହିଛନ୍ତି ଶିକ୍ଷକମାନେ ହେଉଛନ୍ତି ଦେଶ  ନିର୍ମାତା । ବିହାର ଭଳି ରାଜ୍ୟରେ ଶିକ୍ଷାର ମାନରେ ଉନ୍ନତି ଆସିବା ନିହାତି  ଦରକାର । ଯଦି ସରକାର ଆଣିଥିବା ବ୍ୟବସ୍ଥାକୁ ଶିକ୍ଷକମାନେ ମାନିବାକୁ  ଚାହୁଁନାହାନ୍ତି ତେବେ ସେମାନେ ଚାକିରି ଛାଡିଦିଅନ୍ତୁ । ଯଦି ସେମାନେ  ଛାତ୍ରଛାତ୍ରୀଙ୍କୁ ପଢ଼ାଇବାକୁ ଚାହୁଁଛନ୍ତି ତେବେ ଯୋଗ୍ୟତା ପରୀକ୍ଷାର  ସାମ୍‌ନା କରନ୍ତୁ । 

ବିହାର ସରକାର ଗତବର୍ଷ ଏକ ଆଇନ (ବିହାର  ସ୍କୁଲ ଏକ୍ସକ୍ଲୁସିଭ ଟିଚର୍ସ ରୁଲ-୨୦୨୩) ଆଣିଛନ୍ତି । ଯେଉଁଥିରେ  ଶିକ୍ଷକମାନଙ୍କ ଲାଗି ଏକ ଯୋଗ୍ୟତା ପରୀକ୍ଷାର ବ୍ୟବସ୍ଥା କରାଯାଇଛି ।  ତେବେ ଏହି ପରୀକ୍ଷା ଇଚ୍ଛାଧୀନ ରଖାଯାଇଛି । ଯେଉଁମାନେ ଚାହିଁବେ  ଦେଇପାରିବେ ନଚେତ ନାହିଁ । ଯେଉଁମାନେ ପରୀକ୍ଷା ନଦେବେ  ସେମାନଙ୍କ ଲାଗି କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ନାହିଁ । କିନ୍ତୁ  ଯେଉଁମାନେ ପରୀକ୍ଷା ଦେଇ କୃତକାର୍ଯ୍ୟ ହେବେ ସେମାନଙ୍କୁ ସରକାରୀ  ଶିକ୍ଷକଙ୍କ ଭଳି ସୁବିଧା ମିଳିବ । ମାତ୍ର ଏହାକୁ ଦୁଇଟି ଶିକ୍ଷକ ସଂଘ  ବିରୋଧ କରି ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.