ନୂଆଦିଲ୍ଲୀ,୨୭।୨: ନାଗରିକ ସଂଶୋଧକ ଆଇନ ମାର୍ଚ୍ଚରୁ ଲାଗୁ କରିବା ନେଇ ସରକାର ପ୍ରସ୍ତୁତ ଅଛନ୍ତି। ମାର୍ଚ୍ଚ ପ୍ରଥମ ସପ୍ତାହରେ ଲୋକସଭା ନିର୍ବାଚନର ମଧ୍ୟ ଘୋଷଣା ହୋଇପାରେ। ଏଭଳି ସ୍ଥିତିରେ ସରକାର ଆଚାର ସଂହିତା ଲଗାଇବା ପୂର୍ବରୁ ଏହି ବଡ ନିଷ୍ପତ୍ତି ନେବାକୁ ଯାଉଛନ୍ତି। ଏହାଦ୍ବାରା ପାକିସ୍ତାନ, ଆଫଗାନିସ୍ତାନ ଓ ବାଂଲାଦେଶରେ ଉତ୍ପୀଡନର ଶିକାର ହୋଇ ଭାରତରେ ଶରଣ ନେଇଥିବା ହିନ୍ଦୁ,ଜୈନ, ବୌଦ୍ଧ ଓ ଶିଖ୍ ଲୋକଙ୍କୁ ଲାଭ ମିଳିବ। ଏହି ନିୟମ ଅନୁସାରେ, ୩୧ ଡିସେମ୍ବର ୨୦୧୪ ପର୍ଯ୍ୟନ୍ତ ପଡୋଶୀ ତିନି ଦେଶରୁ ନିର୍ଯାତନାର ଶିକାର ଲୋକଙ୍କୁ ଭାରତରେ ନାଗରିକତା ମିଳି ପାରିବ। ଆଫଗାନିସ୍ତାନ, ପାକିସ୍ତାନ ଓ ବାଂଲାଦେଶ ହେଉଛି ତିନୋଟି ଇସଲାମିକ୍ ଦେଶ ଓ ଏଠାରେ ହିନ୍ଦୁ, ବୌଦ୍ଧ, ଶିଖ୍ ଓ ଜୈନ ଧର୍ମର ଲୋକ ସଂଖ୍ୟାଲଘୁ ରହିଛନ୍ତି।
ପାକିସ୍ତାନ ବାଂଲାଦେଶ ଏବଂ ଆଫଗାନିସ୍ତାନରୁ ବହୁ ସଂଖ୍ୟାରେ ଲୋକ ଦଶକ ପୂର୍ବରୁ ପଳାୟନ କରି ଭାରତ ଆସୁଛନ୍ତି। ଦିଲ୍ଲୀ, ୟୁପି ସିତ ବହୁ ରାଜ୍ୟରେ ଏହ ଲୋକମାନେ ଅଛନ୍ତି, କିନ୍ତୁ ଲକ୍ଷାଧିକ ସଂଖ୍ୟାହର ଏହି ଜନସଂଖ୍ୟା ପାଖରେ ଭାରତର ନାଗରିକତା ନାହିଁ। ଏହି କାରଣରୁ ତାଙ୍କୁ ମୌଳିକ ସୁବିଧା ମିଳିପାରୁନି। ଏଭଳି ସ୍ଥିତିରେ ଏହି ଆଇନ ଲାଗୁ ହେବାପରେ ଲୋକଙ୍କୁ ନାଗରିକତା ମିଳିବା ସହ ଭୋଟ ଦେବାର ଅଧିକାର ସହିତ ସବୁ ଜିନିଷର ସୁବିଧା ମିଳିଯିବ। ଏହି ଆଇନ ପୂର୍ବରୁ ସଂସଦରେ ମଞ୍ଜୁରୀ ଲାଭ କରିସାରିଛି, ଯାହାକୁ କେବଳ ଏବେ ଲାଗୁ କରାଯିବ।
ଉଲ୍ଲେଖନୀୟ ଯେ, ଦିଲ୍ଲୀ ସହିତ ବହୁ ରାଜ୍ୟ ଏହି ଆଇନକୁ ମସଲମାନ ବିରୋଧି ବୋଲି କହି ଏହା ବିରୋଧରେ ବିକ୍ଷୋଭ ପ୍ରଦର୍ଶନ କରିଥିଲେ। ତେବେ ସରକାରଙ୍କ କହିବା ଅନୁସାରେ, ଏହି ଆଇନ କୌଣସି ଜାତି କିମ୍ବା ଧର୍ମ ବିରୋଧରେ ନୁହେଁ। ସରକାରଙ୍କ କହିବା ଅନୁସାରେ, ଏଥିରେ କେବଳ ପଡୋଶୀ ଦେଶରେ ପୀଡିତ ସଂଖ୍ୟାଲଘୁଙ୍କୁ ଭାରତର ନାଗରିକତା ମିଳିପାରିବ।
