ନୂଆଦିଲ୍ଲୀ,୨୪/୫: କମ୍ବୋଡ଼ିଆ ଯାଇ ଫସିଥିବା ୬୦ ଭାରତୀୟ ଉଦ୍ଧାର। କମ୍ବୋଡ଼ିଆରେ ଥିବା ଭାରତୀୟ ଦୂତାବାସ ସହଯୋଗରେ ସେମାନେ ସୁରକ୍ଷିତ ଭାବେ ଦେଶକୁ ଫେରି ଆସିଛନ୍ତି। ତେବେ ଅଧିକା ଦରମା ପାଇବାର ଲୋଭ ଦେଖାଇ ଚାକିରି ନିମନ୍ତେ ଉକ୍ତ ଯୁବକମାନଙ୍କୁ କିଛି ଏଜେଅଟ କମ୍ବୋଡଆ ନେଇଯାଇଥିଲା । ମାତ୍ର ଲେଠାରେ ପହଞ୍ଚିବା ପରେ ସେମାନ ଠକାମୀର ଶିକାର ହୋଇଥିବା ଜାଣିବାକୁ ପାଇଥିଲେ । ଏନେଇ ସେମାନେ ଫେରିବା ନିମନ୍ତେ ଭାରତୀୟ ଦୂତାବାସର ସାହାଯ୍ୟ ଲୋଡିଥିଲେ। ଭାରତୀୟ ଦୂତାବାସ ପକ୍ଷରୁ ସ୍ଥାନୀୟ ପ୍ରଶାସନ ସହାୟତାରେ ଉକ୍ତ ଯୁବକମାନଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇ ଦେଶକୁ ପଠାଇ ଦିଆଯାଇଛି।

ଏଥିସହ ବିଦେଶରେ ଚାକିରି ଆଶାରେ ଥିବା ଭାରତୀୟଙ୍କ ପାଇଁ କେନ୍ଦ୍ର ସରକାରଙ୍କ ପକ୍ଷରୁ ଏକ ଆଡଭାଇଜରୀ ଜାରି କରାଯାଇଛି। ଏହି ଆଡଭାଇଜରୀ ଅନୁଯାୟୀ, ଅନ୍ୟ ଦେଶରେ ଚାକିରି କରିବା ନିମନ୍ତେ ଇଚ୍ଛୁକ ଥିଲେ କେବଳ ବିଦେଶ ମନ୍ତ୍ରାଳୟ ଦ୍ୱାରା ସ୍ୱୀକୃତିପ୍ରାପ୍ତ ଏଜେଣ୍ଟଙ୍କ ସହ ଯୋଗାଯୋଗ କରନ୍ତୁ। ଏଥିସହ ଭବିଷ୍ୟତରେ ଟୁରିଷ୍ଟ ଭିସାରେ ଚାକିରି ନିମନ୍ତେ ନ ଯିବାରୁ ଦୂତାବାସ ପକ୍ଷରୁ ପରାମର୍ଶ ଦିଆଯାଇଛି।