ବଡ଼ବିଲ, ୦୧/୦୫ : ବଡ଼ବିଲ ବଙ୍ଗଳା ଛକ ମାଉସୀ ମା' ମନ୍ଦିର ନିକଟରେ ଥିବା ଏକ କୂଅରୁ ଯୁବକଙ୍କ ମୃତଦେହ ଉଦ୍ଧାର। ବୁଧବାର ସକାଳୁ କୂଅରେ ଯୁବକଙ୍କ ମୃତଦେହ ଭାସୁଥିବା ଦେଖି ଲୋକେ ବଡ଼ବିଲ ପୋଲିସକୁ ଖବର ଦେଇଥିଲେ। ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ମୃତଦେହ ଉଦ୍ଧାର କରିଛି।
ମୃତ ଯୁବକଙ୍କ ପରିଚୟ ମିଳିପାରି ନାହିଁ । ତେବେ କେଉଁ ପରିସ୍ଥିତିରେ ଯୁବକ ଜଣକ କୂଅ ପାଣିରେ ବୁଡ଼ିଗଲେ ତାହା ଜଣାପଡି ନାହିଁ । କୂଅ ନିକଟରେ ଯୁବକଙ୍କ ପ୍ୟାଣ୍ଟ୍ ସାର୍ଟ ରହିଥିଲା ବେଳେ, ସମ୍ଭବତ ଗାଧୋଇବାକୁ ଯାଇ କୂଅରେ ପଡ଼ି ତାଙ୍କର ମୃତ୍ୟୁ ହୋଇଥିବା ସନ୍ଦେହ କରାଯାଉଛି । ବଡ଼ବିଲ ପୋଲିସ୍ ମୃତକଙ୍କ ପରିଚୟ ଖୋଜିବା ସହ ଘଟଣାର ତଦନ୍ତ ଜାରି ରଖିଛି ।
