ପ୍ରମୁଖ ଖବର
  • ସାଲେପୁର : ବିପୁଳ ପରିମାଣର ଚୋରା ବିଦେଶୀ ମଦ ଜବତ, ବେପାରୀ ଫେରାର
  • ||
  • ଚାନ୍ଦବାଲିରୁ ଶାହାଙ୍କ ହୁଙ୍କାର । ଚିଟଫଣ୍ଡ ଦୁର୍ନୀତିଖୋରଙ୍କୁ ଜେଲ ପଠାଇବୁ, ଓଡ଼ିଶାରେ ଡବଲ ଇଞ୍ଜିନ ସରକାର ଗଢିବୁ
  • ||
  • ବାଣୀବିହାର ସତସଙ୍ଗ ପାର୍କ ଆଗରେ ପୋଲିସ ଗାଡ଼ି ଦୁର୍ଘଟଣା, ୭ ଆହତ
  • ||
  • ମିଜୋରାମରେ ପ୍ରବଳ ବର୍ଷା ଯୋଗୁ ଭୁଷୁଡିଲା ପଥର ଖଦାନ, ୧୦ ଶ୍ରମିକ ଚାଲିଗଲା ଜୀବନ, ଏକାଧିକ ଆହତ
  • ||
  • ଇଣ୍ଡିଗୋ ବିମାନରେ ବୋମା ଆତଙ୍କ,ଏମର୍ଜେନ୍ସି ଡୋର ଦେଇ ବାହାରିଲେ ଯାତ୍ରୀ
  • ||
  • ମୁମ୍ବାଇ ବିମାନବନ୍ଦର, ତାଜ ହୋଟେଲ ଉଡ଼ାଇବାକୁ ଧମକ, ଉତ୍ତରପ୍ରଦେଶରୁ ଆସିଥିଲା କଲ୍
  • ||
  • ଉପକୂଳରେ ଜୋରଦାର ପ୍ରଚାର, ମଙ୍ଗଳବାର ବାଲେଶ୍ବରରେ କାର୍ତ୍ତିକ୍ ପାଣ୍ଡିଆନଙ୍କ ଶକ୍ତି ପ୍ରଦର୍ଶନ
  • ||
  • ଆମେରିକାରେ ଘୂର୍ଣ୍ଣିଝଡ଼ ରଚିଲା ତାଣ୍ଡବ, ୨୨ ମୃତ,ଶତାଧିକ ଆହତ, ୧୦ କୋଟି ଲୋକ ପ୍ରଭାବିତ
  • ||
  • ରଥଖଳା ହାଲ୍‌ଚାଲ୍‌...ବୁଧବାର ରଥ ତ୍ରୟର ଚକ-ଅଖ ଡ଼େରା ନୀତି, ଚକକୁ ସୁରକ୍ଷା ଦିଏ ପନ୍ଦାରି ଚାବି
  • ||
  • କଟକ ଚାନ୍ଦବାଲି ରାସ୍ତାରେ OSRTC ବସ୍-ସ୍କୁଟି ମୁହାଁମୁହିଁ ଧକ୍କା, ଆଖିବୁଜିଲେ ଜଣେ ମହିଳା
  • ||
  • ମେ’ ୩୧ ସୁଦ୍ଧା କେରଳ ଛୁଇଁବ ମୌସୁମୀ: ଦେଶରେ ଅଧିକ ବର୍ଷିବ, ଓଡ଼ିଶାରେ ନିଅଣ୍ଟିଆ ବର୍ଷା ଆକଳନ
  • ||

ଲଣ୍ଡନରେ ୧୯ ବର୍ଷୀୟା ସ୍ତ୍ରୀକୁ ଛୁରି ଭୁସି ମାରିଥିଲା ଭାରତୀୟ ଯୁବକ, ଏବେ ଜେଲରେ କଟିବ ସାରା ଜୀବନ

ଲଣ୍ଡନ:  ପତ୍ନୀହନ୍ତା ସ୍ବାମୀକୁ ଆଜୀବନ ଜେଲ୍‌ । ୧୯ ବର୍ଷୀୟା ପତ୍ନୀଙ୍କୁ ଛୁରି ଭୁସି ହତ୍ୟା କରିଥିବା ୨୪ ବର୍ଷୀୟ ସ୍ବାମୀକୁ ଆଜୀବନ ଜେଲ ଦଣ୍ଡାଦେଶ ଦେଇଛନ୍ତି କୋର୍ଟ । ସୁଦୂର ଲଣ୍ଡନରେ ଭାରତୀୟ ଦମ୍ପତିଙ୍କ ମାମଲା ଏବେ ସମଗ୍ର ବିଶ୍ବରେ ଚର୍ଚ୍ଚାର ପରିସରକୁ ଆସିଛି ।୨୪ ବର୍ଷୀୟ ସାହିଲ ଶର୍ମା ନିଜ ପତ୍ନୀ ମେହକଙ୍କୁ  ଦକ୍ଷିଣ ଲଣ୍ଡନର କ୍ରୋୟଡନସ୍ଥିତ ଆଶ ଟ୍ରି ଓ୍ବେରେ ଥିବା ନିଜ ଘରେ ଛୁରୀରେ ଆକ୍ରମଣ କରି ଲହୁଲୁହାଣ କରିପକାଇଥିଲା । ଏହା ପରେ‌ ୯୯୯ରେ ଫୋନ୍‌ କରି ସ୍ତ୍ରୀକୁ ଆକ୍ରମଣ କରିଥିବା ନେଇ ନିଜେ ପୋଲିସକୁ ସୂଚନା ଦେଇଥିଲା ସାହିଲ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚିବା ସହ ଡାକ୍ତରୀ ଦଳ ମଧ୍ୟ ପହଞ୍ଚିଥିଲେ । ମେହକଙ୍କୁ ଚିକିତ୍ସା କରାଯାଇଥିଲେ ସୁଦ୍ଧା ୨୦ ମିନିଟ୍‌ ମଧ୍ୟରେ ତାଙ୍କୁ ମୃତ ଘୋଷଣା କରିଥିଲେ ଡାକ୍ତର । ସେପଟେ ଘଟଣାସ୍ଥଳରୁ ସାହିଲକୁ ଗିରଫ କରିଥିଲା ମେଟ୍ରୋପଲିଟାନ୍‌ ପୋଲିସ ।  

ଅକ୍ଟୋବର ୨୯, ୨୦୨୩ରେ ପଞ୍ଜିକୃତ ଏହି ମାମଲାରେ ଗତ ଶୁକ୍ରବାର କିଙ୍ଗଷ୍ଟନ କ୍ରାଉନ କୋର୍ଟଙ୍କ ରାୟ ଆସିଛି । ଏହା ପୂର୍ବରୁ ୨୦୨୪ ଫେବୃଆରୀ ମାସରେ ଏହି ମାମଲାରେ ସାହିଲ ଶର୍ମା ଅଭିଯୁକ୍ତ ସାବ୍ୟସ୍ତ ହୋଇଥିଲା । ଆଜି ମାମଲାର ରାୟ ଶୁଣାଇବା ସହ ସାହିଲ ଶର୍ମାକୁ ଆଜୀବନ ଜେଲ ଦଣ୍ଡାଦେଶ ଦେଇଛନ୍ତି କୋର୍ଟ । ଏପରିକି ପରୋଲ୍‌ ପାଇବାକୁ   ମଧ୍ୟ ତାକୁ ୧୫ ବର୍ଷ ଜେଲରେ କାଟିବାକୁ ପଡ଼ିବ । 

ସେପ‌ଟେ ୧୯ ବର୍ଷୀୟା ମେହକଙ୍କ ହତ୍ୟାକୁ ନେଇ ମେଟ୍ରୋପଲିଟାନ୍‌ ପୋଲିସର ଡିଟେକ୍ଟିଭ୍‌ ଇନ୍ସପେକ୍ଟର ଲୌରା ସେମ୍ପଲେ କହିଛନ୍ତି ଯ, ‘ବହୁତ ଦୁଃଖଦ ଘଟଣା । ଗୋଟିଏ ପରିବାର ସଂପୂର୍ଣ୍ଣ ଛାରଖାର ହୋଇଗଲା । ନିଜ ସ୍ତ୍ରୀକୁ ମାରି, ଶର୍ମା ଗୋଟିଏ ପରିବାର ପାଖରୁ ତାର ପ୍ରିୟ ଝିଅକୁ ଛଢ଼ାଇ ନେଇଛି । ଯାହାର କାରଣ କେବଳ ସେ ହିଁ ଜାଣିଛି ।’  ସେ ଆହୁରି କହିଛନ୍ତି, ମେହକଙ୍କୁ ନିଜ ଘରେ ହତ୍ୟା କରିଦିଆଗଲା । ଯେଉଁଠି ସେ ନିଜକୁ ସୁରକ୍ଷିତ ମଣୁଥିଲେ । ଯେଉଁଠି ତାଙ୍କ ସ୍ବାମୀ ତାଙ୍କୁ ସୁରକ୍ଷା ଦେଇଥାନ୍ତେ ବୋଲି ସେ ଭାବୁଥିଲେ । ଏଭଳି ଦୁଃଖଦ ସମୟରେ ମେହକଙ୍କ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି  ଲୌରା ।

ସେପଟେ ଝିଅର ହତ୍ୟା ଖବର ଶୁଣି ଭାଙ୍ଗିପଡ଼ିଥିଲି ବୋଲି କୋର୍ଟରେ ମାମଲାର ଶୁଣାଣି ବେଳେ ମେହକଙ୍କ ମା’ କହିଥିଲେ । ସେ ଆହୁରି କହିଥିଲେ ଯେ, ‘ଝିଅ କିଭଳି ଫେରିଆସିବ ସେନେଇ ଚିନ୍ତା କରୁଛି । କିନ୍ତୁ ଏହା ଅସମ୍ଭବ । କୌଣସି ପ୍ରାର୍ଥନା, ଟଙ୍କା ମେହକକୁ ମୋ ପାଖକୁ ଫେରାଇ ଆଣିପାରିବ ନାହିଁ । ସାହିଲ କେବଳ ମେହକକୁ ହତ୍ୟା କରିନାହିଁ  ସେ ମୋତେ ମଧ୍ୟ ହତ୍ୟା କରିଛି ।’     

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.