ପ୍ରମୂଖ ଖବର
  • ଭୁବନେଶ୍ୱର: ୧୯ରେ ବିଜେଡି ବିଧାୟକ ଦଳ ବୈଠକ, ଅଧକ୍ଷତା କରିବେ ସୁପ୍ରିମୋ ନବୀନ ପଟ୍ଟନାୟକ
  • ||
  • ଦାର୍ଜିଲିଂରେ ଭୟଙ୍କର ଟ୍ରେନ୍ ଦୁର୍ଘଟଣା, ଏକ୍ସପ୍ରେସ୍ ଟ୍ରେନ୍‌କୁ ପଛ ପଟୁ ଧକ୍କା ଦେଲ ମାଲବାହୀ ଟ୍ରେନ୍, ୮ ଯାତ୍ରୀ ମୃତ, ୨୦ରୁ ଅଧିକ ଆହତ
  • ||
  • ନୀଳଗିରି: ରଜ ଉତ୍ସବରେ ଅଘଟଣ।ଝାଡ଼ାବାନ୍ତି ରେ ୯ ଗୁରୁତର ,୨ ଅସୁସ୍ଥ
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କ ରାଜେନ୍ଦ୍ରାଭିଷେକ ନୀତି, ମଙ୍ଗଳବାର ଋକ୍ମିଣୀ ବିବାହ ଉତ୍ସବ
  • ||
  • ସରିଲା ଗ୍ରୀଷ୍ମ ଛୁଟି, କାଲିଠୁ ଖୋଲିବ ସ୍କୁଲ: ଶିକ୍ଷକ ଆସି କରିବେ ସମସ୍ତ ବ୍ୟବସ୍ଥା
  • ||
  • ନୂଆପଡା ଲଛିପୁର ଛକରେ ଟ୍ରାକ୍ଟର୍କୁ ପିଟିଲା କାର, ମର୍ମନ୍ତୁଦ ଦୁର୍ଘଟଣାରେ ଚାଲିଗଲା ୪ ଜୀବନ
  • ||
  • ନାକେଦମ୍‌ କଲାଣି ଭୀଷଣ ତାତି ସାଙ୍ଗକୁ ଗୁଳୁଗୁଳି: ଆଗଉନି ମୌସୁମୀ, ବର୍ଷା ଗାଏବ
  • ||

କିଏ ହେବ ‘ଇଣ୍ଡିଆ’ ମହାମେଣ୍ଟର ପ୍ରଧାନମନ୍ତ୍ରୀ ଚେହେରା ? ଜବାବ ରଖିଲେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ…

ନୂଆଦିଲ୍ଲୀ: ଲୋକସଭା ନିର୍ବାଚନର ୬ଟି ପର୍ଯ୍ୟାୟ ପାଇଁ ମତଦାନ ସରିଛି । ସପ୍ତମ ପର୍ଯ୍ୟାୟ ପାଇଁ ଭୋଟ୍ ଜୁନ୍ ୧ ରେ ହେବ ।ଆଉ ଏହି ସମୟରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ ଏକ ଜାତୀୟ ଗଣମାଧ୍ୟମ ସହ ଏକ ବିଶେଷ ବାର୍ତ୍ତାଳାପରେ ଦାବି କରିଛନ୍ତି ଯେ, ଏଥର ‘ଇଣ୍ଡିଆ’ ମହାମେଣ୍ଟ ସରକାର ଗଠନ କରିବାକୁ ଯାଉଛି ।

ଜାତୀୟ ଗଣମାଧ୍ୟମକୁ ଦିଆଯାଇଥିବା ସାକ୍ଷାତକାରରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟାର୍ଗେଟ କରିଛନ୍ତି । ଏହି ସମୟ ମଧ୍ୟରେ ସେ ‘ଇଣ୍ଡିଆ’ ମହାମେଣ୍ଟ ପକ୍ଷରୁ ପ୍ରଧାନମନ୍ତ୍ରୀ ଚେହେରାକୁ ନେଇ ଏକ ବଡ ଦାବି ମଧ୍ୟ କରିଛନ୍ତି ।

ଲୋକସଭା ନିର୍ବାଚନରେ ‘ଇଣ୍ଡିଆ’ ମହାମେଣ୍ଟ ପ୍ରଦର୍ଶନକୁ ନେଇ କଂଗ୍ରେସ ସଭାପତି କହିଛନ୍ତି ଯେ, 'ଆମେ ଏଥର ସରକାର ଗଠନ କରିବାକୁ ଯାଉଛୁ । ‘ଇଣ୍ଡିଆ’ ମହାମେଣ୍ଟ ୨୭୫ ରୁ ଅଧିକ ସିଟ୍ ପାଇବ । ଏଥର ଆମକୁ ସବୁ ଦିଗରୁ ଭଲ ରିପୋର୍ଟ ମିଳିଛି । ‘ଇଣ୍ଡିଆ’ ମହାମେଣ୍ଟ ପକ୍ଷରୁ ପ୍ରଧାନମନ୍ତ୍ରୀ ଚେହେରା ସମ୍ପର୍କରେ ବିଜେପି କ୍ରମାଗତ ଭାବେ ପ୍ରଶ୍ନ ଉଠାଉଛି । ଏହାର ଜବାବରେ ସେ କହିଛନ୍ତି, 'ନିର୍ବାଚନ ପରେ, ନିର୍ବାଚନ ମଣ୍ଡଳୀ ଗୁଡ଼ିକର ଏକ ବୈଠକ ହେବ ଏବଂ ଏହି ମାମଲାର ନିଷ୍ପତ୍ତି ନିଆଯିବ ।'

ଲୋକସଭା ନିର୍ବାଚନ ପ୍ରଚାର ଶେଷ ହେବା ମାତ୍ରେ ପ୍ରଧାନମନ୍ତ୍ରୀ ମୋଦୀ ଗୁରୁବାର  ସନ୍ଧ୍ୟାରେ କନ୍ୟାକୁମାରୀରେ ପହଞ୍ଚିଥିଲେ । କନ୍ୟାକୁମାରୀର ବିବେକାନନ୍ଦ ରକ୍ ମେମୋରିଆଲ୍ ର ଧ୍ୟାନ ମଣ୍ଡପମ୍ ରେ ତାଙ୍କର ୪୫ ଘଣ୍ଟିଆ ଧ୍ୟାନ ଜାରି ରହିଛି । ଏହାକୁ ମଧ୍ୟ ଟାର୍ଗେଟ କରିଛନ୍ତି ମଲ୍ଲିକାର୍ଜୁନ ଖଡଗେ । କହିଛନ୍ତି ଯେ, 'ଏହି ଧ୍ୟାନ ଏକ ଦେଖାଣିଆ । ଯଦି ତାଙ୍କୁ ଧ୍ୟାନ କରିବାକୁ ଥିଲା, ତେବେ ସେ ନିଜ ଘରେ ମଧ୍ୟ ବସି କରି ପାରିଥାନ୍ତେ । ଆପଣ ଦଶ ହଜାର ପୋଲିସ୍ ସହିତ କୌଣସି ଧ୍ୟାନ କରିପାରିବେ ନାହିଁ ।  ଆପଣ ଧ୍ୟାନ କରିବାକୁ ସାଙ୍ଗରେ ଟିଭି ନେଇ ଯାଇନଥାନ୍ତେ । 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.