ପ୍ରମୂଖ ଖବର
  • କେନ୍ଦୁଝର : ଚୋରା କାଠ ଚାଲାଣ ବେଳେ ମାଡ଼ି ବସିଲା ବନ ବିଭାଗ, ୭ ଟ୍ରିପରୁ ଉର୍ଦ୍ଧ୍ଵ କାଠ ଜବତ
  • ||
  • ଯାଜପୁର : ଶୌଚ ହେବାକୁ ଯାଇ କେନାଲରେ ଭାସିଗଲେ ନାବାଳକ
  • ||
  • ଭୁବନେଶ୍ଵର : ୨୭ରେ ବସିବ ନୀତି ଆୟୋଗ ବୈଠକ, ଯୋଗଦେବେ ମୁଖ୍ୟମନ୍ତ୍ରୀ
  • ||

ପେପର ଲିକ୍ ମାମଲା : ସିବିଆଇ ଟିମ୍‌କୁ ନକଲି ଭାବି ମାରପିଟି କଲେ ଗ୍ରାମବାସୀ , ଭାଙ୍ଗିଲେ ଗାଡ଼ିର କାଚ

ରଜୌଲି ନୱାଦା – ୟୁଜିସି ନେଟ୍ ପେପର ଲିକ୍‌ ମାମଲା। ଦିଲ୍ଲୀରୁ ସିବିଆଇର ଟିମ୍ ଯାଞ୍ଚ ପାଇଁ ଶନିବାର ସକାଳ ପାଖାପାଖି ୧୦ଟାରେ ବିହାରର ନୱାଦା ଜିଲ୍ଲାର ରଜୌଲିରେ ପହଞ୍ଚି ଥିଲେ। ଯାଞ୍ଚ ବେଳେ କସିଆଡିହ ଗାଁର ଲୋକେ ସିବିଆଇକୁ ନକଲି ଭାବି ମାରିପିଟି ଆରମ୍ଭ କରିଦେଇ ଥିଲେ ଏବଂ ତାଙ୍କର ଗାଡ଼ି ଗୁଡ଼ିକୁ ବି ଭଙ୍ଗାରୁଜା କରିଥିଲେ। ସିବିଆଇର ଯାଞ୍ଚ ଟିମ୍‌ରେ ସ୍ଥାନୀୟ ପୁଲିସର ମହିଳା କନଷ୍ଟେବଲଙ୍କ ସମେତ ସିବିଆଇର ୪ ଅଧିକାରୀ ସାମିଲ ଥିଲେ। ଇନସ୍ପେକ୍ଟର ରାଙ୍କର ଅଧିକାରୀଙ୍କ ନେତୃତ୍ୱରେ ଟିମ୍‌ ଯାଞ୍ଚ ଟିମ୍‌ ରଜୌଲୀର ସିଆଡିଗ ଗାଁରେ ପହଞ୍ଚି ଥିଲେ।

ସିବିଆଇର ଅଧିକାରୀଙ୍କ ସହ ମାରପିଟିର ସୂଚନା ଯେବେ ରଜୌଲୀ ପୁଲିସ ମିଳିଲା, ତତକ୍ଷଣାତ୍‌ ଥାନା ଅଧିକାରୀ ଇନସ୍ପେକ୍ଟର ରାଜେଶ କୁମାର ପୂରା ଦଳବଳ ସହ କସିଆଡିହ ଗାଁରେ ପହଞ୍ଚି ଥିଲେ। ଥାନାଧିକାରୀ ଗ୍ରାମବାସୀଙ୍କୁ ବୁଝାଇ ସୁଝାଇ ଶାନ୍ତ କରାଇ ଥିଲେ। ହେଲେ ମାରପିଟିର ଘଟଣା ପରେ ସିବିଆଇ ମୋବାଇଲ ନମ୍ୱରର ଲୋକେସନ ଆଧାରରେ ଦୁଇଟି ମୋବାଇଲ ଫୋନ୍‌କୁ ଜବତ କରି, ତାଙ୍କୁ ନିଜ ସାଥିରେ ନେଇଥିଲା। ସିବିଆଇର ଅଧିକାରୀମାନେ କେବଳ ଏତିକି କହିଥିଲେ କି, ମୋବାଇଲ ନମ୍ୱର ଆଧାରରେ ଯାଞ୍ଚ ପରେ ପେପର ଲିକ୍‌ ମାମଲାରେ ସାମିଲ ଲୋକଙ୍କୁ ମଧ୍ୟ ଗିରଫ କରାଯିବ। 

ପେପର ଲିକ୍‌ ମାମଲାରେ ସିବିଆଇ ଟିମ୍‌କୁ ମାରପିଟି ମାମଲାରେ ପୁଲିସ ଜଣେ ମହିଳାଙ୍କ ସମେତ ୪ ଜଣ ଲୋକଙ୍କୁ ଗିରଫ କରିଛି। ଯେଉଁଥିରେ କସିଆଡିହ ଗାଁର ପ୍ରିନ୍ସ କୁମାର , ଜଣେ ମହିଳାଙ୍କ ସମେତ ଆଉ ଦୁଇ ଜଣ ଲୋକ ସାମିଲ ଅଛନ୍ତି। ଥାନା ଅଧିକାରୀ  ରାଜେଶ କୁମାର କହିଛନ୍ତି କି, ସିବିଆଇ ଅଧିକାରୀଙ୍କ ସହ ମାରପିଟି ମାମଲାରେ ରଜୌଲୀ ଥାନାରେ ୮ ଜଣ ଲୋକଙ୍କ ନାଁରେ ଓ ୧୫୦-୨୦୦ଅଜଣା ଲୋକଙ୍କ ଉପରେ ଏଫଆଇଆର ରୁଜୁ କରାଯାଇଛି। ଜଣେ ମହିଳାଙ୍କ ସମେତ ୪ ଲୋକଙ୍କୁ ଗିରଫ କରି ଜେଲ ପଠାଯାଇଛି।  ମାରପିଟି ଘଟଣାର ଭିଡ଼ଓଗ୍ରାଫି କରାଯାଇଛି। ମାରିପିଟିରେ ସଂପୃକ୍ତି ଲୋକଙ୍କୁ ଚିହ୍ନଟ କରି ଦୃଢ କାର୍ଯ୍ୟାନୁଷ୍ଠାନ ନିଆଯିବ। 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.