ରାୟଗଡ଼(ଗଜପତି) ୦୬/୦୨: ଚୋରାରେ ହେଉଥିଲା ଗଞ୍ଜେଇ ଚାଲଣ। ରାୟଗଡ଼ ପୋଲିସକୁ ମିଳିଲା ବିଶେଷ ସୂଚନା। ସୋମବାର ସନ୍ଧ୍ୟାରେ ରାଜପୁର ନଦୀ ନିକଟରେ ଚଢ଼ଉ କରି ଦୁଇ ଜଣଙ୍କୁ ମାଡ଼ିବସିଲା ପୋଲିସ। ୩୮ କେଜି ଗଞ୍ଜେଇ ସହ ଦୁଇ ବାଇକ୍ ଜବତ।
ସୂଚନା ଯୋଗ୍ୟ ଯେ, ରା. ଉଦୟଗିରି ଥାନା ଅନ୍ତର୍ଗତ ଟୀକାମାଳ ଗ୍ରାମର କେଶବ ରଇତ (୨୦) ,ମୁନୁ ରଇତ (୩୧)ଏହି ଦୁଇଜଣ ବ୍ୟକ୍ତି ବାଇକ୍ ନଂ ଓଆର୍୦୭ଏକ୍ସ ୨୮୯୭ ଓ ହୋଣ୍ଡା ସାଇନ୍ ବାଇକ୍ ନଂ ଓଡ଼ି୦୭ଏ ୨୧୫୨ ଗଞ୍ଜେଇ ନେଇ ପଲାଶା ଯାଉଥିବା ବେଳେ ରାୟଗଡ଼ ପୁଲିସ୍ ବିଶ୍ୱସ୍ତ ସୂତ୍ରରୁ ଖବର ପାଇ ରାଜପୁର ନଦୀ ନିକଟରେ ଧରିଥିଲା। ଉଭୟଙ୍କ ଠାରୁ ୩୮ କେଜି ଗଞ୍ଜେଇ ସହ ଦୁଇ ବାଇକ୍କୁ ଜବତ କରିଛି ପୁଲିସ। ଘଟଣା ସ୍ଥଳରେ ସ୍ଥାନୀୟ ତହସିଲଦାର ତଥା ମାଜିଷ୍ଟ୍ରେଟ ରାଜକିଶୋର ପଟ୍ଟନାୟକ ଉପସ୍ଥିତ ଥିଲେ। ଦୁଇ ଜଣଙ୍କୁ ଗିରଫ କରି କେସ୍ ନଂ ୧୦/୨୪ ରେ ମାମଲା ରୁଜୁ କରି କୋର୍ଟ ଚାଲାଣ କରିଥିବା ଥାନା ଅଧିକାରୀ ସୁନୀଲ କୁମାର ବେହେରା କହିଛନ୍ତି ।