ଫିରିଙ୍ଗିଆ,୧୬/୦୯ : ଭତ୍ତା ଆଣିବା ପାଇଁ ପଂଚାୟତ କାର୍ଯ୍ୟାଳୟକୁ ଯାଉଥିବା ସମୟରେ ଦୃତ ଗତିରେ ଆସୁଥିବା ଏକ ବାଇକ ଜଣେ ବୃଦ୍ଧାଙ୍କୁ ପଛପଟୁ ଧକ୍କା ଦେବା ଫଳରେ ବୃଦ୍ଧାଙ୍କ ମୃତ୍ୟୁ ହୋଇଥିବା ସୁଚନା ମିଳିଛି । ଦୁର୍ଘଟଣାରେ ବାଇକ ଆରୋହି ମଧ୍ୟ ଗୁରୁତର ଆହତ ହୋଇଥିବା ଜଣାପଡିଛି । ଏଭଳି ଅକ ଅଭାବନୀୟ ଘଟଣା ଦେଖିବାକୁ ମିଳିଛି କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ପବିଙ୍ଗିଆ ଗାଁ ରେ । ତେବେ ମୃତ ବୃଦ୍ଧା ହେଲେ ପବିଙ୍ଗିଆ ଗାଁର ୭୫ ବର୍ଷିୟ ଟେରା ଦିଗାଳ । 

ସୁଚନା ଅନୁସାରେ ରାବିବାର ବୃଦ୍ଧା ଜଣକ ଭତ୍ତା ନେବାକୁ ପଂଚାୟତ କାର୍ଯ୍ୟାଳୟକୁ ଚାଲି ଚାଲି ଯାଉଥିବା ବେଳେ ପବିଙ୍ଗିଆ ପଂଚାୟତ ସମ୍ମୁଖରେ ବିପରିତ ଦିଗରୁ ଦୃତଗତିରେ ଆସୁଥିବା ଏକ ବାଇକ ବୃଦ୍ଧାଙ୍କୁ ପଛପଟୁ ଧକ୍କା ଦେଇଥିଲ। । ଫଳରେ ବୃଦ୍ଧା ଜଣକ ଗୁରୁତାର ଆହତ ହୋଇଥିଲେ । ପାରିବାର ଲୋକେ ଆହତ ବୃଦ୍ଧାଙ୍କୁ ପ୍ରଥମେ ଚିକିତ୍ସା ପାଇଁ ପ୍ରଥମେ ଫିରିଙ୍ଗିଆ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ । ସେଠାରେ ଅବସ୍ଥା ସଙ୍କଟାପର୍ଣ୍ଣ ରହିଥିବାରୁ ତାଙ୍କୁ ପରେ ଫୁଲବାଣୀ ଜିଲ୍ଲା ମୁଖ୍ୟଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲ। । ତେବେ ଚିକିତ୍ସାଧିନ ଅବସ୍ଥାରେ ମେଡିକାଲରେ ତାଙ୍କର ମୃ୍‌ତ୍ୟୁ ହୋଇଥିଲ। । ଅନ୍ୟପଟେ ଦୁର୍ଘଟଣା ଘଟାଇଥିବା ବାଇକ ଆରୋହୀ ଜଣକ ମଧ୍ୟ ଗୁରୁତର ଆହତ ହୋଇ ଫୁଲବାଣୀ ମେଡିକାଲରେ ଚିକିତ୍ସିତ ହେଉଥିବା ଜଣାପଡିଛି । ବାଇକ ଆରୋହି ଜଣକ କନ୍ଧମାଳ ଜିଲ୍ଲା ଫୁଲବାଣୀ ସଦର ଥାନା ବିଶିପଡା ପଂଚାୟତ ମଲ୍ଲିକ ପଡା ଗାଁର ବୋଲି ଜଣାପଡିଥିବା ବେଳେ ସେ କୈାଣସି କାମରେ ରତଙ୍ଗ ଗାଁକୁ ଅସି ନିଜଗାଁକୁ ଫେରୁଥିବା ସମୟରେ ଏହି ଦୁର୍ଘଟଣା ହୋଇଥିବା ସୁଚନା ମିଳିଛି । ପୋଲିସ ଘଟଣାର ତଦନ୍ତ ଆରମ୍ଭ କରିଛି।