କୋଲକାତା,୨୮/୦୩: ଲୋକସଭା ନିର୍ବାଚନ ପୂର୍ବରୁ ନାରଦାକାଣ୍ଡରେ ପୁଣି ସକ୍ରିୟ ସିବିଆଇ । ସିବିଆଇ ପୂର୍ବତନ ନାରଦା କର୍ତ୍ତା ମାଥ୍ୟୁ ସାମୁଏଲଙ୍କୁ ପୁଣି ଡକାଇଛି । ତାଙ୍କୁ ଏପ୍ରିଲ ୪ରେ ସକାଳ ୧୧ଟାରେ ନିଜାମ ପ୍ୟାଲେସରେ ହାଜର ହେବାକୁ ନିର୍ଦ୍ଦେଶ ଦିଆଯାଇଛି ।
ସୂଚନାନୁସାରେ, ନାରଦା ମାମଲାର ତଦନ୍ତକାରୀଙ୍କ ନିକଟରେ ନୂତନ ସୂଚନା ପହଞ୍ଚିଛି । ସେହି ନୂତନ ସୂଚନାକୁ ଆଧାର କରି ମାଥ୍ୟୁ ସାମୁଏଲଙ୍କୁ ଡକାଯାଇଛି । ତଲବର ନୋଟିସ ପାଇବା ପରେ ମାଥ୍ୟୁ ଉତ୍ତର ଦେଇଛନ୍ତି । ସେ କହିଛନ୍ତି, କାମ ଯୋଗୁ ସେ ବର୍ତ୍ତମାନ ବାଙ୍ଗାଲୋରରେ ଅଛନ୍ତି । ଏତେ କମ୍ ସମୟ ମଧ୍ୟରେ କୋଲକାତା ଯିବା ସମ୍ଭବ ନୁହେଁ । ତେବେ ବିମାନ ଯାତ୍ରା ଏବଂ ରହିବା ଖର୍ଚ୍ଚ ସିବିଆଇ ତରଫରୁ ପଠାଇବାକୁ ପଡିବ।
