ଖୋର୍ଦ୍ଧା,୨୪।୪: ବାକି ଟଙ୍କା ମାଗିବାରୁ ଦୋକାନରେ ନିଆଁ ଲଗେଇ ଜାଳିଦେଲା ଗ୍ରାହକ। ଏପରି ଘଟଣା ଖୋର୍ଦ୍ଧା ନିକଟସ୍ଥ ମହୁଲ ଗ୍ରାମର ବଜାରରେ ଘଟିଛି। ନିଆଁ ଲଗାଇଥିବା ଗ୍ରାହକଙ୍କୁ ଲୋକମାନେ କାବୁ କରି ପୋଲିସ ଜିମା ଦେଇଛନ୍ତି।
ଖୋର୍ଦ୍ଧା ନିକଟସ୍ଥ ମଧୁପୁର ଗ୍ରାମର ସଦା ସ୍ୱାଇଁ ମହୁଲ ଗ୍ରାମର ବଜାରରେ ଥିବା ବୃନ୍ଦାବନ ସାହୁଙ୍କ ଦୋକାନରୁ ୧୨୫ ଟଙ୍କାର ସଉଦା ବାକି ନେଇଥିଲା। ତାକୁ ବାକି ଟଙ୍କା ମାଗିବାରୁ ସଂଧ୍ୟାରେ ତୁମ ଦୋକାନ ପୋଡ଼ି ଦେବି ବୋଲି ଦୋକାନୀଙ୍କୁ ଧମକ ଦେଇଥିଲା। ସତକୁ ସତ ରାତି ୧୧ଟା ୪୫ ରେ ଆସି ବୃନ୍ଦାବନ ସାହୁଙ୍କ ଗ୍ରୋସରୀ ଦୋକାନ ରେ ନିଆଁ ଲଗାଇଦେଇଥିଲା ସଦା ସ୍ବାଇଁ । ଖୋର୍ଦ୍ଧା ଅଗ୍ନିଶମ ବାହିନୀ ଖବର ପାଇଁ ନିଆଁକୁ ଆୟତ୍ତ କରିଥିଲେ। ଲକ୍ଷାଧିକ ଟଙ୍କାର ଗ୍ରୋସରୀ ଜିନିଷ ଜଳିପୋଡ଼ି ପାଉଁଶ ହୋଇଯାଇଥିଲା। ଆଜି ସକାଳେ ସଦା ଦୌଡ଼ି ପଳାଇ ଯାଉଥିବା ସମୟ ରେ ଗ୍ରାମବାସୀ ଙ୍କ ହାତରେ ଧରା ପଡ଼ି ଯାଇ ଥିଲା। ମେଣ୍ଢାଶାଳ ଫାଣ୍ଡି ଅଧିକାରୀ ଖବର ପାଇ ଆସି ମଧୁପୁର ଗ୍ରାମରୁ ସଦାକୁ ଉଠାଇ ନେଇଛି। ପୋଲିସ ସଦାଙ୍କୁ ଅଟକ ରଖି ଅଧିକ ପଚରା ଉଚରା କରୁଛି।
