ନବରଙ୍ଗପୁର,୬।୩ (ନି:ପ୍ର) : ଆନ୍ତର୍ଜାତିକ ମହିଳା ଦିବସ ଅବସରରେ କୋଇଲିମୁଣ୍ଡା ଗ୍ରାମ ପଞ୍ଚାୟତ ଅଧିନସ୍ଥ ଖଡ଼ଖଡି ଅଙ୍ଗନବାଡି କେନ୍ଦ୍ର ର ଅଙ୍ଗନବାଡି କର୍ମୀ ପୂର୍ଣ୍ଣିମା ଦେଇଙ୍କୁ ପୁରସ୍କୃତ କରାଯାଇଛି।
ଶିଶୁ ବିକାଶ ବିଭାଗର ବିଭିନ୍ନ କାର୍ଯ୍ୟକ୍ରମରେ ଉଲ୍ଲେଖନୀୟ କାର୍ଯ୍ୟ ଓ ସଫଳତା ଅର୍ଜନ କରିଥିବା ହେତୁ ଏହାର ନିଦର୍ଶନ ସ୍ଵରୂପ ଆନ୍ତର୍ଜାତୀୟ ମହିଳା ଦିବସ ଅବସରରେ ନବରଙ୍ଗପୁର ଜିଲ୍ଲପାଳ ଡଃ କମଳ ଲୋଚନ ମିଶ୍ର ଏକ ମାନପତ୍ର ସହ ନଗଦ ୫ ହଜାର ଟଙ୍କା ପୁରସ୍କାର ପ୍ରଦାନ କରିଅଛନ୍ତି l ଆଜି ଜିଲ୍ଲାର ଦଶ ଗୋଟି ବ୍ଲକ୍ ର ଅଙ୍ଗନବାଡି କର୍ମୀ ଙ୍କୁ କାର୍ଯ୍ୟକ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ କରିଥିବାରୁ ସ୍ଵତନ୍ତ୍ର ଭାବେ ସମସ୍ତଙ୍କୁ ପୁରସ୍କୃତ କରାଯାଇଥିଲା l
l ତେବେ ଚନ୍ଦାହାଣ୍ଡି ଶିଶୁ ବିକାଶ ପ୍ରକଳ୍ପ ଅଧୀନସ୍ଥ ଖଡ଼ଖଡି ଅଙ୍ଗନବାଡି କର୍ମୀ କାର୍ଯ୍ୟକ୍ଷେତ୍ରରେ ନିଜ ସେବା ମନୋଭାବ ନେଇ କାମ କରିବା ଅଧିକ କର୍ମ ତତ୍ପର ହୋଇ କାର୍ଯ୍ୟ କରିଥାନ୍ତି। ସରକାରଙ୍କ ଶିଶୁ ବିକାଶ ବିଭାଗର ଛଅ ଗୋଟି ମୁଖ୍ୟ ସେବା ଓ ତିନି ଗୋଟି ଅତିରିକ୍ତ ସେବା ସମେତ ମିଶନ ଶକ୍ତି ଅଧୀନରେ ଥିବା ସମସ୍ତ କାର୍ଯ୍ୟକ୍ରମ କୁ ଅତି ସୁନ୍ଦର ଭାବରେ ସମ୍ପାଦନ କରି ଆସୁଛନ୍ତି। ସେ ବର୍ତ୍ତମାନ ଅଲ ଓଡ଼ିଶା ଅଙ୍ଗନବାଡି କର୍ମୀ ସଂଘ ଚନ୍ଦାହାଣ୍ଡି ର ବ୍ଲକ୍ ସଭାନେତ୍ରୀ ଭାବେ ଦାୟିତ୍ବ ଗ୍ରହଣ କରି ସଂଗଠନର ସମସ୍ତ ସଦସ୍ୟାଙ୍କ ସାମୁହିକ ବିକାଶ ପାଇଁ ଲଢ଼େଇ କରିଆସୁଛନ୍ତି। ପୂର୍ଣ୍ଣିମାଙ୍କ ଏଭଳି ସଫଳତା ପାଇଁ କୋଇଲିମୁଣ୍ଡା ସେକ୍ଟର ର ଅଙ୍ଗନବାଡି କର୍ମୀମାନେ ତାଙ୍କୁ ଶୁଭେଚ୍ଛା ଜଣାଇଛନ୍ତି l