ଭୁବନେଶ୍ୱର, ୦୮/୦୬ : କ୍ୟୁଏସ୍ ୱାର୍ଲ୍ଡ ୟୁନିଭର୍ସିଟି ର୍ୟାଙ୍କିଙ୍ଗ୍ ପ୍ରକାଶ ପାଇଛି। ଏଥିରେ ଦେଶର ୪୬ଟି ଉଚ୍ଚଶିକ୍ଷାନୁଷ୍ଠାନ ରହିଛି । ଏଥିରେ ଓଡ଼ିଶାରୁ ଭୁବନେଶ୍ୱର ଇଣ୍ଡିଆନ୍ ଇନ୍ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (ଆଇଆଇଟି) ଏବଂ ଶିକ୍ଷା ଓ ଅନୁସନ୍ଧାନ (ସୋଆ) ବିଶ୍ୱବିଦ୍ୟାଳୟ ରହିଛି । ଆଇଆଇଟି ଭୁବନେଶ୍ୱର ୯୫୧ରୁ ୧୦୦୦ ର୍ୟାଙ୍କ୍ ମଧ୍ୟରେ ରହିଛି । ସେହିପରି ଓଡ଼ିଶାର ଏକ ମାତ୍ର ଘରୋଇ ବିଶ୍ୱବିଦ୍ୟାଳୟ ଭାବେ ସୋଆ ଏହି ର୍ୟାଙ୍କିଙ୍ଗ୍ରେ ସ୍ଥାନ ପାଇଛି । ସୋଆ ୧୨୦୧ରୁ ୧୪୦୦ ର୍ୟାଙ୍କ୍ ମଧ୍ୟରେ ରହିଛି ।
ସୂଚନାଯୋଗ୍ୟ, କ୍ୟୁଏସ୍ ୱାର୍ଲ୍ଡ ୟୁନିଭର୍ସିଟି ର୍ୟାଙ୍କିଙ୍ଗ ୨୦୨୫ ଏଡିସନ୍ରେ ରାଜ୍ୟର ଏହି ଦୁଇ ଶିକ୍ଷାନୁଷ୍ଠାନ ସ୍ଥାନ ପାଇଛି । ୨୦୧୫ ଏଡିସନ୍ରେ ଦେଶର ୧୧ଟି ଶିକ୍ଷାନୁଷ୍ଠାନ ଏହି ର୍ୟାଙ୍କିଙ୍ଗ୍ରେ ସ୍ଥାନ ପାଇଥିଲେ । ତେବେ ୧୦ ବର୍ଷ ମଧ୍ୟରେ ଏହା ବୃଦ୍ଧି ପାଇ ଏବେ ୪୬ଟି ଶିକ୍ଷାନୁଷ୍ଠାନ କ୍ୟୁଏସ୍ ୱାର୍ଲ୍ଡ ୟୁନିଭର୍ସିଟି ର୍ୟାଙ୍କିଙ୍ଗ୍ରେ ସ୍ଥାନ ପାଇଛନ୍ତି । ଏଥିରୁ ଦେଶର ୨ଟି ଆଇଆଇଟି ୧୫୦ ର୍ୟାଙ୍କ ମଧ୍ୟରେ ରହିଛନ୍ତି । ଆଇଆଇଟି ବମ୍ବେ ୧୧୮ର୍ୟାଙ୍କ ଓ ଆଇଆଇଟି ଦିଲ୍ଲୀ ୧୫୦ ର୍ୟାଙ୍କ୍ରେ ରହିଛି । ୨୧୧ ର୍ୟାଙ୍କ୍ରେ ରହିଛି ଇଣ୍ଡିଆନ୍ ଇନ୍ଷ୍ଟିଚ୍ୟୁଟ୍ ଅଫ୍ ସାଇନ୍ସ, ଆଇଆଇଟି ଖଗଡ଼ପୁର ୨୨୨, ଆଇଆଇଟି ମାଦ୍ରାସ୍ ୨୨୭, ଆଇଆଇଟି କାନପୁର ୨୬୩, ଦିଲ୍ଲୀ ବିଶ୍ୱବିଦ୍ୟାଳୟ ୩୨୮, ଆଇଆଇଟି ରୁର୍କି ୩୩୫, ଆଇଆଇଟି ଗୌହାଟି ୩୪୪, ଆଇଆଇଟି ଇନ୍ଦୋର୍ ୪୭୭, ଆଇଆଇଟି ବାରାଣାସୀ ୫୩୧, ଜେଏନ୍ୟୁ ୫୮୦ ର୍ୟାଙ୍କରେ ରହିଛି । ୯୫୧ରୁ ୧୦୦୦ ର୍ୟାଙ୍କ ମଧ୍ୟରେ ରହିଛି ଆଇଆଇଟି ଭୁବନେଶ୍ୱର । ସେହିପରି ଓଡ଼ିଶାର ଏକ ମାତ୍ର ଘରୋଇ ବିଶ୍ୱବିଦ୍ୟାଳୟ ଭାବେ ସୋଆ ଏହି କ୍ୟୁଏସ୍ ୱାଲ୍ଡ ୟୁନିଭର୍ସିଟି ର୍ୟାଙ୍କରେ ସ୍ଥାନ ପାଇଛି । ଏହା ୧୨୦୧ରୁ ୧୪୦୦ ର୍ୟାଙ୍କ ମଧ୍ୟରେ ରହିଛି ।
