ଢେଙ୍କାନାଳ, ୧୧।୮: ଢେଙ୍କାନାଳରେ ଜଳିଗଲା ଚଳନ୍ତା କଣ୍ଟେନର । ଏନଏଚ୍-୫୫ର ସହରର ଉପକଣ୍ଠ କାଠଗଡ଼ା ନିକଟରେ ଏଭଳି ଅଘଟଣ ଘଟିଛି । ଅଗ୍ନିଶମ ବାହିନୀ ଦ୍ୱାରା ନିଆଁକୁ ଆୟତ୍ତ କରାଯାଇଥିବା ବେଳେ କାହାରି କିଛି କ୍ଷତି ହୋଇନଥିବା ସୂଚନା ।

୫୫ନଂ ଜାତୀୟ ରାଜପଥର ଢେଙ୍କାନାଳ ଉପକଣ୍ଠ କାଠଗଡ଼ା ନିକଟରେ ଏକ କଣ୍ଟେନର ଜଳିଯାଇଛି । କେମିକାଲ ବୋଝେଇ ଏହି କଣ୍ଟେନରଟି ଚାଲୁଥିବା ଅବସ୍ଥାରେ ଜଳିଥିଲା । ଫଳରେ ଡ୍ରାଇଭର ଗାଡ଼ି ଅଟକାଇ ଓହ୍ଲାଇ ପଡ଼ିଥିବା ବେଳେ ସେ ସୁରକ୍ଷିତ ଥିବା ଜଣାପଡ଼ିଛି । କଣ୍ଟେନରଟିରେ କେମିକାଲ ବୋଝେଇ ଥିବାବେଳେ ବ୍ୟାଟେରୀରୁ ସର୍ଟ ସର୍କିଟ ହୋଇ ନିଆଁ ଲାଗିଥିବା ଜଣାପଡ଼ିଛି । ଖବର ପାଇ ଢେଙ୍କାନାଳ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି । ତେବେ ଅଚାନକ ଏକ ଚଳନ୍ତା ଗାଡ଼ିରେ ନିଆଁ ଲାଗିଥିବା ଦେଖି ଘଟଣାସ୍ଥଳରେ ସ୍ଥାନୀୟ ଲୋକ ରୁଣ୍ଡ ହୋଇଥିଲେ ।