ଭୁବନେଶ୍ୱର,୦୭/୦୯: କମିଶନରେଟ୍‌ ପୁଲିସ ମୁଖ୍ୟାଳୟର ଆକର୍ଷଣୀୟ  ବିଲ୍ଡିଂ ଭଳି ରାଜଧାନୀରେ ପୁଲିସ ବିଭାଗର ଆଉ ଏକ ବିଲ୍ଡିଂ ନିର୍ମଣ ହେବ । ଖୁବ୍‌ଶୀଘ୍ର ବାଣୀବିହାର ଛକରେ ଭୁବନେଶ୍ୱର ଡିସିପି କାର୍ଯ୍ୟାଳୟ ପରିସରରେ ୪ ମହଲା  ବିଶିଷ୍ଟ ପୁଲିସ ବିଲ୍ଡିଂ ଶୋଭା ପାଇବ । ହେବ ମୋଟ ୯.୫ କୋଟି ଟଙ୍କା ବ୍ୟୟରେ  ବର୍ଷକ ମଧ୍ୟରେ ଏହି ଅତ୍ୟାଧୁନିକ ବିଲ୍ଡିଂ ନିର୍ମାଣ ପାଇଁ ଟାର୍ଗେଟ ରଖାଯାଇଛି । 

ବର୍ତ୍ତମାନ କ୍ୟାମ୍ପସର ଭିନ୍ନ ଭିନ୍ନ ସ୍ଥାନରେ ଥିବା ଏକାଧିକ କୋଠା  ଭଙ୍ଗାଚାଲିଛି । ପ୍ରାୟ ୨୫ ହଜାର ବର୍ଗଫୁଟ୍‌ ଜାଗାରେ ଏହି ଅତ୍ୟାଧୁନିକ ବିଲ୍ଡିଂ  ନିର୍ମାଣ ହେବ । ସେଥିରେ ବିଲ୍ଡିଂରେ ଡିସିପି ଅଫିସ ସହ ମଡର୍ଣ୍ଣ କମାଣ୍ଡ  ଓ କଣ୍ଟ୍ରୋଲ ସେଣ୍ଟର, ବିରାଟ କନଫରେନ୍ସ ହଲ୍‌, ମଡର୍ଣ୍ଣ ଫରେନ୍ସିକ ଲାବ୍‌,  ଲାଇସେନ୍ସ ସେଲ୍‌ ରହିବ । ଡିସିପିଙ୍କ କୋର୍ଟ, ସ୍ପେସାଲ ସ୍କା୍ୱାର୍ଡ ସବୁ ଗୋଟିଏ ଛାତ  ତଳେ କାର୍ଯ୍ୟ କରିବ । ତଳ ମହଲରେ ପାର୍କିଂ କରାଯିବ, ତୃତୀୟ ମହଲାରେ  ଡିସିପିଙ୍କ କାର୍ଯ୍ୟାଳୟ ସାଙ୍ଗକୁ ଡିସିପିଙ୍କ କୋର୍ଟ ରହିବ । ଦ୍ୱିତୀୟ ମହଲାରେ  ସ୍ପେଶାଲ ସ୍କ୍ୱାର୍ଡ, ଲାଇସେନ୍ସ ସେଲ, କଣ୍ଟ୍ରୋଲ ସେଣ୍ଟର, ଦୁଇଟି କନଫରେନ୍ସ  ହଲ୍‌ ରହିବ । ବିଲ୍ଡିଂରେ କ୍ୟାଣ୍ଟିନ, ଲାଇବ୍ରେରି ମଧ୍ୟ ନିର୍ମାଣ ହେବ । ରାଜ୍ୟ ପୁଲିସ ହାଉିସଂ ୱେଲ୍‌ଫେୟାର କର୍ପୋରେସନ୍‌ ଦ୍ୱାରା ନିର୍ମାଣ କରାଯିବ ।