ନୂଆଦିଲ୍ଲୀ,୧୯।୮: ଆଇପିଏଲ ୨୦୨୪ ପୂର୍ବରୁ କ୍ରିକେଟ ଫ୍ୟାନ୍ଙ୍କ ପାଇଁ ଆସିଛି ଭଲ ଖବର। ମ୍ୟାଚ୍ ବେଳେ ଏବେ ଟିଭି ଅମ୍ପାୟରଙ୍କ ପାଖରେ ନିଷ୍ପତ୍ତି ନେବା ପାଇଁ ଭଲ ସିଷ୍ଟମ ଉପଲବ୍ଧ ରହିବ, ଯାହାଫଳରେ ଗତ କିଛି ସିଜିନରେ କିଛି ନିଷ୍ପତ୍ତି ଉପରେ ଯେଉଁ ପ୍ରଶ୍ନ ଉଠୁଥିଲା, ତାହା କମ୍ ହୋଇଯିବ। ଆଇପିଏଲ ୨୦୨୪ରେ ଠିକ୍ ନିଷ୍ପତ୍ତି ନେବା ଓ ମ୍ୟାଚ୍ ବେଳେ ଭଲ ଓ ସଠିକ୍ ନିଷ୍ପତ୍ତି ଦେବା ପାଇଁ ସ୍ମାର୍ଟ ରିପ୍ଲେ ସିଷ୍ଟମ ଲାଗୁ ହେବ।
ଇଏସ୍ପିଏନ୍ କ୍ରିକ୍ ଇନଫୋର ରିପୋର୍ଟ ଅନୁସାରେ, ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ) ଶୁକ୍ରବାରଠାରୁ ଆରମ୍ଭ ହେବାକୁ ଥିବା ଆଗାମୀ ସିଜିନରେ ଦ୍ରୁତ, ସଠିକ୍ ନିଷ୍ପତ୍ତି ନେବା ଓ ଏକ ସହଜ ପକ୍ରିୟା ପାଇଁ ସ୍ମାର୍ଟ ରିପ୍ଲେ ଦେଖାଇବ। ରିପୋର୍ଟ ଅନୁସାରେ, ହକ୍-ଆଇର ୮ ହାଇସ୍ପିଡ୍ କ୍ୟାମେରା ପୁରା ପଡିଆରେ ରହିବ ଓ ଦୁଇ ହକ୍-ଆଇ ଅପରେଟର ଟିଭି ଅମ୍ପାୟର ଥିବା ରୁମ୍ରେ ବସିବେ। ନୂଆ ବ୍ୟବସ୍ଥା ଅନୁସାରେ, ଏବେ ଟିଭି ପ୍ରସାରଣ ନିର୍ଦେଶକ ଦେଖାଯିବେନି, ଯିଏକି ଆଇ ଅପରେଟର ଓ ଥାର୍ଡ ଅମ୍ପାୟର ଭିତରେ ଯୋଗାଯୋଗ ରଖିବାର କାମ କରୁଥିଲେ।
ସ୍ମାର୍ଟ ରିଭ୍ୟୁ ସିଷ୍ଟମ ଆସିବା ଫଳରେ ଟିଭି ଅମ୍ପାୟରଙ୍କୁ ପୂର୍ବ ଅପେକ୍ଷା ଅଧିକ ଭିଜୁଆଲ ମିଳିବ, ଯେଉଁଥିରେ ସ୍ଲିପଟ୍-ସ୍ଲିନ୍ ପିକଚର ମଧ୍ୟ ରହିଛି। ଉଦାହରଣ ଭାବରେ ବାଉଣ୍ଡ୍ରି ଲାଇନ୍ ପାଖରେ ଥିବା ଫିଲ୍ଡର ମୁଣ୍ଡ ଉପର ବଲ୍ ଧରିବା। ଏହି ସମୟରେ ଫିଲ୍ଡରଙ୍କ ଗୋଡ ବାଉଣ୍ଡ୍ରି ଲାଇନ୍ରେ ଟଚ୍ ହୋଇଛି କି ନାହିଁ, ଯେତେବେଳେ ସେ ବଲ୍କୁ ଧରିଲେ, ତାକୁ ସ୍ପଷ୍ଟ ଦେଖିବା ପାଇଁ ଅମ୍ପାୟରଙ୍କ ପାଖରେ ସ୍ଲିପ୍ଟ ସ୍କ୍ରିନ୍ ପିକଚର ରହିବ, ଯାହାଫଳରେ ନିଷ୍ପତ୍ତି ନେବା ସହଜ ହେବ। ପୂର୍ବରୁ ଏହି ଟେକ୍ନୋଲୋଜି ବ୍ରଡକାଷ୍ଟର ପାଇଁ ଉପଲବ୍ଧ ନଥିଲା।
