ପୋର୍ଟ ମୋରେସବି,୨୬/୦୫: ପାପୁଆ ନ୍ୟୁଗିନିର କାଓକଲାମ ଗ୍ରାମରେ ଏକ ଦୁଃଖଦ ଘଟଣା ଘଟିଛି । ଏଠାରେ ଭୂସ୍ଖଳନ ଯୋଗୁ ୩୦୦ରୁ ଅଧିକ ଲୋକ ପ୍ରାଣ ହରାଇଥିବା ଆଶଙ୍କା  କରାଯାଉଛି । ସେହିଭଳି ଅନେକ ଲୋକ ଆହତ ହୋଇଛନ୍ତି । ଖବର ମୁତାବକ ପାପୁଆ ନ୍ୟୁଗିନିର ରାଜଧାନୀ ପୋର୍ଟ ମୋରେସବିଠାରୁ ପ୍ରାୟ ୬୦୦ କିଲୋମିଟର ଦୂର ଏଙ୍ଗା ପ୍ରଦେଶର  କାଓକଲାମ ଗ୍ରାମରେ ସ୍ଥାନୀୟ ସମୟ ଭୋର ୩ଟାରେ ଭୂସ୍ଖଳନ ହୋଇଥିଲା । ଏହି ସମୟରେ  ଅଧିକାଂଶ ଲୋକ ଶୋଇଥିଲେ । ଖବର ପାଇ ଉଦ୍ଧାରକାରୀ ଟିମ୍‌ ଘଟଣାସ୍ଥଳରେ ପହଞ୍ଚି ଉଦ୍ଧାର  କାର୍ଯ୍ୟ ଆରମ୍ଭ କରିଦେଇଥିଲେ । ପାହାଡ଼ ଧସିବା ଯୋଗୁ କାଓକଲାମ ଗ୍ରାମ ସର୍ବାଧିକ କ୍ଷତିଗ୍ରସ୍ତ  ହୋଇଛି । ଗ୍ରାମର ସମସ୍ତ ଲୋକ ଶୋଇଥିଲା ବେଳେ ଭୂସ୍ଖଳନ ହୋଇଥିଲା । ସେମାନଙ୍କୁ ବଞ୍ଚାଇବା  ପାଇଁ ସୁଯୋଗ ମିଳି ନ ଥିଲା । ଆହୁରି ଅନେକ ଲୋକ ନିଜ ଘରେ ଚାପି ହୋଇ ରହିଛନ୍ତି । ଏଭଳି ଘଟଣାରେ ପାପୁଆ ନ୍ୟୁଗିନି ସରକାର ଅନ୍ତର୍ଜାତୀୟ ସହାୟତା ପାଇଁ ଅପିଲ୍‌ କରିଛନ୍ତି ।