ନୂଆଦିଲ୍ଲୀ: ୧୫ ଦିନରେ ଟଙ୍କା ଡବଲ । ମାତ୍ର ୩ ମାସରେ ୩୪୧ କୋଟି ଟଙ୍କାର ଠକେଇ । ମାର୍ଚ୍ଚ, ଏପ୍ରିଲ ଓ ମେ’ ୨୦୨୧ରେ ୫୦ ଲକ୍ଷ ଭାରତୀୟଙ୍କୁ ଚୂନ ଲଗାଇ ଦେଇଛି ଚୀନ୍ ଆପ୍ । ଉତ୍ତରାଖଣ୍ଡ ପୋଲିସ ପ୍ରଥମ ମାମଲା ରୁଜୁ କରିବା ପରେ ଚୀନ୍ ଆପର ଗୁମର ଖୋଲୁଛି । ଏବେ ପ୍ରବର୍ତ୍ତନ ନିର୍ଦ୍ଦେଶାଳୟ ଦେଶର ବିଭିନ୍ନ ସ୍ଥାନରେ ଚଢ଼ାଉ କରିଛି । ପ୍ଲେଷ୍ଟୋରରେ ଥିଲା ଚୀନ୍ର ‘ପାଓ୍ବାର ବ୍ୟାଙ୍କ’ ଆପ୍ । ଟଙ୍କା ଡବଲ ଲୋଭରେ ଲୋକେ ଦେଇଛନ୍ତି କୋଟି କୋଟି ଟଙ୍କା । ସବୁଠୁ ବଡ଼ କଥା ହେଉଛି, ପାଓ୍ବାର ବ୍ୟାଙ୍କକୁ ଚଳାଉଥିଲା ବେଙ୍ଗାଲୁରୁର ଟେକନୋଲୋଜି କମ୍ପାନି ଇଣ୍ଡିଆନ ପାଓ୍ବାର ।
ଦିଲ୍ଲୀ-ଏନସିଆର,ମୁମ୍ବାଇ ଏବଂ ଗୁଜରାଟ ଭଳି ଦେଶର ଅନେକ ସ୍ଥାନରେ ତନଘନା କରୁଛି ଇଡି । ଏସବୁ ଭିତରେ ଅହମ୍ମଦାବାଦରେ ଇଡି ପ୍ରାୟ ୯ କୋଟି ଟଙ୍କା ଫ୍ରିଜ୍ କରିଛି । ସେପଟେ ତଦନ୍ତ ଏଜେନ୍ସିର ରାଡାରରେ ଅଛନ୍ତି ଏକାଧିକ କମ୍ପାନିର ମୁଖ୍ୟ । କରୋନା ପରେ ପରେ ଦେଶରେ ସାଇବର ଅପରାଧ ଶିଖର ଛୁଇଁଛି । ରିପୋର୍ଟ କହୁଛି, ୨୦୨୪ ରେ ଜାନୁଆରୀରୁ ଏପ୍ରିଲ ମଧ୍ୟରେ ୧୭୫୦ କୋଟି ଟଙ୍କା ଲୁଟିନେଇଛନ୍ତି ସାଇବର ଠକ ।
ଡିଜିଟାଲର ଯୁଗରେ ମାତ୍ର ଗୋଟିଏ କ୍ଲିକରେ ସବୁକିଛି ମିଳିଯାଉଛି। ଘରେ ବସି ଅନଲାଇନ ପେମେଣ୍ଟଠାରୁ ନେଇ ସମସ୍ତ କାର୍ଯ୍ୟ ଖୁବ ସହଜରେ ହେଉଛି। କରୋନା ଭାଇରସ ଲକଡାଉନ ପରେ ଡିଜିଟାଲ କାର୍ଯ୍ୟରେ ଜବରଦସ୍ତ ବୃଦ୍ଧି ଦେଖିବାକୁ ମିଳିଛି। ତେବେ ଏହାରି ମଧ୍ୟରେ ଚୀନ ଆପ ଲକ୍ଷ ଲକ୍ଷ ଭାରତୀୟଙ୍କଠାରୁ କୋଟି କୋଟି ଟଙ୍କା ଠକିନେଇଛି। ଏହି ଚାଇନିଜ ଆପ ଅନେକ ଲୋକଙ୍କୁ ବ୍ଲାକମେଲ ମଧ୍ୟ କରିଛି। ଏପରି ଏକ ଚାଇନିଜ ଆପ ପାୱାର ବ୍ୟାଙ୍କ ଅଟେ। ଏହାରି ମାଧ୍ୟମରେ ୪ ମାସରେ ୫୦ ଲକ୍ଷରୁ ଅଧିକ ଲୋକଙ୍କଠାରୁ ୩୪୧ କୋଟି ଟଙ୍କାର ଠକେଇ ହୋଇଛି।
ପାୱାର ବ୍ୟାଙ୍କ ଠକେଇର ଖୁଲାସା ଉତ୍ତରାଖଣ୍ଡ ପୋଲିସ କରିଛି। ପ୍ରବର୍ତନ ନିର୍ଦ୍ଦେଶାଳୟ ଏହି ଦୁର୍ନୀତିର ଯାଞ୍ଚ ଆରମ୍ଭ କରିସାରିଛି। ଯେଉଁଥିରେ ମେ ୨୦୨୧ ମଧ୍ୟରେ କୋଟି କୋଟି ଟଙ୍କା ଭାରତୀୟଙ୍କଠାରୁ ଠକି ନିଆଯାଇଛି। ଲୋକଙ୍କୁ ପ୍ରଲୋଭିତ କରାଯାଇଥିଲା ଯେ, ୧୫ ଦିନରେ ଆପଣଙ୍କ ଟଙ୍କା ଦ୍ୱିଗୁଣା ହୋଇଯିବ। ଏହି ଆପକୁ ଗୁଗୁଲ ପ୍ଲେ ଷ୍ଟୋରରୁ ଡାଉନଲୋଡ କରାଯାଇପାରିବ। ମିଡିଆ ରିପୋର୍ଟ ଅନୁଯାୟୀ, ପାୱାର ବ୍ୟାଙ୍କ ଆପକୁ ପବ୍ଲିସ କରୁଥିବା କମ୍ପାନୀର ନାମ ଇଣ୍ଡିଆନ ପାୱାର ଥିଲା। ଏହାକୁ ବେଙ୍ଗାଲୁରୁର ଏକ ଟେକ୍ନୋଲୋଜି ତିଆରି କରିଥିଲା।ଏହି କମ୍ପାନୀ ଉପରେ ମାର୍ଚ୍ଚ ୨୦୨୧ରୁ ମେ ୨୦୨୧ ସମୟରେ ୩୪୧ କୋଟି ଟଙ୍କା ନେଇଥିବାର ଅଭିଯୋଗ ଲାଗିଥିଲା। ପ୍ରବର୍ତ୍ତନ ନିର୍ଦ୍ଦେଶାଳୟ ଦିଲ୍ଲୀ-ଏନସିଆର, ମୁମ୍ବାଇ ଏବଂ ଗୁଜରାଟ ତଦନ୍ତ ଅଭିଯାନ ଚଳାଇଛି। ଏଥିରେ ଅନେକ ଇଲେକ୍ଟ୍ରୋନିକ୍ସ ପ୍ରମାଣ ଏବଂ କାଗଜପତ୍ର ଜବତ କରାଯାଇଛି।
