କାଶୀପୁର, ୫।୧୧: ଗଜଲକ୍ଷ୍ମୀ ପୂଜା ଉଦଯାପିତ । କାଶୀପୁର ବ୍ଲକ ସଦର ସ୍ଥିତ ଫରେଷ୍ଟ ରେଞ୍ଜ ଅଫିସ ନିକଟରେ ଏବଂ ଟିକିରି ସ୍ଥିତ କରା କୂପଲି ସାହିରେ ମହାଆଡମ୍ବରରେ ଆୟୋଜିତ ଗଜଲକ୍ଷ୍ମୀ ପୂଜା ଉତ୍ସବ ଉଦଯାପିତ ହୋଇଯାଇଛି । ଗତ କିଛି ବର୍ଷ ହେଲା ଏଠାରେ ପୂଜା କମିଟି ପକ୍ଷରୁ ନିୟମିତ ଭାବେ ଗଜଲକ୍ଷ୍ମୀ ପୂଜା କରାଯାଉଛି । 

ଏହି ଅବସରରେ ଟିକିରିଠାରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଗତକାଲି ମା’ ଲକ୍ଷ୍ମୀଙ୍କ ମୃଣ୍ମୟମୂର୍ତ୍ତିକୁ ବାଦ୍ୟ ବାଜଣାସହ ନଗର ପରିକ୍ରମା କରିବା ପରେ ବିସର୍ଜନ କରାଯାଇଛି । ଟିକିରି ପୂଜା କମିଟିର କାର୍ଯ୍ୟକର୍ତ୍ତା ମଧ୍ୟରେ ସହଦେବ ମାଝୀ, ଚିତରୁ ମାଝୀ, ଡମ୍ବୁରୁ ସାହୁ, ମହେଶ୍ୱର ମାଝୀ, ଦିପୁ ସାହୁ, ଗିରି ମାଝୀ ପ୍ରମୁଖ ଏହାର ପରିଚାଳନା କରିଥିଲେ ।