ପ୍ରମୂଖ ଖବର
  • ଜନ୍ମବେଦିରୁ ବାହୁଡ଼ିଲେ ଦାରୁବ୍ରହ୍ମ,ବୁଧବାର ସୁନାବେଶ, ଗୁରୁବାର ଅଧରପଣା, ଶୁକ୍ରବାର ନୀଳାଦ୍ରି ବିଜେ
  • ||
  • ଝାରସୁଗୁଡ଼ା: ଧାର ଟଙ୍କା ଫେରସ୍ତକୁ ନେଇ ଗୁଳିକାଣ୍ଡ, ଜଣେ ଆହତ
  • ||
  • ବିଶ୍ୱ ସର୍ପ ଦିବସ: ବର୍ଷା ଦିନେ ସତର୍କତା ଜରୁରି, ୫ ବର୍ଷରେ ଗଲାଣି ୫୨୧୯ ଜୀବନ
  • ||
  • ବାରିପଦା : ସ୍କୁଟିକୁ ଧକ୍କା ଦେଲା ଟ୍ରକ୍, ୨ ମୃତ
  • ||
  • ମୁମ୍ବାଇ ଏକ୍ସପ୍ରେସ ହାଇୱେରେ ବସ୍-ଟ୍ରାକ୍ଟର ମୁହାଁମୁହିଁ ଧକ୍କା, ୫ମୃତ, ୪୨ ଆହାତ
  • ||
  • ସଇଁନ୍ତଳା ରାଇସମିଲ ନିକଟରେ ହାଇୱା ଟ୍ରକକୁ ପିଟିଲା ଯାତ୍ରୀବାହୀ ବସ୍‌, ଏକାଧିକ ଯାତ୍ରୀ ଆହତ
  • ||
  • ରାଜ୍ୟରେ ଲଘୁଚାପ ସକ୍ରିୟ: ୧୭ରୁ ବଢ଼ିବ ବର୍ଷା, ଉତ୍ତର ଓ ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ବିଏସ୍‌କେୱାଇ, ଆୟୁଷ୍ମାନକୁ ନେଇ ବଢ଼ୁଛି ଦ୍ୱନ୍ଦ୍ୱ: ଆସିପାରେ ବଡ଼ ଯୋଜନା, ନାଁ ବି ପରିବର୍ତ୍ତନ ହୋଇପାରେ

ଭୁବନେଶ୍ୱର,୧୭/୦୬: ବିଜେଡି ସରକାରଙ୍କ ବିଏସ୍‌କେୱାଇ ଏବଂ ବିଜେପି ସରକାରଙ୍କ ଆୟୁଷ୍ମାନ  ଭାରତ ଯୋଜନା ନେଇ ଦ୍ୱନ୍ଦ୍ୱ ବଢ଼ୁଛି । ଉଭୟ  ସରକାରଙ୍କ ବହୁ ପ୍ରତିକ୍ଷିତ ଦୁଇ ଯୋଜନାକୁ ନେଇ  ଲୋକଙ୍କ ଭିତରେ ଆଲୋଚନା ଜୋର ଧରିଛି ।  ଦୁଇଟି ଯାକ ଯୋଜନା କାର୍ଯ୍ୟକାରୀ ହେବ ନା କେବଳ ‘ଆୟୁଷ୍ମାନ ଭାରତ’ ଯୋଜନାକୁ ନୂଆ କରି ଲାଗୁ  କରାଯିବ, ତାକୁ ଦ୍ୱନ୍ଦ୍ୱ ଦେଖାଦେଇଛି । ଏପଟେ  ନୂତନ ଭାବେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ  ଦାୟିତ୍ୱ ନେଇଥିବା ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ ଦୁଇ  ଯୋଜନାକୁ ତର୍ଜମା କରି ପଦକ୍ଷେପ ନିଆଯିବ ବୋଲି  ସୂଚନା ଦେଇଛନ୍ତି । ଲୋକଙ୍କୁ ସ୍ୱାସ୍ଥ୍ୟ ସେବା ଯୋଗାଇ  ଦେବା ସରକାରଙ୍କ ପ୍ରାଥମିକତା । ଆୟୁଷ୍ମାନ ଯୋଜନା  କେନ୍ଦ୍ର ସରକାରଙ୍କ ଏକ ଫ୍ଲାଗସିପ୍‌ କାର୍ଯ୍ୟକ୍ରମ । ତେଣୁ  ଉଭୟ ଯୋଜନା ନେଇ ବିଚାର ବିମର୍ଷ ଚାଲିଛି । 

ଦୁଇଟି ଯୋଜନାକୁ ତୁଳନା କଲେ ଜଣାପଡ଼ିଛି  ଯେ ରାଜ୍ୟରେ ବିଏସ୍‌କେୱାଇରେ ୧ କୋଟି ୩ ଲକ୍ଷ  ପରିବାର ଚିକିତ୍ସା ସୁବିଧା ପାଉଛନ୍ତି । ଆଉ ରାଜ୍ୟରେ  ଯଦି ଆୟୁଷ୍ମାନ ଭାରତ ଲାଗୁ ହେବ, ତାହାଲେ ଏହାର  ମାପଦଣ୍ଡ ଅନୁସାରେ ୬୩ ଲକ୍ଷ ପରିବାର ସୁବିଧା  ପାଇବେ । କିନ୍ତୁ ବିଏସ୍‌କେୱାଇରେ ବାର୍ଷିକ ପରିବାର  ପିଛା ୫ ଲକ୍ଷ ଟଙ୍କା ମିଳୁଥିବା ବେଳେ ମହିଳାଙ୍କ  ପାଇଁ ୧୦ ଲକ୍ଷ ପର୍ଯ୍ୟନ୍ତ ଚିକିତ୍ସା ସୁବିଧା ମିଳିପାରୁଛି । 

ସ୍ୱାସ୍ଥ୍ୟ ବିଭାଗ ଜଣେ ବରିଷ୍ଠ ଅଧିକାରୀ କହିଛନ୍ତି,  ବର୍ତ୍ତମାନ ବିଏସ୍‌କେୱାଇ ଚାଲୁ ରହିଛି । କିନ୍ତୁ ବାସ୍ତବରେ  ଦୁଇ ଯୋଜନାକୁ ନେଇ କ’ଣ ପଦକ୍ଷେପ ନେବେ  ସରକାର ତାହାର ପ୍ରକୃତ ଚିତ୍ର ବର୍ତ୍ତମାନ ସୁଦ୍ଧା ସ୍ପଷ୍ଟ  ହୋଇନି । ହେଲେ ଦୁଇ ଯୋଜନା ମାପଦଣ୍ଡ ଅଲଗା  ଅଲଗା ରହିଛି । ହୁଏତ ସରକାର ଦୁଇ ଯୋଜନାକୁ  ମିଶାଇ ଗୋଟିଏ ବଡ଼ ଯୋଜନା କରିପାରନ୍ତି ଏବଂ  ଯୋଜନା ନାମ ପରିବର୍ତ୍ତନ କରିପାରନ୍ତି । ଏହାବ୍ୟତୀତ  ସମସ୍ତ ରୋଗୀଙ୍କ ଉପକୃତ ହେଲା ଭଳି ଗୋଟିଏ ପ୍ରକାର  ଚିକିତ୍ସା ସୁବିଧା ଯୋଗାଇଲା ଭଳି ବଡ଼ ଯୋଜନାରେ  ରଖିପାରନ୍ତି। ଖୁବଶୀଘ୍ର ଏନେଇ ପ୍ରକ୍ରିୟା ଆରମ୍ଭ ହେବ  ବୋଲି କୁହାଯାଉଛି । ଦିଲ୍ଲୀ ସ୍ୱାସ୍ଥ୍ୟ ମନ୍ତ୍ରଣାଳୟ ସହିତ  ବିଚାର ବିମର୍ଷ ପରେ ଏନେଇ ପ୍ରକ୍ରିୟା ଆରମ୍ଭ ହେବ ।  ଅନ୍ୟପଟରେ ରାଜସ୍ଥାନରେ ବିଜେପି ସରକାର ଆସିବା  ପରେ ଦୁଇ ଯୋଜନାକୁ ମିଶାଇବା ନେଇ ନଜିର ରହିଛି । ଓଡ଼ିଶାରେ ମଧ୍ୟ ସମାନ ପନ୍ଥା ଆପଣାଇପାରେ ବିଜେପି  ସରକାର । ନୂଆ ଯୋଜନା ଆସିବା ଯାଏ ବିଏସ୍‌କେୱାଇ  ବଳବତ୍ତର ରହିବ ବୋଲି ପୂର୍ବରୁ ମୁଖ୍ୟ ଶାସନ ସଚିବ  ଓ ସ୍ୱାସ୍ଥ୍ୟ ସଚିବ ସ୍ପଷ୍ଟ କରିଛନ୍ତି । 

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.