ଭୁବନେଶ୍ଵର, ୦୧/୦୪ : ଓଡ଼ିଶା ପୋଲିସର ନିର୍ବାଚନ ପ୍ରସ୍ତୁତିକୁ ନେଇ ପୋଲିସ DGP ଅରୁଣ କୁମାର ଷଡଙ୍ଗୀଙ୍କ ପ୍ରତିକ୍ରିୟା। ସେ କହିଛନ୍ତି ଯେ, ନକ୍ସଲ ଅଧ୍ୟୁଷିତ ରାଜ୍ୟଙ୍କ ସହ DG ସ୍ତରୀୟ ବୈଠକ ଚାଲୁଛି। ଝାଡଖଣ୍ଡ , ଛତିଶଗଡ, ପଶ୍ଚିମବଙ୍ଗରେ DG ସ୍ତରୀୟ, ରେଞ୍ଜ ଏସପି ସ୍ତରୀୟ ବୈଠକ ହୋଇ ସରିଛି। ଆଜି ପଶ୍ଚିମବଙ୍ଗ DGଙ୍କ ସହ ଆଜି ବୈଠକ ହେବ।
ବିଶେଷ କରି ନକ୍ସଲ ଅଧ୍ୟୁଷିତ ରାଜ୍ୟରେ କିପରି ଶାନ୍ତି ଶୃଙ୍ଖଳାର ସହ ନିର୍ବାଚନ ପରିଚାଳନା ହୋଇ ପାରିବ ସେନେଇ DG ସ୍ତରୀୟ ବୈଠକରେ ଆଲୋଚନା କରାଯାଇଛି। ସୀମା ସଂଲଗ୍ନ ରାଜ୍ୟ ସହ ଜଏଣ୍ଟ ଅପରେସନ ଚାଲିଛି। କଳା ଟଙ୍କା, ବେଆଇନ ଅସ୍ତ୍ରଶସ୍ତ୍ର ଚୋରା ଚାଲାଣ, ମାଦକ ଦ୍ରବ୍ୟ ଚାଲାଣ ଉପହାର ବଣ୍ଟନ ଉପରେ ନଜର ରହିଛି।
