ନୂଆଦିଲ୍ଲୀ: ଭାରତର ଆଉ ଏକ ବଡ଼ ସଫଳତା । ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ (ଡିଆରଡିଓ) ଆକାଶରୁ ଭୂପୃଷ୍ଠକୁ ଟାର୍ଗେଟ୍ କ୍ଷମତା ରଖିଥିବା ଆଣ୍ଟି ରେଡିଏସନ ମିସାଇଲ ରୁଦ୍ରମ ୨ର ସଫଳ ପରୀକ୍ଷଣ କରିଛି । ବୁଧବାର ଓଡ଼ିଶା ଉପକୂଳରୁ ଏହି ମିସାଇଲ ବାୟୁସେନାର ଲଢୁଆ ବିମାନ ସୁଖୋଇ-୩୦ରୁ ପରୀକ୍ଷଣ କରାଯାଇଛି । ଡିଆରଡିଓ ସୋସିଆଲ୍ ମିଡିଆ ପ୍ଲାଟଫର୍ମ ଏକ୍ସରେ ଏହି ସୂଚନା ଦେଇଛି । ଡିଆରଡିଓ ପକ୍ଷରୁ ଲେଖାଯାଇଛି ଯେ, ପରୀକ୍ଷଣରେ ସମସ୍ତ ଉଦ୍ଦେଶ୍ୟ ସଫଳ ହୋଇଛି ।
ଏଥିରେ ପ୍ରୋପଲ୍ସନ ସିଷ୍ଟମରୁ ଆରମ୍ଭ କରି କଣ୍ଟ୍ରୋଲ ଏବଂ ଗାଇଡାନ୍ସ ଆଲୋଗରିଦିମ୍ ସ୍ପଷ୍ଟ ହୋଇଛି ।ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ସୋସିଆଲ୍ ମିଡିଆରେ ଏକ ପୋଷ୍ଟ କରି ମିସାଇଲର ସଫଳ ପରୀକ୍ଷଣକୁ ନେଇ ଡିଆରଡିଓ, ବାୟୁସେନା ଏବଂ ଉଦ୍ୟୋଗ ଜଗତକୁ ଶୁଭେଚ୍ଛା ଜଣାଇଛନ୍ତି । ସେ କହିଛନ୍ତି ଯେ, ଏହି ସଫଳ ପରୀକ୍ଷଣ ପରେ ରୁଦ୍ରମ ୨ର ଭୂମିକା ସ୍ପଷ୍ଟ ହୋଇଛି । ଏହାଦ୍ବାରା ଭାରତର ବାୟୁସେନାର ଶକ୍ତି ଅନେକ ଗୁଣ ବଢିବ ।
The @DRDO_India has successfully flight tested the RudraM-II Air-to-Surface missile from Su-30 MK-I platform of Indian Air Force (IAF), off the coast of Odisha.
— रक्षा मंत्री कार्यालय/ RMO India (@DefenceMinIndia) May 29, 2024
Raksha Mantri Shri @rajnathsingh congratulated DRDO, IAF and industry on the successful test flight of RudraM-II from… pic.twitter.com/DtgcZF4CXi
ପ୍ରତିରକ୍ଷା ମନ୍ତ୍ରଣାଳୟ ମଧ୍ୟ ଏକ ବୟାନରେ କହିଛି ଯେ ରୁଦ୍ରମ ୨ ମିସାଇଲର ପରୀକ୍ଷଣ ସମସ୍ତ ଉଦ୍ଦେଶ୍ୟକୁ ପୂରଣ କରିଛି । ମେ ୨୯ ରେ ଡିଆରଡିଓ ପୂର୍ବାହ୍ଣ ପ୍ରାୟ ସାଢେ ୧୧ଟା ବେଳେ ଓଡ଼ିଶା ଉପକୂଳରୁ ଭାରତୀୟ ବାୟୁସେନାର ସୁଖୋଇ-୩୦ ଏମକେ-୧ ପ୍ଲାଟଫର୍ମରୁ ଆକାଶରୁ ଭୂପୃଷ୍ଠକୁ ଟାର୍ଗେଟ୍ କରୁଥିବା ରୁଦ୍ରମ ୨ ମିସାଇଲର ସଫଳତାପୂର୍ବକ ପରୀକ୍ଷଣ କରିଛି । ରୁଦ୍ରମ ୨ର ସଫଳ ପରୀକ୍ଷଣ ପରେ ଏହା ଆମର ବାୟୁସେନାକୁ ବଳ ଦେବ ବୋଲି କୁହାଯାଉଛି ।