ନୂଆଦିଲ୍ଲୀ, ୧୬/୫ : କଂଗ୍ରେସର ଗାନ୍ଧୀ-ନେହେରୁ ପରିବାରର ପାରମ୍ପରିକ ସିଟ୍ ତଥା ଜଣାଶୁଣା ରାୟବରେଲୀରେ ଗାନ୍ଧୀ ପରିବାର ପୁଣି ଥରେ ଯୋଡ଼ି ହେବାକୁ ଯାଉଛନ୍ତି । ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ ଏବଂ ସୋନିଆ ଗାନ୍ଧୀ ଶୁକ୍ରବାର ରାୟବରେଲୀରେ ଏକ ବିଶାଳ ଜନସଭାକୁ ସମ୍ବୋଧିତ କରିବେ । ସମାଜବାଦୀ ପାର୍ଟି ପ୍ରମୁଖ ଅଖିଳେଶ ଯାଦବ ବି ଏହି ଜନସଭାରେ ସାମିଲ ହେବେ । ପ୍ରକାଶ ଯେ, ଦୁଇ ଦଶକ ପର୍ଯ୍ୟନ୍ତ ଏହି ସିଟରୁ ସାଂସଦ ରହିଥିବା ସୋନିଆ ଗାନ୍ଧୀ ଜନସଭାର ପ୍ରଥମରୁ ରାୟବରେଲୀରେ ଆକ୍ଟିଭ ହୋଇଯାଇଛନ୍ତି । ସେ ଦୁଇ ଦିବସୀୟ ଗସ୍ତରେ ରାୟବରେଲୀରେ ପହଞ୍ଚିଛନ୍ତି ।
ନିଜ ଗସ୍ତର ପ୍ରଥମ ଦିନ ତଥା ଆଜି ସୋନିଆ ଗାନ୍ଧୀ ଭୂଏମଉରେ କାର୍ଯ୍ୟକର୍ତ୍ତାଙ୍କ ସହ ବୈଠକ କରିବେ । ଏହାପରେ ଆସନ୍ତାକାଲି ତଥା ଶୁକ୍ରବାର ସେ ବିଶାଳ ଜନସଭାରେ ଭାଗନେବେ । ଶୁକ୍ରବାର ଅପରାହ୍ନ ୧ଟାଏ ସମୟରେ ଜନସଭା ଆଇଟିଆଇ ପଡ଼ିଆରେ ହେବ । ପ୍ରକାଶ ଯେ, ରାୟବରେଲୀ ଲୋକସଭା କ୍ଷେତ୍ର ଗାନ୍ଧୀ ପରିବାରର ଗଡ଼ ଅଟେ । ଏହି ସିଟରୁ ଗାନ୍ଧୀ ପରିବାରର କେତେକ ସଦସ୍ୟ ନିର୍ବାଚନ ଜିତି ସଂସଦରେ ପହଞ୍ଚିଛନ୍ତି । ସୋନିଆ ଗାନ୍ଧୀ ରାୟବରେଲୀ ସିଟର ୨୦୦୪ରୁ ୨୦୨୪ପର୍ଯ୍ୟନ୍ତ ପ୍ରତିନିଧିତ୍ବ କରିଛନ୍ତି । ବର୍ଷ ୨୦୧୯ରେ ଲୋକସଭା ନିର୍ବାଚନରେ କଂଗ୍ରେସକୁ କେବଳ ରାୟବରେଲୀ ସିଟରେ ହିଁ ବିଜୟୀ ମିଳିଥିଲା । ପ୍ରକାଶ ଯେ, ଏଥର ରାୟବରେଲୀ ସିଟରୁ ସୋନିଆ ଗାନ୍ଧୀ ନିର୍ବାଚନ ଲଢୁ ନାହାନ୍ତି ।
କଂଗ୍ରେସ ରାୟବରେଲୀ ସିଟରୁ ରାହୁଲ ଗାନ୍ଧୀଙ୍କୁ ଓହ୍ଲାଇଛି । ଏହା ପୂର୍ବରୁ ସେ ଅମେଠୀ ସିଟରେ ନିର୍ବାଚନ ଜିତି ଆସିଥିଲେ । ୨୦୧୯ରେ ବିଜେପିର ସ୍ମୃତି ଇରାନୀ ତାଙ୍କୁ ଚେକ୍ ଦେଇଥିଲେ । ମାତ୍ର ସେ ୨୦୧୯ରେ ଓ୍ବାୟନାଡ଼ ସିଟରୁ ବି ନିର୍ବାଚନ ଲଢିଥିଲେ ଏବଂ ସେଠାରୁ ସେ ବହୁ ଜନମତରେ ଜିତି ସଂସଦରେ ପହଞ୍ଚିଥିଲେ । ରାୟବରେଲୀ ସିଟରେ ବିଜେପି ଦିନେଶ ପ୍ରତାପ ସିଂହଙ୍କୁ ମୈଦାନରେ ଓହ୍ଲାଇଛି ।
ପ୍ରକାଶ ଯେ, ରାୟବରେଲୀରେ ପଞ୍ଚମ ଚରଣ ଲାଗି ୨୦ମଇରେ ମତଦାନ ହେବ । ୟୁପିରେ ସପା ଏବଂ କଂଗ୍ରେସର ଗଠବନ୍ଧନ ଅଛି । ଉଭୟ ଦଳ ଇଣ୍ଡିଆ ଗଠବନ୍ଧନର ଭାଗିଦାରୀ ଅଛନ୍ତି । ଏହାକୁ ଦେଖି ଏହି ସିଟରେ କଂଗ୍ରେସ ଏବଂ ସପା କାର୍ଯ୍ୟକର୍ତ୍ତା ଏକଜୁଟ ହୋଇ ନିର୍ବାଚନ ପ୍ରଚାରରେ ଲାଗି ପଡ଼ିଛନ୍ତି ।
