ନୂଆଦିଲ୍ଲୀ,୧୭।୫: ସ୍ବାତୀ ମାଲିଓ୍ବାଲଙ୍କ ଉପରେ ହୋଇଥିବା ଆକ୍ରମଣକୁ ନେଇ ଆପ୍ ନେତା ଆତିଶି ସିଂ ସାମ୍ବାଦିକ ସମ୍ମିଳନୀ କରିଛନ୍ତି । ସେ ମାଲିଓ୍ବାଲଙ୍କୁ ବିଜେପିର ଷଡଯନ୍ତ୍ରୀ ଚେହରା ବୋଲି କହିଛନ୍ତି। ସେ ମୁଖ୍ୟମନ୍ତ୍ରୀଙ୍କ ବାସଭବନର ଭିଡିଓ କଥା ନେଇ କହିଛନ୍ତି, ଏହି ଭିଡିଓ ତାଙ୍କ ଅଭିଯୋଗ ବିପରୀତ ଦେଖାଯାଉଛି।

ମାଲିଓ୍ବାଲ ସମୟ ନମାଗି ମୁଖ୍ୟମନ୍ତ୍ରୀଙ୍କୁ ସିଧା ଭେଟିବାକୁ ଯାଇଥିଲେ। ତାଙ୍କୁ ରୋକିବାକୁ ସେ ଜବରଦସ୍ତ ସିଏମ୍ ହାଉସରେ ପଶି ଯାଇଥିଲେ। ଆତିଶି କହିଛନ୍ତି, ବିଜେପି ଇଶାରାରେ ମାଲିଓ୍ବାଲଙ୍କୁ ମୋହରା କରାଯାଇଛି। ଏହି ପୁରା ଷଡଯନ୍ତ୍ର ଦିଲ୍ଲୀର ମୁଖ୍ୟମନ୍ତ୍ରୀ କେଜ୍ରିଓ୍ବାଲଙ୍କୁ ଫଶାଇବା ପାଇଁ କରାଯାଉଛି। ଆତିଶି ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓ କଥା କହି କହିଛନ୍ତି, ଏଥିରେ ମାଲିଓ୍ବାଲ ଆରାମରେ ସୋଫା ଉପରେ ବସିଛନ୍ତି। ସେ ପୋଲିସ କର୍ମଚାରୀ ଓ ବିଭବ କୁମାରଙ୍କୁ ଜୋରରେ ପାଟି କରି ଧମକାଉଛନ୍ତି। ଖରାପ ଶବ୍ଦ ମଧ୍ୟ ବ୍ୟବହାର କରିଛନ୍ତି ।ଭିଡିଓ ସ୍ପଷ୍ଟ କରିଦେଇଛି ଯେ, ମାଲିଓ୍ବାଲଙ୍କ ଦ୍ବାରା ଲଗାଯାଇଥିବା ସବୁ ଅଭିଯୋଗ ମିଛ।

ଆତିଶି କହିଛନ୍ତି, ବିଭବ କୁମାର ଆଜି ସ୍ବାତୀ ମାଲିଓ୍ବାଲଙ୍କ ବିରୋଧରେ ଅଭିଯୋଗ କରିଛନ୍ତି ଓ ବିସ୍ତାର ଭାବରେ ନିଜର ପକ୍ଷ ରଖିଛନ୍ତି। ମାଲିଓ୍ବାଲ ସେ ଦିନ କୌଣସି ସମୟ ନନେଇେ ମୁଖ୍ୟମନ୍ତ୍ରୀଙ୍କୁ ଭେଟିବାକୁ ତାଙ୍କୁ ବାସଭବନକୁ ଆସିଥିଲେ। ତାଙ୍କୁ ଗେଟ୍‌ରେ ରୋକିବାକୁ ଗାର୍ଡକୁ ଗାଳି କରିଥିଲେ। କହିଥିଲେ, ତୁମର ଚାକିରୀ ନେଇଯିବି। ଏହାପରେ ଜବରଦସ୍ତ ଘର ଭିତରକୁ ପଶିଥିଲେ। ବିଭବ କୁମାର ତାଙ୍କୁ କହିଥିଲେ, ଏବେ ମୁଖ୍ୟମନ୍ତ୍ରୀଙ୍କୁ ଭେଟିପାରିବେନି। ସେ ଏହା କହିବାକୁ ସ୍ବାତୀ ମାଲିଓ୍ବାଲ ତାଙ୍କୁ ଧକ୍କା ଦେବା ସହ ଖରାପ ବ୍ୟବହାର କରିଥିଲେ।