ନୂଆଦିଲ୍ଲୀ : ମୋଦି ସରକାର ୩.୦ରେ ଅମିତ ଶାହ ମଧ୍ୟ ମନ୍ତ୍ରୀ ପଦର ଶପଥ ନେଇଛନ୍ତି। ସେ ମୋଦି ସରକାରର ଦ୍ୱିତୀୟ କାର୍ଯ୍ୟକାଳରେ ଗୃହ ଓ ସହକାରୀ ମନ୍ତ୍ରୀର ଦାୟିତ୍ୱ ତୁଲାଇ ସାରିଛନ୍ତି। ହେଲେ ଏହି ଥର ଶାହ କେଉଁ ମନ୍ତ୍ରଣାଳୟର ଦାୟିତ୍ୱ ନେବେ, ଏହା ମନ୍ତ୍ରଣାଳୟର ବଣ୍ଟନ ପରେ ହିଁ ସ୍ପଷ୍ଟ ହେବ। ଅମିତ ଶାହଙ୍କ ବ୍ୟତୀତ ରାଜନାଥ ସିଂହ , ନୀତିନ ଗଡ଼କରି , ଶିବରାଜ ସିଂହ ଚୌହାନ , ପୀୟୁଷ ଗୋୟଲ , ମନୋହର ଲାଲ ଖଟ୍ଟର ମଧ୍ୟ କ୍ୟାବିନେଟ୍ ମନ୍ତ୍ରୀ ପଦର ଶପଥ ନେଇଛନ୍ତି।
ତୃତୀୟ ଥର ପ୍ରଧାନମନ୍ତ୍ରୀ ପଦ ପାଇଁ ଶପଥ ଗ୍ରହଣ କଲେ ନରେନ୍ଦ୍ର ମୋଦୀ
ବିଜେପିର ୨୦୧୯ରେ ଯେବେ ୩୦୩ ସିଟ୍ ଆସିଲା ତ , ଅମିତ ଶାହ ସରକାରରେ ସାମିଲ ହୋଇଥିଲେ ଏବଂ ସେ ଗୃହ ମନ୍ତ୍ରଣାଳୟ ନିଜ ପାଖରେ ରଖିଥିଲେ। ସେ ଗୃହମନ୍ତ୍ରୀ ଥିବା ବେଳେ ଜମ୍ମୁ କାଶ୍ମୀରରୁ ଧାରା ୩୭୦କୁ ନିରସ୍ତ୍ର କରି ଦିଆ ଯାଇ ଥିଲା ଏବଂ ଜମ୍ମୁ କାଶ୍ମୀର ରାଜ୍ୟକୁ ଦୁଇଟି କେନ୍ଦ୍ର ଶାସିତ ପ୍ରଦେଶରେ ବଣ୍ଟା ଦିଆ ଯାଇ ଥିଲା। ଏହା ବ୍ୟତୀତ ଯେବେ ଅମିତ ଶାହ ନାଗରିକତା ସଂଶୋଧନ ଅଧିନିୟମ (ସିଏଏ) ଓ ନ୍ୟାସନାଲ ରେଜିଷ୍ଟର ଅଫ୍ ସିଟିଜନସିପ୍ (ଏନଆରସି) ନେଇ ଆସିଲେ ତ, ସାରାଦେଶରେ ବିରୋଧ ପ୍ରଦର୍ଶନ ହୋଇଥିଲା। ହେଲେ ଏବେ ଦେଶରେ ସିଏଏ ଲାଗୁ କରାଯାଇ ସାରିଛି ଏବଂ ଏହି ଆଇନ ମାଧ୍ୟମରେ ଅନେକ ଲୋକଙ୍କୁ ଭାରତର ନାଗରିକତା ମଧ୍ୟ ଦିଆଯାଇ ସାରିଛି। ମୋଦି ସରକାର ୨.୦ରେ ଅମିତ ଶାହଙ୍କ ଏହି ଦୁଇଟି ବଡ଼ ନିଷ୍ପତ୍ତିକୁ ବଡ଼ ସର୍ବଦା ମନେ ରଖାଯିବ। ନିଜ ନିଷ୍ପତ୍ତି କାରଣରୁ ଅମିତ ଶାହଙ୍କୁ ଖୁବ୍ କଡ଼ା ଗୃହମନ୍ତ୍ରୀ ଭାବେ ମନେ କରାଯାଏ।
ଯେବେ ୨୦୧୩ରେ ନରେନ୍ଦ୍ର ମୋଦିଙ୍କୁ ଭାରତୀୟ ଜନତା ପାର୍ଟିର ପ୍ରଧାନମନ୍ତ୍ରୀ ପ୍ରାର୍ଥୀ ଭାବେ ଘୋଷିତ କରାଯାଇ ଥିଲା , ଏହି ସମୟରେ ତାଙ୍କର ନଜର ୟୁପି ଉପରେ ଥିଲା , କାରଣ ଏଠାରେ ସବୁଠୁ ଅଧିକ ଲୋକସଭାର ୮୦ଟି ସିଟ୍ ଥିଲା। ଏଥିପାଇଁ ଅମିତ ଶାହ ୟୁପିର ପ୍ରଭାରୀ ହୋଇ ଥିଲେ ଏବଂ ବିଜେପି ୟୁପିରେ ଖୁବ୍ ସୁନ୍ଦର ପ୍ରଦର୍ଶନ କରି ୭୧ଟି ସିଟ୍ ଜିତି ଥିଲେ। ମୋଦିଙ୍କ ପ୍ରଥମ କାର୍ଯ୍ୟକାଳରେ ଅମିତ ଶାହ ସରକାରରେ ସାମିଲ ହୋଇ ନଥିଲେ। ତାଙ୍କୁ ପାର୍ଟିର ଦାୟିତ୍ୱ ଦିଆଯାଇ ଥିଲା।
ଯେବେ ନରେନ୍ଦ୍ର ମୋଦି ଗୁଜରାଟର ମୁଖ୍ୟମନ୍ତ୍ରୀ ଥିଲେ , ଏହି ସମୟରେ ଅମିତ ଶାହ ଗୃହମନ୍ତ୍ରୀ ଥିଲେ। ସେ ସରଖେଜ୍ ବିଧାନସଭାରୁ ପ୍ରଥମ ଥର ଉପନିର୍ବାଚନ ଲଢି ଥିଲେ ଏବଂ ଏଥିରେ ପାଖାପାଖି ୨୫ ହଜାର ଭୋଟରେ ବିଜୟ ହାସଲ କରିଥିଲେ। ଏହାପରେ ନାରଣପୁରରୁ ସେ ୨୦୧୨ ଯାଏ ଲଗାତାର ଜିତି ଆସି ଥିଲେ। ଏହି ସମୟରେ ସେ ଚର୍ଚ୍ଚାକୁ ଆସିଲେ। ଯେବେ ଗ୍ୟାଙ୍ଗଷ୍ଟର ସୋହରାବୁଦ୍ଦିନ, ତାଙ୍କର ବିବି କୌସର ବି ଓ ସହଯୋଗୀ ତୁଳସୀ ପ୍ରଜାପତିଙ୍କର ଏନକାଉଣ୍ଟର ହେଲା । ଏହି ମାମଲାରେ ସିବିଆଇ ଅମିତ ଶାହଙ୍କୁ ଗିରଫ କରି ନେଇ ଥିଲା। ହେଲେ ପରେ ଏହି ମାମଲାରେ ସବୁ ଅଭିଯୁକ୍ତଙ୍କୁ କୋର୍ଟ ମୁକ୍ତ କରିଦେଇ ଥିଲା।
ଚଳିତ ଥର ନର୍ବାଚନ କଥା ଯଦି କହିବା ତ ଅମିତ ଶାହ ଗାନ୍ଧୀ ନଗର ଆସନରୁ କଂଗ୍ରେସ ପ୍ରାର୍ଥୀ ସୋନଲ ରମନଭାଇ ପଟେଲଙ୍କୁ ପାଖାପାଖି ସାଢେ ସାତ ଲକ୍ଷ ଭୋଟରେ ହରାଇଛନ୍ତି। ଅମିତ୍ ଶାହଙ୍କୁ ୧୦ ଲକ୍ଷ ୧୦ ହଜାର ୯୭୨ ଭୋଟ୍ ମିଳିଛି।
