ପ୍ରମୁଖ ଖବର
  • ଖଣ୍ଡପଡ଼ା: ପୋଖରୀରେ ବୁଡ଼ି ପଞ୍ଚମ ଶ୍ରେଣୀର ଛାତ୍ରଙ୍କ ମୃତ
  • ||
  • ଯଜ୍ଞର ପ୍ରସାଦ ଖାଇ ୫୦ରୁ ଉର୍ଦ୍ଧ୍ବ ଲୋକ ଝାଡ଼ାବାନ୍ତି, ଖଲ୍ଲିକୋଟ ମେଡିକାଲରେ ଭର୍ତ୍ତି
  • ||
  • ଶନିବାରଠୁ ପିଜି ନାମଲେଖା ଆବେଦନ, ୨୭ ତାରିଖ ପର୍ଯ୍ୟନ୍ତ ଚାଲିବ: ଜୁନ୍‌ ୨୨ରେ ଆଡମିଟ୍‌ କାର୍ଡ, ଜୁଲାଇ ୩ରୁ ୧୪ ପ୍ରବେଶିକା ପରୀକ୍ଷା
  • ||
  • ବାଲିପାଟଣା-ନିମାପଡ଼ା ରାସ୍ତାରେ ବିଦ୍ୟୁତ୍ ଖୁଣ୍ଟକୁ ଧକ୍କା ଦେଲା କାର
  • ||
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

୫ ଦିନ ବିତିଲା, ବଡ଼ଦାଣ୍ଡରୁ ଉଠିଲାନି ଅଳିଆ; ଆବର୍ଜନା ପକାଇ ବ୍ୟାରିକେଡ୍‌ ବୁଲାଇଲେ

ପୁରୀ, ୧୫।୫: ବଡ଼ଦାଣ୍ଡରେ ଗଦା ହୋଇଛି କୁଢ଼କୁଢ଼ ପଙ୍କ ଓ ଆବର୍ଜନା । ଦୁର୍ଗନ୍ଧରେ ନାକ ଫାଟୁଛି । ପାଖ ଦେଇ ଚାଲି ହେଉନି । ୫ଦିନ ହେବ ଟ୍ରାକ୍ଟର ଟ୍ରାକ୍ଟର ଆବର୍ଜନା ପଡ଼ିଥିବା ବେଳେ ଏହାକୁ ସଫା କରାଯାଉନାହିଁ । ଗଦା ହୋଇଥିବା ଆବର୍ଜନା ଚାରିପାଖରେ ବ୍ୟାରିକେଡ୍‌ ବୁଲାଯାଇଛି । ଏହା ବଡ଼ଦାଣ୍ଡର ସୌନ୍ଦର୍ଯ୍ୟ ନଷ୍ଟ କରିବା ସହ ପବିତ୍ରତାକୁ ମଧ୍ୟ କ୍ଷତି ପହଞ୍ଚାଉଛି । ପୁରୀର ହୃଦୟ ବୋଲାଉଥିବା ବଳଗଣ୍ଡି ଛକରେ ଏହି ଦୃଶ୍ୟ ଦେଖିବାକୁ ମିଳିଛି । ମାଉସୀ ମା' ମନ୍ଦିର ସମ୍ମୁଖ ରାସ୍ତାରେ ମଧ୍ୟ ଏଭଳି ଆବର୍ଜନା ଗଦାଇ ରଖାଯାଇଛି । ଏହି ଆବର୍ଜନା ଯୋଗୁ ବଡ଼ଦାଣ୍ଡରେ ଅଳିଆଗଦାର ଭ୍ରମ ସୃଷ୍ଟି କରୁଛି । ରଥଯାତ୍ରାକୁ ଦୃଷ୍ଟିରେ ରଖି ଉଭୟ ପାଶ୍ୱର୍ର ନଳା ସଫା କରାଯାଉଛି । ନଳାରୁ ବାହାରୁଥିବା ଆବର୍ଜନାକୁ ତୁରନ୍ତ ସଫା ନ କରି ବଡ଼ଦାଣ୍ଡରେ ଗଦେଇ ରଖୁଥିବାରୁ ଏଭଳି ସ୍ଥିତି ସୃଷ୍ଟି ହୋଇଛି । ସୁବ୍ୟବସ୍ଥିତ ବର୍ଷା ଜଳ ନିଷ୍କାସନ ସହ ରଥଯାତ୍ରା ସମୟରେ ଯେମିତି କୌଣସି ସମସ୍ୟା ସୃଷ୍ଟି ନ ହେବ ଏହାକୁ ନଜରରେ ରଖି ପ୍ରତ୍ୟେକ ବର୍ଷ ରଥଯାତ୍ରା ପୂର୍ବରୁ ବଡ଼ଦାଣ୍ଡର ଉଭୟ ପାଶ୍ୱର୍ରେ ଥିବା ନଳାକୁ ସଫା କରାଯିବା ସହ ପଙ୍କ କଢ଼ା ଯାଇଥାଏ । 

ଚଳିତ ବର୍ଷ ନାଳ ସଫେଇ ପାଇଁ ୭୫ ଲକ୍ଷ ଟଙ୍କା ବ୍ୟୟବରାଦ କରାଯାଇଛି । ହେଲେ ନାଳ ସଫା ପରେ ଏହି ପଙ୍କ ମିଶ୍ରିତ ଆବର୍ଜନାକୁ ତୁରନ୍ତ ଉଠାଯାଉନାହିଁ । ଏନେଇ ଅଭିଯୋଗ କରିବାରୁ ପଙ୍କ ଶୁଖିବା ପରେ ଏହାକୁ ସଫା କରାଯିବ ବୋଲି ପୌର କର୍ମଚାରୀ କହୁଛନ୍ତି । ହେଲେ ଦିନେ ୨ ଦିନ ମଧ୍ୟରେ ପଙ୍କ ଶୁଖି ଯାଇଥିଲେ ମଧ୍ୟ ଏହାକୁ ସେମିତି ପକାଇ ରଖାଯାଇଛି । କିଛିଦିନ ତଳେ ବର୍ଷା ହେବା କାରଣରୁ ଏହି ଅଳିଆ ଭାସି ବଡ଼ଦାଣ୍ଡ ସାରା ବିଛେଇ ହୋଇ ଯାଇଥିଲା । ଏହାପରେ ମଧ୍ୟ ପୌରପାଳିକାର ଚେତା ପଶିନାହିଁ । ଆଉ ଥରେ ବର୍ଷା ହେଲେ ଆବର୍ଜନା ପୁଣି ଚାରିଆଡ଼କୁ ବିଛେଇ ଯିବାର ଆଶଙ୍କା ରହିଛି । ଏଣୁ ଯଥାଶୀଘ୍ର ଏହି ଅଳିଆ ଉଠାଇବାକୁ ସ୍ଥାନୀୟ ବାସିନ୍ଦା ଦାବି କରିଛନ୍ତି ।

 

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.