କୋଣାର୍କ,୯।୯(ଆପ୍ର) ଶନିବାରରୁ ନୂଆଦିଲ୍ଲୀ ଭାରତ ମଣ୍ଡପରେ ଆରମ୍ଭ ହୋଇଛି ଜି-୨୦ ଶିଖର ସମ୍ମୀଳନୀ। ଏହି ସମ୍ମିଳନୀରେ ବିଭିନ୍ନ ଦେଶର ରାଷ୍ଟ୍ର ମୁଖ୍ୟ  ଯୋଗଦେଇଛନ୍ତି। ଜି-୨୦ ସମ୍ମିଳନୀ ସ୍ବାଗତ ମଣ୍ଡପରେ ଶୋଭା ପାଉଛି ବିଶ୍ୱ ଐତିହ୍ୟ କୋଣାର୍କ ସୂର୍ଯ୍ୟମନ୍ଦିରର ଚକ୍ର। ଏହା ସମ୍ମୁଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଷ୍ଟ୍ର ମୁଖ୍ୟଙ୍କୁ ସ୍ବାଗତ ଜଣାଉଛନ୍ତି। ଯାହାକୁ ନେଇ କୋଣାର୍କ ଅଞ୍ଚଳ ବାସୀଙ୍କ ମଧ୍ୟରେ ଆନନ୍ଦର ଲହରୀ ଖେଳିଯାଇଛି। କୋଣାର୍କ ସୂର୍ଯ୍ୟମନ୍ଦିର ସ୍ଥାପତ୍ୟ ଓ ଶିଳ୍ପ କଳା ବିଶ୍ଵରେ ବିରଳ। କଳା ଓ ଭାସ୍କର୍ଯ୍ୟର ସୂକ୍ଷ୍ମ କାରୁକାର୍ଯ୍ୟ ପରିପୂର୍ଣ୍ଣ  ସୂର୍ଯ୍ୟମନ୍ଦିର ବିଶ୍ବରେ ବିସ୍ମୟ ସୃଷ୍ଟି କରିଛି। ଯାହାକୁ ନେଇ ଗର୍ବ କରନ୍ତି ପ୍ରତ୍ୟେକ ଓଡ଼ିଆ।