ଚୌଦ୍ୱାର, ୦୧/୦୨ : ଡିଭାଇଡରରେ ପିଟି ହୋଇ ଓଲଟିଲା ବସ୍। ୫୫ ନମ୍ବର ଜାତୀୟ ରାଜପଥ ଚୌଦ୍ୱାର ଥାନା ନୂଆପାଟଣା ଗାର୍ଡେନ ରିସର୍ଟ ସମ୍ମୁଖରେ ଡିଭାଇଡରରେ ପିଟି ହୋଇ ଏକ ବସ୍ ଓଲଟି ପଡିଛି l ଫଳରେ ବସ୍ର ଆଗ ଚକା ଦୁଇଟି ବାହାରି ଯାଇଛି l ବସ୍ରେ ଥିବା ୨୦ ରୁ ଉର୍ଦ୍ଧ୍ଵ ଯାତ୍ରୀ ଆହତ ହୋଇଛନ୍ତି। ଯାତ୍ରୀମାନେ ଡୋର ପଟେ ବାହାରକୁ ବାହାରିଥିଲେ। ଚୌଦ୍ୱାର ପୋଲିସ ଘଟଣା ସ୍ଥଳରେ ପହଞ୍ଚି ୪ଟି ଆମ୍ବୁଲାନ୍ସ ଯୋଗେ ଆହତଙ୍କୁ କଟକ ବଡ ମେଡିକାଲ ପଠାଇଛି l
ସୂଚନାନୁଯାୟୀ, ବସ୍ଟି ଦେବଗଡ଼ରୁ ଭୁବନେଶ୍ୱର ଆଦିବାସୀ ପଡିଆରେ ଚାଲିଥିବା ପ୍ରଦର୍ଶନୀ ପଡିଆକୁ ଯାଉଥିଲା l ବସ୍ରେ ୫୪ ଜଣ ଯାତ୍ରୀ ଥିଲେ l ତାମଧ୍ୟ୍ୟରୁ ଜଣେ ମହିଳାଙ୍କର ଗୋଡ଼ କଟି ଯାଇଥିବା ବେଳେ ୨୦ ରୁ ଉର୍ଦ୍ଧ୍ଵ ଆହତ ହୋଇଛନ୍ତି l ବସ୍ରେ ୬ ଜଣ ଛୋଟ ପିଲା ଥିଲେ l ଘଟଣା ସ୍ଥଳରେ ଚୌଦ୍ୱାର ଆଇଆଇସିଙ୍କ ଶହ ପୁଲିସ ତଦନ୍ତ କରୁଛି l କ୍ରେନ ଯୋଗେ ବସ୍ଟିକୁ ରାସ୍ତା ପାର୍ଶ୍ଵକୁ ଉଠାଯାଇଛି l ଫଳରେ ଯାତାୟାତ ସ୍ୱଭାବିକ ହୋଇଛି l
