ରାୟଗଡ଼(ଗଜପତି)୨୦।୩ :-  ଲଘୁଚାପ ପ୍ରଭାବରେ ତିନି ଦିନ ଧରି ଗଜପତି ଜିଲ୍ଲାରେ ଲଗାଣ ବର୍ଷା ଲାଗିରହିଛି । ଏହାର ପ୍ରଭାବରେ କଇଁପୁର ଠାରୁ ବଡପାଚେଡିଆ ରାସ୍ତା  ମଧ୍ୟରେ ପାହାଡରୁ  ମାଟି ଅତଡା  ଓ ପଥର ଖସି ରାସ୍ତା ଉପରେ ପଡି ରହିଛି । ଫଳରେ ଓଡିଶା ରାସ୍ତାରୁ ବିଚ୍ଛିନ୍ନ ହୋଇଛି ଗଙ୍ଗାବାଡ ପଞ୍ଚାୟତ ।

କଇଁପୁର ଠାରୁ ବଡପାଚେଡିଆ ରାସ୍ତାରେ  ଲଗାଣ ବର୍ଷାରେ  ନିର୍ମାଣଧିନ ପଥର ପ୍ୟାକିଂ ରାସ୍ତା ଧୋଇ ହୋଇ ନଷ୍ଟ ହୋଇଯାଇଛି।  ଯାହା ଫଳରେ ପାହାଡର ମାଟି ଅତଡା ଓ ପଥର ଗୁଡିକ ରାସ୍ତା ଉପରେ ପଡି ରହିଛି । ଫଳରେ ଏହି ରାସ୍ତା ଉପରେ କୋଡିଏରୁ ଅଧିକ ନିର୍ଭର କରୁଥିବା ଗ୍ରାମବାସୀଙ୍କ ଯାତାୟତ ଏକ ପ୍ରକାର ଠପ୍ ହୋଇପଡିଛି । ବର୍ଷା ଲାଗିରହିଥିବା ହେତୁ ଉକ୍ତ ରାସ୍ତା ଦେଇ ଯିବାଆସିବା ପାଇଁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି I ଓଡିଶା ରାସ୍ତାରୁ ବିଚ୍ଛିନ୍ନ ହୋଇଛି ଗଙ୍ଗାବାଡ ପଞ୍ଚାୟତ । ଏହି ରାସ୍ତା ଓଡିଶା ତଥା ବ୍ଲକ ସଦରକୁ ସଂଯୋଗ କରୁଥିବାରୁ ଗୁରୁତ୍ବପୂର୍ଣ୍ଣ ଅଟେ । ପ୍ରଶାସନ ପକ୍ଷରୁ ତୁରନ୍ତ ଏହାର ସ୍ଥାୟୀ ସମାଧାନ କରିବା ପାଇଁ ଅଞ୍ଚଳବାସୀ ଦାବି କରିଛନ୍ତି l

ଆହୁରି ପଢନ୍ତୁ : କୁଳଡିହା ଅଭୟାରଣ୍ୟରେ ବନ୍ଧୁକ କାରଖାନା ଠାବ : ୪ ବନ୍ଧୁକ ଜବତ , ଜଣେ ଗିରଫ