ଭୁବନେଶ୍ୱର ୨୮।୦୮ :  ଖୁବଶୀଘ୍ର ରାଜ୍ୟରେ ଆରମ୍ଭ ହେବାକୁ ଯାଉଛି ସିଏମ୍ କିଷାନ୍ ଯୋଜନା । ଏନେଇ ବିଜେପି ବିଧାୟକ ମାନସ ଦତ୍ତଙ୍କ ପ୍ରଶ୍ନର ଉତ୍ତର ଦେଇ ବିଧାନସଭାରେ କୃଷିମନ୍ତ୍ରୀ କନକବର୍ଦ୍ଧନ ସିଂହଦେଓ କହିଛନ୍ତି । ତେବେ ବର୍ଷକୁ ଦୁଇଟି କିସ୍ତିରେ ମିଳିବ ଟଙ୍କା । ପ୍ରତି କିସ୍ତିରେ ଦୁଇ ହଜାର ଲେଖାଏ ମିଳିବ। ଅର୍ଥାତ ବର୍ଷକୁ ୪ ହଜାର ଟଙ୍କା ମିଳିବ ।

ସେହିପରି ଭୂମିହୀନ ଚାଷୀଙ୍କୁ ତିନୋଟି କିସ୍ତିରେ ୧୨, ୫୦୦ ଟଙ୍କା ଯୋଗାଇ ଦେବେ ରାଜ୍ୟ ସରକାର । ଏହା ବ୍ୟତୀତ ନୂତନ ଭାବେ ସାମିଲ ହେବା ଲାଗି ଚାଷୀମାନେ ନୂଆ ସିଏମ୍ କିଷାନ୍ ପୋର୍ଟାଲରେ ଆବେଦନ କରିପାରିବେ । ଅନ୍ୟପଟେ ଯୋଗ୍ୟତା ଥାଇ ବି ପିଏମ୍ କିଷାନ ଯୋଜନାରୁ ଯଦି କେଉଁ ଚାଷୀ ବାଦ୍ ପଡିଛନ୍ତି । ତେବେ ସେମାନଙ୍କୁ ଏହି ଯୋଜନାରେ ସାମିଲ କରିବା ପାଇଁ ବିଭାଗ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଉଥିବା ମନ୍ତ୍ରୀ ସୂଚନା ଦେଇଛନ୍ତି ।