ନୂଆଦିଲ୍ଲୀ: ଉତ୍ତରପ୍ରଦେଶରେ ଦୁର୍ଘଟଣା ଥମିବାର ନା ନେଉନାହିଁ । ପ୍ରତିଦିନ ଅନେକ ସଡ଼କ ଦୁର୍ଘଟଣା ଘଟୁଛି ଏବଂ ଲୋକମାନେ ପ୍ରାଣ ହରାଉଛନ୍ତି । ଆଗ୍ରା-ଲକ୍ଷ୍ନୌ ଏକ୍ସପ୍ରେସୱେରେ ଅନେକ ଭୟଙ୍କର ଦୁର୍ଘଟଣା ମଧ୍ୟ ଘଟିଥାଏ । ଶନିବାର ମଧ୍ୟ ଏକ ଭୟଙ୍କର ଦୁର୍ଘଟଣା ଦେଖିବାକୁ ମିଳିଥିଲା । ମେନପୁରୀ ନିକଟରେ ଏହି ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ୪ ଜଣଙ୍କର ମୃତ୍ୟୁ ହୋଇଛି ।

ପୋଲିସ କହିଛି ଯେ, ଆଗ୍ରା ଏକ୍ସପ୍ରେସୱେର 97 ମାଇଲ ଷ୍ଟୋନ ନିକଟରେ ଏକ ଟ୍ରକ ପାର୍କିଂ କରାଯାଇଥିଲା । ପଛରୁ ଆସୁଥିବା ଏକ କାର ଏହାକୁ ଧକ୍କା ଦେଇଥିଲା। ଦୁର୍ଘଟଣା ଏତେ ଭୟଙ୍କର ଥିଲା ଯେ କାରଟି ସମ୍ପୂର୍ଣ୍ଣ ଚୂରମାର୍ ହୋଇଯାଇଥିଲା। କାରରେ ଯାତ୍ରା କରୁଥିବା ଚାରି ଜଣଙ୍କର ମୃତ୍ୟୁ ଘଟିଥିଲା । କୁହାଯାଉଛି ଯେ କାରରେ ବସିଥିବା ବ୍ୟକ୍ତିମାନେ ପଶ୍ଚିମବଙ୍ଗର କୋଲକାତା ବାସିନ୍ଦା ଥିଲେ । ଦୁର୍ଘଟଣା ପରେ ପୋଲିସ ଘଟଣାସ୍ଥଳରେ ପହଞ୍ଚି ଚାରିଟି ମୃତଦେହକୁ କାର ଭିତରୁ ବାହାର କରିଥିଲା । ପୋଷ୍ଟ ମର୍ଟମ ପାଇଁ ପୋଲିସ ମୃତଦେହକୁ ମେନପୁରୀ ପୋଷ୍ଟ ମର୍ଟମ ହାଉସକୁ ପଠାଇଛି ।

ଏହାପୂର୍ବରୁ ଶନିବାର ଦିନ ରାଜ୍ୟର କାସଗଞ୍ଜରେ ୨୨ ଜଣଙ୍କର ମୃତ୍ୟୁ ଘଟିଛି। ସୂଚନାନୁସାରେ, ୟୁପିର କାସଗଞ୍ଜର ମାଘ ମେଲା ଠାରେ ଗଙ୍ଗାରେ ଗାଧୋଇବାକୁ ଯାଉଥିବା ବେଳେ ଏକ ଟ୍ରାକ୍ଟର ଟ୍ରଲି ଓଲଟି ପଡିଥିଲା, ଏହି କାରଣରୁ ୭ ଜଣ ଶିଶୁଙ୍କ ସମେତ ୨୨ ଜଣଙ୍କର ମୃତ୍ୟୁ ଘଟିଥିଲା । ଏହା ସହିତ ଏହି ଦୁର୍ଘଟଣାରେ ଅନେକ ଲୋକ ମଧ୍ୟ ଆହତ ହୋଇଥିଲେ । ମାଘ ପୂର୍ଣ୍ଣିମା ଅବସରରେ ସମସ୍ତ ଲୋକ କସଗଞ୍ଜ ଜିଲ୍ଲାର କାଦରଗଞ୍ଜ ଗଙ୍ଗାଘାଟରେ ଗାଧୋଇବାକୁ ଯାଉଥିଲେ ।