ନୂଆଦିଲ୍ଲୀ,୩।୨: କେନ୍ଦ୍ର ରେଳମନ୍ତ୍ରୀ ଅଶ୍ବିନୀ ବୈଷ୍ଣଭ ଟ୍ରେନ ସୁରକ୍ଷା ପ୍ରଣାଳୀ ‘କବଚ’କୁ ନେଇ ଖୁସି ଖବର ଦେଇଛନ୍ତି। ସେ କହିଛନ୍ତି, କବଚ ଦ୍ବାରା ପୁରା ରେଳ ନେଟଓ୍ବର୍କକୁ ସଂଯୋଗ କରିବା ଦିଗରେ ଭଲ ପ୍ରଗତି ହୋଇଛି। ଅନୁସନ୍ଧାନ ଡିଜାଇନ୍ ଓ ମାନକ ସଂଗଠନ(ଆରଡିଏସ୍ଓ) ପକ୍ଷରୁ ଘରୋଇ ପ୍ରତିଭାଗୀଙ୍କ ସହଯୋଗରେ କବଚ ସିଷ୍ଟମକୁ ଡେଭଲପ୍ କରାଯାଇଛି। ଏହା ଲୋକେ ପାଇଲଟ୍ଙ୍କ ଦ୍ବାରା ଠିକ୍ ସମୟରେ ଟ୍ରେନ୍ ରୋକିବାରେ ବିଫଳ ହେବା ଭଳି ଜରୁରୀ ସ୍ଥିତିରେ ନିଜକୁ ନିଜେ ବ୍ରେକ ଲଗାଇବାରେ ସକ୍ଷମ ହେବ। ଭାରତୀୟ ରେଲଓ୍ବେ ସୁରକ୍ଷା ବଢାଇବା ପାଇଁ ନିଜର ନେଟଓ୍ବର୍କରେ ଏହି ପ୍ରଣାଳୀକୁ ଲାଗୁ କରିବାର ପ୍ରକିୟାରେ ରହିଛି। ରେଳମନ୍ତ୍ରୀ କହିଛନ୍ତି, କବଚ ଟେକ୍ନୋଲୋଜି ଏପର୍ଯ୍ୟନ୍ତ ଦକ୍ଷିଣ ମଧ୍ୟ ରେଲଓ୍ବେ ଉପରେ ୧୩୯ ରେଳ ଇଞ୍ଜିନ(ଇଲେକ୍ଟ୍ରିକ୍ ମଲ୍ଟିପଲ୍ ୟୁନିଟ୍ ରେକ୍ ସହିତ) ଓ ୧୪୬୫ କିଲୋମିଟର ରୁଟ୍ରେ ମୁତୟନ କରାଯାଇଛି।
ରେଳଭବନରେ ସାମ୍ବାଦିକଙ୍କ ପ୍ରଶ୍ନର ଉତ୍ତର ଦେଇ ବୈଷ୍ଣଭ କହିଛନ୍ତି, କବଚର ୫ ଘଟକ ଅପ୍ଟିକାଲ ଫାଇବର, କବଚ ଟାଓ୍ବାର, ଷ୍ଟେସନ୍ରେ ଡାଟା ସେଣ୍ଟର, ଟ୍ରାକ୍ସାଇଡ୍ ଉପକରଣ ଓ ଲୋକେ କବଚ ରହିଛି। ସେ କହିଛନ୍ତି, ଏହି ସବୁ ୫ ଘଟକକୁ ସ୍ଥାପିତ କରିବାରେ ଖୁବ୍ ଭଲ ପ୍ରଗତି ହୋଇଛି। ଡିସେମ୍ବର ୨୦୨୩ ଶେଷ ପର୍ଯ୍ୟନ୍ତ ୨୬୯ କବଚ ଟାଓ୍ବାରର ସ୍ଥାପନ ସହିତ ୩୦୪୦ କିଲୋମିଟର ମାର୍ଗରେ ଅପ୍ଟିକାଲ ଫାଇବର କେବଳ ବିଛା ଯାଇଛି। ମୋଟ ୧୮୬ ଷ୍ଟେସନ୍ରେ ଡାଟା ସେଣ୍ଟର ପ୍ରସ୍ତୁତ କରାଯାଇଛି ଓ ୮୨୭ କିଲୋମିଟର ରୁଟ୍ରେ ଟ୍ରାକ୍ସାଇଡ୍ ଉପକରଣ ଲଗାଯାଇଛି। ଏହାଛଡା ୧୭୦ ଇଞ୍ଜିନରେ ଲୋକେ କବଚ ଲଗାଯାଇଛି।’
ଅଶ୍ବିନୀ ବୈଷ୍ଣଭ ଶୁକ୍ରବାର ରାଜ୍ୟସଭାରେ କହିଥିଲେ, ଭାରତୀୟ ରେଲଓ୍ବେ କବଚ ପାଇଁ ଏପର୍ଯ୍ୟନ୍ତ ମୋଟ ୭୯୮.୯୮ କୋଟି ଟଙ୍କାର ବଜେଟ୍ ଆବଣ୍ଟନରେ ୩୨୧.୮୫ କୋଟି ଟଙ୍କାର ଉପଯୋଗ କରାଯାଇଛି। ଏଥିରୁ ଜଣାପଡୁଛି, ଜାରି ଆର୍ଥିକ ବର୍ଷରେ ଏପର୍ଯ୍ୟନ୍ତ ୪୦%ରୁ ଅଧିକ ଫଣ୍ଡ ବ୍ୟବହାର କରାଯାଇ ସାରିଛି। ରାଜ୍ୟସଭାରେ ସମାଜବାଦୀ ପାର୍ଟିର ସାଂସଦ ଜାଭେଦ ଅଲ୍ଲୀ ଖାନ୍ଙ୍କ ପକ୍ଷରୁ ପଚରା ଟାଇଥିବା ପ୍ରଶ୍ନର ଉତ୍ତର ଦେଇ ସେ ଏହି ସୂଚନା ଦେଇଛନ୍ତି। ବୈଷ୍ଣଭ କହିଛନ୍ତି, କବଚ ଏକ ସ୍ବଦେଶୀ ରୂପରେ ବିକଶିତ ସ୍ବଂୟଚାଳିତ ଟ୍ରେନ୍ ସୁରକ୍ଷା ପ୍ରଣାଳୀ। ସୁରକ୍ଷା ଦୃଷ୍ଟିରୁ ଏହା ଖୁବ୍ ମର୍ଡନ ଟେକ୍ନୋଲୋଜି। ଟ୍ରେନ୍ରେ ଯାତ୍ର ବେଳେ ସିକ୍ୟୁରିଟି ଦୃଷ୍ଟିରୁ ଏହା ଖୁବ୍ ଗୁରୁତ୍ବପୂର୍ଣ୍ଣ।
