ନୂଆଦିଲ୍ଲୀ : ଗୌତମ ଗମ୍ଭୀର ପୁଣି ଥରେ ଏମଏସ୍ ଧୋନିଙ୍କୁ କହିଲେ ଓଲଟା କଥା। ଗମ୍ଭୀର କହିଛନ୍ତି , ପ୍ରସେସ ଶବ୍ଦ ମୋ ପାଇଁ କୌଣସି ଅର୍ଥ ରଖି ନଥାଏ। ମୋ ପାଇଁ କେବଳ ରେଜଲ୍ଟ ହିଁ ମହତ୍ତ୍ୱ ରଖିଥାଏ। ଉଲ୍ଲେଖନୀୟ ଯେ, ମହେନ୍ଦ୍ର ସିଂହ ଧୋନି ସର୍ବଦା ପ୍ରସେସର କଥା କୁହନ୍ତି। ଧୋନି କୁହନ୍ତି ଜିତିବା ବା ହାରିବା ବାୟ ପ୍ରଡକ୍ଟ। ଯଦି ପ୍ରସେସ ଠିକ୍ ରହିଥାଏ ତ ରେଜଲ୍ଟ ଆପଣାଛାଏଁ ଠିକ୍ ହେବ। ଏବେ ଯେଉଁ ଭଳି ଭାବେ ଗମ୍ଭୀର, ଧୋନିଙ୍କ କଥାକୁ କାଟିଛନ୍ତି, ଏଥିରେ ମାହୀ ପ୍ରଶଂସକଙ୍କୁ କେବେ ଭଲ ଲାଗିବ ନାହିଁ। ଗୌତମ ଗମ୍ଭୀର କୋଲକାତା ନାଇଟ୍ ରାଇଡର୍ସର ୟୁଟ୍ୟୁବ୍ ଚ୍ୟାନେଲ୍ ସହ କଥାବାର୍ତ୍ତା ହେଉଥିଲେ। ଏହି ସମୟରେ ସେ କେକେଆରର ପ୍ରଶଂସକଙ୍କୁ ନେଇ ମଧ୍ୟ ନିଜ କଥା ରଖିଥିଲେ।
ଗୌତମ ଗମ୍ଭୀର କହିଛନ୍ତି କି, ମୁଁ ଖୋଲାଖୋଲି କହୁଛି କି ମୋ ପାଇଁ କେବଳ ହିଁ ରେଜଲ୍ଟ ମହତ୍ତ୍ୱ ରଖେ। ପ୍ରସେସକୁ ଠିକ୍ରେ ରଖ, ରେଜଲ୍ଟ ଆପେ ଆପେ ଠିକ୍ ଆସିବ। ମୋ ପାଇଁ ରେଜଲ୍ଟ ହିଁ ସବୁକିଛି। ଏହି କାରଣ ସ୍ପଷ୍ଟ କି ଲୋକେ କେକେଆରକୁ ଜିତିବା ଦେଖିବାକୁ ଚାହାନ୍ତି। କହି ରଖୁଛୁ କି, ମହେନ୍ଦ୍ର ସିଂହ ଧୋନୀଙ୍କ ବିଚାର ଏହାର ପୂରା ବିପରୀତ। ଧୋନୀ ସର୍ବଦା ପ୍ରସେସ ଉପରେ ଜୋର ଦିଅନ୍ତି। ଧୋନୀ ଇଣ୍ଟରଭ୍ୟୁରେ ଏହି କଥା କହିଛନ୍ତି କି, ଯଦି ପ୍ରସେସ ଠିକ୍ ରଖାଯାଏ ତ ରେଜଲ୍ଟ ଆପେ ଆପେ ସଠିକ୍ ଆସିବ।
ଏହାପରେ ଗୌତମ କେକେଆରର ଫ୍ୟାନ୍ ବେସ୍କୁ ନେଇ ଆଲୋଚନା କରିଛନ୍ତି। ସେ କହିଛନ୍ତି, ମୁଁ ଏମିତି ଅନୁଭବ କରୁଛି ଏବଂ ହୃଦୟରୁ ମାନୁଛି କି ପୂରା ଦେଶରେ କେକେଆରର ସବୁଠୁ ସ୍ୱତନ୍ତ୍ର ଫ୍ୟାନ୍ ବେସ୍ ରହିଛି। ସେ କହିଛନ୍ତି ଆପଣ କେକେଆରର ଇତିହାସ ଦେଖନ୍ତୁ। ପ୍ରଥମ ତିନି ବର୍ଷରେ ହିଁ ଫ୍ରାଞ୍ଚାଇଜ୍ର ଫ୍ୟାନ୍ସଙ୍କ ମଧ୍ୟରେ ଖୁବ୍ ଅଧିକ ବୃଦ୍ଧି ଘଟିଥିଲା। ଏହାପରେ ବର୍ଷ ପରେ ବର୍ଷ ଏହା ବଢିବାରେ ଲାଗିଲା।
