ଭୁବନେଶ୍ୱର,୦୪/୦୯: ଛାତ୍ର ସଂସଦ ନିର୍ବାଚନ ଦାବିରେ ଆନ୍ଦୋଳନ କରିବ ଛାତ୍ର କଂଗ୍ରେସ । ଏଥିସହ ଶିକ୍ଷକ ଓ ଅଣଶିକ୍ଷକ ପଦବୀ ପୂରଣ ଓ ହିଂସାମୁକ୍ତ କ୍ୟାମ୍ପସ ଦାବିରେ କଲେଜ ସମ୍ମୁଖରେ ସୋମବାର ବିକ୍ଷୋଭ ପ୍ରଦର୍ଶନ କରାଯିବ । ଏନେଇ ଛାତ୍ର କଂଗ୍ରେସ ସଭାପତି ୟାସିର ନୱାଜ୍‌ ସୂଚନା ଦେଇଛନ୍ତି । କ୍ୟାମ୍ପସରେ ଛାତ୍ର ସଂସଦ ନିର୍ବାଚନ କରି ଛାତ୍ରଙ୍କ ସ୍ୱର ବନ୍ଦ କରାଯାଉଛି ବୋଲି ଛାତ୍ର କଂଗ୍ରେସ କହିଛି । ଅଧ୍ୟାପକ ପଦବୀ ପୂରଣ ନହେବାରୁ ଶିକ୍ଷାର ମାନ ହ୍ରାସ ହେଉଛି ।  ଏମିତି ବିଭିନ୍ନ ସମୟରେ କ୍ୟାମ୍ପସରେ ଅଣଛାତ୍ର ପ୍ରବେଶ ଓ ବିଭିନ୍ନ ସମୟରେ ଦେଖା ଯାଉଥିବା ଉତ୍ତେଜନା ପ୍ରତିବାଦରେ ମଧ୍ୟ ବିକ୍ଷୋଭ ପ୍ରଦର୍ଶନ କରାଯିବ । ରାଜଧାନୀରେ ସକାଳ ୧୦ଟାରେ କ୍ୟାପିଟାଲ୍‌ ଲ୍‌ କଲେଜ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯିବ । ସାଢ଼େ ୧୦ଟାରେ ଦେବରାୟ କଲେଜ, ୧୧ଟାରେ ମହର୍ଷି କଲେଜ, ସାଢ଼େ ୧୧ଟାରେ ବିଜେବି କଲେଜ, ୧୨ଟାରେ ରାଜଧାନୀ କଲେଜ, ସାଢ଼େ ୧୨ଟାରେ ବାଲିପାଟଣା କଲେଜ, ସଂଧ୍ୟା ୫ଟାରେ ଉତ୍କଳ ବିଶ୍ୱବିଦ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯିବ ବୋଲି ଛାତ୍ର କଂଗ୍ରେସ ସଭାପତି ଶ୍ରୀ ନୱାଜ୍‌ ସୂଚନା ଦେଇଛନ୍ତି ।