ଭୋପାଳ,୬।୨: ମଧ୍ୟ ପ୍ରଦେଶର ହରଦା ଜିଲ୍ଲାରେ ଥିବା ଏକ ବାଣ ଫ୍ୟାକ୍ଟ୍ରିରେ ଭୟଙ୍କର ବିସ୍ଫୋରଣ ପରେ ଅଗ୍ନିକାଣ୍ଡ। ଗୋଟିଏ କିମ୍ବା ଦୁଇଟି ନୁହେଁ ଲଗାତାର ରହି ରହି ବିସ୍ଫୋରଣ ହେଉଛି। ଏହି କାରଣରୁ ଫ୍ୟାକ୍ଟ୍ରିର ୬ ଜଣ କର୍ମଚାରୀ ମୃତ୍ୟୁ ହୋଇଥିବା ବେଳେ ୬୦ ରୁ ଅଧିକ ଆହତ ହୋଇଛନ୍ତ। ଏବେ ବି ଆହୁରି ତା ଭିତରେ ଫଶି ରହିଥିବାର ଆଶଙ୍କା କରାଯାଉଛି। ବିସ୍ଫୋରଣ ନିଆଁରେ ଆଖପାଖରେ ଥିବା ଘର ମଧ୍ୟ କ୍ଷତିଗ୍ରସ୍ତ ହୋଇଛି।
#WATCH | Madhya Pradesh: People injured in the massive fire that broke out in a firecracker factory in Harda, are being shifted to a hospital for treatment. Fire tenders have reached the spot, several people are feared trapped. pic.twitter.com/rwEzdIUUJX
— ANI (@ANI) February 6, 2024
ନ୍ୟୁଜ ଏଜେନ୍ସି ଏଏନ୍ଆଇର ସୂଚନା ଅନୁସାରେ, ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ ମୋହନ ଯାଦବ ହରଦା ବିସ୍ଫୋରଣ ଓ ଅଗ୍ନିକାଣ୍ଡ ଘଟଣା ସମ୍ପର୍କରେ ବରିଷ୍ଠ ଅଧିକାରୀଙ୍କ ସହ କଥା ହୋଇଛନ୍ତି। ଅଗ୍ନିଶମ ବିଭାଗର କର୍ମଚାରୀ ଓ ଏସଡିଆରଏଫ୍ ଯବାନ ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ଆହତଙ୍କୁ ଆମ୍ବୁଲାନ୍ସ ଯୋଗେ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି।
ଏହି ବାଣ କାରଖାନା ବେଆଇନ ଭାବରେ ଚାଲିଥିଲା। ବାରୁଦ ରଖାଯାଇଥିବା ସ୍ଥାନରେ ନିଆଁ ଲାଗିବା ପରେ ହୋଇଥିଲା ବଡ ଧରଣର ବିସ୍ଫୋରଣ। କାରଖାନାଠାରୁ ୨୦ କିଲୋମିଟର ଦୂରରେ ଥିବା ଘରକୁ ମଧ୍ୟ ବିସ୍ଫୋରଣ ଦୋହଲାଇ ଦେଇଛି। ଏତେ ଭୟଙ୍କର ବିସ୍ଫୋରଣ ପରେ ସ୍ଥାନୀୟ ଲୋକ ଭୟଭୀତ ହୋଇ ଏତେ ତେଣେ ଧାଇଁଥିଲେ। କାରଖାନାରୁ ମୋଟା ଧୂଆଁ ଆସ୍ତରଣ ଦେଖିବାକୁ ମିଳିବା ପରେ ଅଗ୍ନିଶମ ବିଭାଗକୁ ସୂଚନା ଦିଆଯାଇଥିଲା। ତେବେ ନିଆଁ କିଭଳି ଲାଗିଲା ତା ବିଷୟରେ ପ୍ରକୃତ କାରଣ ଜଣାପଡିନି।
