ଭୁବନେଶ୍ଵର, ୦୪/୦୯ : ଫୁଡ୍ କମିଶନରଙ୍କ ନିଯୁକ୍ତି ନେଇ ବିଧାନସଭାରେ ପୂର୍ବ ସରକାରଙ୍କ ଉପରେ ବର୍ଷିଲେ ଖାଦ୍ୟ ଯୋଗାଣ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର। ସେ କହିଛନ୍ତି ଯେ, ଜ୍ଞାନ ନଥିବା ବ୍ୟକ୍ତିକୁ କମିଶନର ଭାବେ ବସାଇଛନ୍ତି ବିଜେଡି ସରକାର। ଅଣଓଡ଼ିଆ ଅଫିସରଙ୍କୁ ଯିଏ ଖୁସି କରିପାରୁଥିଲା ସେ ବ୍ୟକ୍ତିଙ୍କୁ ବସାଇଛନ୍ତି। ଯିଏକି ଚୋରା କୋଇଲା ବ୍ୟବସାୟ କରୁଛି, ପାଉଁଶ ଉଠାଣରେ ଲିପ୍ତ ଓ ଏହି ପଦବୀର ଅପବ୍ୟବହାର କରି ଲୁଟିଛନ୍ତି।

କମିଶନର ଜଣେ ମୁଖ୍ୟ ଶାସନ ସଚିବଙ୍କ କ୍ଷମତା ଅଧିକାରୀ ହୋଇଥାନ୍ତି, କିନ୍ତୁ ବିଜେଡି ସରକାର ଏହି ପଦରେ ଜଣେ ବିଏ ପାସ୍ କରିଥିବା ଚୋର, ଡକାୟତ ଓ ଠକକୁ କିପରି ବସାଇଲେ ବୋଲି ମନ୍ତ୍ରୀ ପ୍ରଶ୍ନ କରିଛନ୍ତି। ସେ କହିଛନ୍ତି ଯେ, ଏତେ ଭଲ ଭଲ ବ୍ୟକ୍ତି କମିଶନର ପାଇଁ ଆବେଦନ କରିଥିଲେ ସୁଦ୍ଧା ପୂର୍ବ ସରକାର ତାଙ୍କୁ ବାଦ୍ ଦେଇଥିଲେ। ଏଥିପାଇଁ ଏକ କମିଟି ବସିବ। ତଦନ୍ତ ହେବ। ନିଯୁକ୍ତିରେ ତ୍ରୁଟି ଥିଲେ ସେ ବିତାଡ଼ିତ ହେବେ। ସେପଟେ ବିଜେଡି ବିଧାୟକ ନିରଞ୍ଜନ ପୂଜାରୀ ତାଙ୍କୁ କାଉଣ୍ଟର କରିଛନ୍ତି। ସେ କହିଛନ୍ତି ଯେ, ମନ୍ତ୍ରୀ ମାଲିକ... ଆଜି ସନ୍ଧ୍ୟା ସୁଦ୍ଧା ତାଙ୍କୁ ବାହାର କରିପାରିବେ କି ?