ଶ୍ରୀହରିକୋଟା,୧୮/୦୯: ଭାରତୀୟ ମହାକାଶ ଗବେଷଣା ସଂଗଠନ (ଇସ୍ରୋ) ସୋମବାର ଆଦିତ୍ୟ- L1 କୁ ନେଇ ଏକ ଭଲ ଖବର ଦେଇଛି। ଇସ୍ରୋ ଘୋଷଣା କରିଛି ଯେ, ଆଦିତ୍ୟ- ଏଲ୍-୧ ମିଶନ୍ ବୈଜ୍ଞାନିକ ତଥ୍ୟ ସଂଗ୍ରହ କରିବା ଆରମ୍ଭ କରିଛି। ଇସ୍ରୋ ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ରେ ଏହି ସୂଚନା ଦେଇଛି। ସୂଚନାଯୋଗ୍ୟ ଯେ, ୨ ସେପ୍ଟେମ୍ବରରେ ଶ୍ରୀହାରିକୋଟା ସ୍ପେଶ୍ ସେଣ୍ଟରରୁ ଆଦିତ୍ୟ- ଏଲ୧ ମିଶନ୍ ଆରମ୍ଭ କରାଯାଇଥିଲା।
ଇସ୍ରୋ ଉଲ୍ଲେଖ କରିଛି ଯେ,' ଆଦିତ୍ୟ ଏଲ-୧ ବୈଜ୍ଞାନିକ ତଥ୍ୟ ସଂଗ୍ରହ କରିବା ଆରମ୍ଭ କରିଦେଇଚି। ଷ୍ଟେପ୍ସ ଉପକରଣର ସେନ୍ସର ପୃଥିବୀରୁ ୫୦,୦୦୦ କିଲୋମିଟରରୁ ଅଧିକ ଦୂରତା ପର୍ଯ୍ୟନ୍ତ ସୁପର-ଥର୍ମାଲଏବଂ ଶକ୍ତିଶାଳୀ ଆୟନ ଏବଂ ଇଲେକ୍ଟ୍ରନ୍ ମାପିବା ଆରମ୍ଭ କରିଛି। ଏହି ତଥ୍ୟ ବୈଜ୍ଞାନିକମାନଙ୍କୁ ପୃଥିବୀର ଚାରିପାଖରେ ଥିବା କଣିକାର ଆଚରଣ ବିଶ୍ଳେଷଣ କରିବାରେ ସାହାଯ୍ୟ କରିବ। ଆଦିତ୍ୟ ସୋଲାର୍ ଓ୍ବିଣ୍ଡ ପାର୍ଟିକାଲ ଏକ୍ସପେରିମେଣ୍ଟ (ASPEX) ପେଲୋଡର ଏକ ଅଂଶ ଅଟେ, ତତ୍ସହିତ ସୁପ୍ରା ଥର୍ମାଲ ଆଣ୍ଡ ଏନର୍ଜେଟିକ୍ ପାର୍ଟିକାଲ ସ୍ପେକ୍ଟ୍ରୋମିଟର (STEPS) ଉପକରଣ ଏହାର ତଥ୍ୟ ଏକତ୍ରିକରଣ କାମ ଆରମ୍ଭ କରିଛି। ବିଭିନ୍ନ ଦିଗକୁ ନିରୀକ୍ଷଣ କରି ତଥ୍ୟ ଏକତ୍ରିତ କରୁଥିବା ୬ଟି ସେନ୍ସର୍ ବିଶିଷ୍ଟ ଏକ ମେସିନ୍ ହେଉଛି ଷ୍ଟେପ୍ସ।
Aditya-L1 Mission:
Aditya-L1 has commenced collecting scientific data.
The sensors of the STEPS instrument have begun measuring supra-thermal and energetic ions and electrons at distances greater than 50,000 km from Earth.
This data helps scientists analyze the behaviour of… pic.twitter.com/kkLXFoy3Ri
— ISRO (@isro) September 18, 2023 "><blockquote class="twitter-tweet">
Aditya-L1 Mission:
Aditya-L1 has commenced collecting scientific data.
The sensors of the STEPS instrument have begun measuring supra-thermal and energetic ions and electrons at distances greater than 50,000 km from Earth.
This data helps scientists analyze the behaviour of… pic.twitter.com/kkLXFoy3Ri
— ISRO (@isro) September 18, 2023
ସୂଚନାଥାଉକି, ସେପ୍ଟେମ୍ବର ୧୦ ତାରିଖରେ ପୃଥିବୀ ଠାରୁ ଷ୍ଟେପ୍ସ ୫୦ ହଜାର କିଲୋମିଟ ଦୂରରେ ପହଞ୍ଚିବା ପରେ ଆକ୍ଟିଭ୍ ହୋଇଛି। ଆବଶ୍ୟକ ଚେକ୍ ପାସ୍ କରିବା ପରେ, ମହାକାଶଯାନ ପୃଥିବୀରୁ ୫୦ ହଜାର କିଲୋମିଟର ଟାର୍ଗେଟ ଅତିକ୍ରମ ନକରିବା ପର୍ଯ୍ୟନ୍ତ ତଥ୍ୟ ସଂଗ୍ରହ ଜାରି ରହିଛି। ଷ୍ଟେପ୍ସ ର ପ୍ରତ୍ୟେକ ୟୁନିଟ୍ ସାଧାରଣ ମାପଦଣ୍ଡ ଅନୁସାରେ କାମ କରୁଛି। ମହାକାଶ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟାରେ ଭାରତର ବଢ଼ୁଥିବା ଅଭିଜ୍ଞତାକୁ ଦର୍ଶାଇ ଅହମ୍ମଦାବାଦରେ ଥିବା ସ୍ପେସ୍ ଆପ୍ଲିକେସନ୍ ସେଣ୍ଟର (SAC) ର ସହଯୋଗରେ ଷ୍ଟେପ୍ସ ଫିଜିକାଲ୍ ରିସର୍ଚ୍ଚ ଲାବୋରେଟୋରୀ (PRL) ଦ୍ୱାରା ପ୍ରସ୍ତୁତ ହୋଇଥିଲା। ଆଦିତ୍ୟ- ଏଲ୧ ମହାକାଶଯାନ, ସୂର୍ଯ୍ୟ ଅଧ୍ୟୟନ ପାଇଁ ଉତ୍ସର୍ଗୀକୃତ ଭାରତର ପ୍ରଥମ ମିଶନ୍, ଯାହାକି ଧୀରେ ଧୀରେ ଏହାର ଲକ୍ଷ୍ୟ ଆଡକୁ ଗତି କରୁଛି।
