କାମାକ୍ଷାନଗର,୨୮।୯ : ଢେଙ୍କାନାଳ ଜିଲ୍ଲା ମହାବିରୋଡ଼ ଥାନା ୧୪୯ ନଂ ଜାତୀୟ ରାଜପଥର କଟୁମୁଣ୍ଡା ଗ୍ରାମ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଟ୍ରକ ଏବଂ -ହାଇଓ୍ବା ମୁହାଁ ମୁହିଁ ଧକ୍କାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ହୋଇଛନ୍ତି। ମୃତ ଟ୍ରକ ଡ୍ରାଇଭର ଜଣଙ୍କ ଦେବଗଡ଼ କୁଣ୍ଡାପିଠା ଅଂଚଳର ବିଦେଶୀ ନାଏକ ।  ଗୁରୁତରମାନେ ହେଲେ ମୋଟଙ୍ଗା ଥାନା ନଧେରା ଗ୍ରାମର ଅନିଲ ନାୟକ ଏବଂ ରିଆମାଳ ଥାନା ରେଙ୍ଗାବାହାଳ ଗାଁର ଦୁଲା ଧୁରୀ। 

ଟ୍ରକଟି କୋଇଡାରୁ ଆଇରନ ନେଇ ଢେଙ୍କାନାଳ ଯାଉଥିବା ବେଳେ ପିତିରିରୁ ପାଲଲହଡା ଆଡକୁ ଯାଉଥିବା ହାଇଓ୍ବା ସହ ମୁହାଁ ମୁହିଁ ଧକ୍କା ହୋଇଥିଲା। ଘଟଣା ସ୍ଥଳରେ ହିଁ  ଟ୍ରକ ଡ୍ରାଇଭରଙ୍କ ମୃତ୍ୟୁ ହୋଇଥିଲା। ଅନିଲ ଓ ଦୁଲା ଗୁରୁତର ହୋଇଥିଲେ। ଗୁରୁତରଙ୍କୁ ପ୍ରଥମେ ପରଜଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ପରେ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି। ତେବେ ଅନିଲଙ୍କ ଅବସ୍ଥା ସଂକଟାପନ୍ନ ଥିବା ଜଣାପଡିଛି ।