ନୂଆଦିଲ୍ଲୀ,୧୬/୦୪: ଟେସ୍ଲାର ସମସ୍ତ କାର ପାଇଁ ସେମିକଣ୍ଡକ୍ଟର ଚିପ୍ ବନାଇବ ଟାଟା । ଆମେରିକାଭିତ୍ତିକ ଏହି ଇ-ଯାନ ନିର୍ମାତା ଏଥିଲାଗି ଟାଟା ଗ୍ରୁପ ସହ ଚୁକ୍ତିରେ ସାମିଲ ହୋଇଛି ।
ଏକ ରିପୋର୍ଟ ମୁତାବକ, ଟାଟା ଇଲେକ୍ଟ୍ରୋନିକ୍ସ ଟେସ୍ଲାର ଗ୍ଲୋବାଲ ସପ୍ଲାଏ ଲାଗି ଚିପ୍ ପ୍ରସ୍ତୁତ କରିବ । ଆଗାମୀ କିଛି ଦିନ ମଧ୍ୟରେ ଟେସ୍ଲା ସିଇଓ ଏଲନ ମସ୍କ ଭାରତ ଗସ୍ତରେ ଆସିବେ । ଏହାର ଅବ୍ୟବହିତ ପୂର୍ବରୁ ୨ କମ୍ପାନି ଚୁକ୍ତିରେ ସାମିଲ ହୋଇଛନ୍ତି । ଏଲନ ମସ୍କ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଧ୍ୟ ଭେଟିବା କାର୍ଯ୍ୟକ୍ରମ ରହିଛି । ଘରୋଇ ବଜାରରେ ଟେସଲା ପ୍ଲାଣ୍ଟ ସମ୍ପର୍କରେ ଏହି ସମୟରେ ଘୋଷଣା ହେବ ବୋଲି ସୂଚନା ମିଳିଛି ।
