ମୁମ୍ବାଇ,୧୪/୫: ନୀତେଶ ତିୱାରୀଙ୍କ ଆଗାମୀ ଫିଲ୍ମ 'ରାମାୟଣ' ଶିରୋନାମାରେ ରହିଛି । ଫିଲ୍ମରେ ରଣବୀରଙ୍କୁ ପ୍ରଭୁ ରାମଙ୍କ ଭୂମିକାରେ ଦେଖିବାକୁ ମିଳିବ । ସେହିପରି ସାଇ ପଲ୍ଲବୀ ସୀତାଙ୍କ ଭୂମିକାରେ ନଜର ଆସିବେ । ପ୍ରଥମ ଥର ପାଇଁ ରଣବୀର ଏକ ଧାର୍ମିକ ଚଳଚ୍ଚିତ୍ରରେ ଅଭିନୟ କରିବାକୁ ଯାଉଛନ୍ତି । ଏହାରି ମଧ୍ୟରେ ଅନେକ ବର୍ଷର ଅପେକ୍ଷା ପରେ ଫିଲ୍ମର ସୁଟିଂ ଆରମ୍ଭ ହୋଇଯାଇଛି । ନିକଟରେ ଫିଲ୍ମର ଏକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ଯେଉଁଥିରେ ଉଭୟଙ୍କୁ ଫିଲ୍ମ ପାଇଁ ସୁଟ କରୁଥିବାର ନଜର ଆସିଛନ୍ତି । 

ବଲିଉଡ ହଙ୍ଗାମାର ରିପୋର୍ଟ ମୁତାବକ,'ରାମାୟଣ ପାର୍ଟ ଓ୍ବାନ'ପାଇଁ ନିର୍ମାତା ୧୦୦ ମିଲିୟନ ଡଲାର ଅର୍ଥାତ ୮୩୫ କୋଟି ଟଙ୍କାର ବଜେଟରେ ହେବା ପାଇଁ ଆଲର୍ଟ ହୋଇଛି ।  ରାମାୟଣ କେବଳ ଫିଲ୍ମ ନୁହେଁ। ନିର୍ମାତା ଏହାକୁ ସବୁଠୁ ମହଙ୍ଗା ଫିଲ୍ମ ବନାଇବାକୁ ପ୍ରଚେଷ୍ଟା କରୁଛନ୍ତି ।  ପ୍ରଡ୍ୟୁସର ନମିତ ମଲହୋତ୍ରା ରାମାୟଣମକୁ ଏକ ଶାନଦାର ପ୍ରୋଜେକ୍ଟ ବନାଇବାକୁ ପ୍ରଚେଷ୍ଟା ଜାରି ରଖିଛନ୍ତି। 

'ବ୍ରହ୍ମାସ୍ତ୍ର'ରୁ ଦ୍ବିଗୁଣ ଅଧିକ ବଜେଟ 

ରଣବୀରଙ୍କ ଫିଲ୍ମ 'ବ୍ରହ୍ମାସ୍ତ୍ର'ର ବଜେଟ ୪୦୦ କୋଟି ଟଙ୍କା ହୋଇଥିଲା। ହେଲେ ପରେ ଦୈନିକ ଭାସ୍କର ସହ ଏକ ଇଣ୍ଟରଭ୍ୟୁରେ ରଣବୀର କହିଥିଲେ ଯେ ୪୦୦ କୋଟି ବଜେଟ କେବଳ ପ୍ରଥମ ଫିଲ୍ମ ପାଇଁ ନୁହେଁ, ବରଂ ପୁରା ବ୍ରହ୍ମାସ୍ତ୍ର ପ୍ରୋଜକ୍ଟର । ଯେଉଁଥିରେ ୩ଟି ଫିଲ୍ମ ସାମିଲ ଅଛନ୍ତି । ତେବେ ଏହି ହିସାବରେ ରାମାୟଣର ପ୍ରୋଜେକ୍ଟ ବ୍ରହ୍ମାସ୍ତ୍ର ଠାରୁ ୪ଗୁଣ ଅଧିକ ରହିଛି।