କୋଣାର୍କ,୨୪/୦୮: କୋଣାର୍କ ଏନଏସି  ୯ନମ୍ବର ୱାର୍ଡରେ ଥିବା କୋଣାର୍କ ଚନ୍ଦ୍ରଭଗା ମୁଖ୍ୟ ରାସ୍ତା ନିକଟରୁ ହେଲିପ୍ୟାଡ଼ରୁ ଉଦ୍ଧାର ହେଲା ବୃଦ୍ଧଙ୍କ କଙ୍କାଳ । ମୃତ ବୃଦ୍ଧ ଜଣକ ମାଉସୀ ମା ସାହିର ଟହଲି ସ୍ବାଇଁ (୭୦) ବୋଲି ଜଣାପଡ଼ିଛି । ସେ ଗତ ୫ ତଳେ ନିଖୋଜ ହୋଇଥିଲ। 

ସୂଚନା ଅନୁଯାୟୀ, ବୃଦ୍ଧ ଟହଲି ସ୍ବାଇଁ ବିଗତ ୫ ଦିନରୁ ନିଖୋଜ ଥିଲେ । ଏନେଇ ତାଙ୍କ ପରିବାର ଲୋକେ କୋଣାର୍କ ଥାନାରେ ଏକ ଲିଖିତ ଅଭିଯୋଗ କରିଥିଲେ । ଅଭିଯୋଗ ଆଧାରରେ କୋଣାର୍କ ପୋଲିସ ପରିବାର ସହ ମିଶି ରାମଚଣ୍ଡୀ ଠାରୁ କୁରୁଜଙ୍ଗ ପର୍ଯ୍ୟନ୍ତ ସମସ୍ତ ଜଙ୍ଗଲ ଓ ରାସ୍ତା ଖୋଜାଖୋଜି କରିଥିଲେ, କିନ୍ତୁ ବୃଦ୍ଧଙ୍କର କୌଣସି ପତ୍ତା ମିଳି ନଥିଲା । 

ତେବେ ଶୁକ୍ରବାର ବିଳମ୍ବିତ ରାତିରେ କିଛି  ଲୋକ ଜଙ୍ଗଲ ଦେଇ ଘରକୁ ଫେରୁଥିଲେ । ଫେରିବା ବାଟରେ ସେମାନେ ଏକ ମୃତ ବ୍ୟକ୍ତିର କଙ୍କାଳ ଦେଖିଥିଲେ । ଏହା ଦେଖି ତୁରନ୍ତ ୯ ନମ୍ବର ୱାର୍ଡର କାଉନସିଲର ଏବଂ ପୋଲିସକୁ ଖବର ଦେଇଥିଲେ । ଖବର ପାଇ କୋଣାର୍କ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏଥି ସହିତ ଘଟଣାର ତଦନ୍ତ ମଧ୍ୟ ଆରମ୍ଭ କରିଛି ପୋଲିସ ।