ମାଲକାନଗିରି,୯/୪ :   ମାଲକାନଗିରି ଜିଲ୍ଲାରେ  ପ୍ରଚଣ୍ଡ ରୌଦ୍ରତାପ ସାଙ୍ଗକୁ ତାପମାତ୍ରା ଲଗାତର ଭାବେ ୪୨ ରୁ୪୩ ଡିଗ୍ରୀ ରହିଆସୁଥିଲା। ଉତ୍ତପ୍ତ ସହର ପାଲଟି ଥିଲା ମାଲକାନଗିରି।ଦିନ ୧୧ ଟା ଠାରୁ ଅପରାହ୍ନ ୪ଟା ପର୍ଯ୍ୟନ୍ତ ରାସ୍ତା ଘାଟ ଜନ ଶୂନ୍ୟ ସହିତ ଦୋକାନ ବଜାର ଗୁଡିକ ବନ୍ଦ ହୋଇଯାଇଥିଲା। । ସୋମବାର ରାତ୍ର ରେ  ମାଲକାନଗିରି ସହରରେ ଘଡ଼ ଘଡି ସହିତ ବର୍ଷା ହେବାରୁ ସହରବାସୀ ତାତି ରୁ ରକ୍ଷା ପାଇବା ସହିତ ଗ୍ରୀଷ୍ମପ୍ରବାହ ରୁ ଆଶ୍ୱସ୍ତ ଲାଭକରିଛନ୍ତି।

ଗତ କାଲି ସନ୍ଧ୍ୟାରେ ମାଲକାନଗିରି ବ୍ଲକ ଅଞ୍ଚଳରେ ୧୭.୮ମିଲିମିଟର ବର୍ଷା ହୋଇଥିବା ବେଳେ ଖଇରପୁଟ ବ୍ଲକରେ ୧୩ମିଲିମିଟର ଓ ମାଥିଲି ବ୍ଲକ ରେ ୫ ମିଲିମିଟର  ବର୍ଷା ହୋଇଛି। ଜିଲ୍ଲାର ତିନୋଟି ବ୍ଲକ ରେ ମୋଟ ୩୫.୮ମିଲିମିଟର ବର୍ଷା ହୋଇଥିବାର ଜିଲ୍ଲା ଜରୁରୀକାଳୀନ ବିଭାଗ ସୂତ୍ରରୁ ସୂଚନା ମିଳିଛି।